ជាតិ
នយោបាយជាតិ
កម្ពុជា ឆ្លើយទៅអាមេរិកថា «លោក កឹម សុខា រស់នៅជាមួយគ្រួសារយ៉ាងសុខស្រួល»
លោក កឹម សុខា ជាមួយម្តាយនិងភរិយា។ រូបនេះ ថតពេលលោក មកដល់ផ្ទះ ក្រោយត្រូវបានដោះលែងពីពន្ធនាគារ។ រូបពីគណនីហ្វេសប៊ុក Chantha Muth
×![]()
ដោយ: ថ្មីៗ
«លោក កឹម សុខា ត្រូវបានដោះលែងឲ្យរស់នៅក្នុងផ្ទះរបស់គាត់ជាមួយគ្រួសារយ៉ាងសុខស្រួល ក្រោមការត្រួតពិនិត្យរបស់តុលាការ»។ អ្នកនាំពាក្យក្រសួងការបរទេសកម្ពុជា បរិយាយដូច្នេះ ទៅកាន់អាមេរិក តាមរយៈសេចក្តីថ្លែងការណ៍ នៅថ្ងៃទី១០ ខែកញ្ញា ឆ្នាំ២០១៩។
អ្នកនាំពាក្យការបរទេស ប្រាប់អាមេរិកទៀតថា ដោយសារតែគិតពីហេតុផលមនុស្សធម៌ ទើបបានជាចៅក្រមស៊ើបសួរ សម្រេចដោះលែងលោក កឹម សុខា ចាប់តាំងពីថ្ងៃទី៩ ខែវិច្ឆិកា ឆ្នាំ២០១៨មក។ អ្នកនាំពាក្យការបរទេស ពន្យល់អាមេរិកថា៖«ដូចបណ្តាប្រទេសដទៃទៀត ដែលអនុវត្តប្រព័ន្ធច្បាប់ស៊ីវិល នីតិវិធីតុលាការកម្ពុជា មិនមានចែងអំពីថេរវេលាអតិបរិមា សម្រាប់រឿងក្តីដែលស្ថិតក្រោមការឃ្លាំមើលតាមផ្លូវតុលាការនោះទេ»។
ការចេញសេចក្តីថ្លែងការណ៍របស់អ្នកនាំពាក្យការបរទេសកម្ពុជា គឺធ្វើឡើងក្រោយពីអ្នកស្រី Morgan Ortagus អ្នកនាំពាក្យការបរទេសអាមេរិក ថ្លែងតាមរយៈវីដេអូឃ្លីបខ្លីមួយ ទាក់ទងនឹងសំណុំរឿងរបស់លោក កឹម សុខា ដោយអ្នកស្រី ស្នើឲ្យរដ្ឋាភិបាលកម្ពុជា ក៏ដូចជាតុលាការ ទម្លាក់បទចោទចេញពីលោក កឹម សុខា។ អ្នកស្រី ហៅការចោទប្រកាន់លើលោក កឹម សុខា ថាគ្មានមូលដ្ឋាននិងមិនទាន់មានភស្តុតាងណាមួយ ដែលគួរឲ្យទុកចិត្តបានឡើយ។ អ្នកស្រី នៅចាត់ទុកការរំលាយគណបក្សសង្គ្រោះជាតិ ការចាប់លោក កឹម សុខា ដែលជាប្រធាន និងការដកហូតតំណែងពីមន្ត្រីនៃអតីតគណបក្សប្រឆាំងមួយនេះ ថាជា «ទង្វើបំផ្លាញប្រជាធិបតេយ្យនៅកម្ពុជា»។
អ្នកនាំពាក្យការបរទេសកម្ពុជា បញ្ជាក់ក្នុងសេចក្តីថ្លែងការណ៍ថា ការលើកឡើងរបស់អ្នកស្រី Morgan Ortagus គឺបង្ខំឲ្យភាគីកម្ពុជា ត្រូវតែឆ្លើយតបវិញ។ អ្នកនាំពាក្យការបរទេសកម្ពុជា បានរម្លឹកអាមេរិកថា ការប៉ុនប៉ងរបស់ក្រុមប្រឆាំងនាពេលកន្លងមក ក្នុងការផ្លាស់ប្តូររបបនៅកម្ពុជា មិនមែនជាការអនុវត្តសិទ្ធិមនុស្សជាមូលដ្ឋាននិងលទ្ធិប្រជាធិបតេយ្យនោះទេ។
អ្នកនាំពាក្យការបរទេសកម្ពុជា បញ្ជាក់ថា រដ្ឋាភិបាលកម្ពុជា មានសិទ្ធិពេញលេញក្នុងការចាត់វិធានការតាមផ្លូវច្បាប់ចំពោះបុគ្គលនិងអង្គភាព ដែលរំលោភរដ្ឋធម្មនុញ្ញនិងច្បាប់ ដើម្បីការពារសន្តិសុខជាតិ។ អ្នកនាំពាក្យការបរទេសកម្ពុជា សង្កត់ធ្ងន់ថា កម្ពុជា ទាមទារឲ្យបរទេសគោរពអធិបតេយ្យភាពរបស់កម្ពុជា និង ចៀសវាងការជ្រៀតជ្រែកចូលកិច្ចការផ្ទៃក្នុងកម្ពុជា។
លោក កឹម សុខា ត្រូវបានសមត្ថកិច្ច សម្រុកចូលទៅចាប់ខ្លួនដល់គេហដ្ឋាន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២០១៧ ហើយយកទៅឃុំនៅពន្ធនាគារត្រពាំងផ្លុង ក្នុងខេត្តត្បូងឃ្មុំ ក្រោមការសង្ស័យថា លោក លួចទៅគប់គិតជាមួយបរទេស ដើម្បីផ្តួលរំលំរដ្ឋាភិបាលកម្ពុជា ដែលបទល្មើសនេះ ស្ថិតក្នុងអំពើក្បត់ជាតិ។ ក្រោយមកពីរ-បីខែ គឺនៅពាក់កណ្តាលខែវិច្ឆិកា ឆ្នាំ២០១៧ គណបក្សរបស់លោក ក៏ត្រូវបានតុលាការកំពូលរំលាយចោល និងហាមថ្នាក់ដឹកនាំរបស់លោកជាង១០០នាក់ មិនឲ្យធ្វើនយោបាយរយៈពេល៥ឆ្នាំ។
រហូតដល់អំឡុងខែកញ្ញា ឆ្នាំ២០១៨ ចៅក្រមស៊ើបសួរ បានសម្រេចឲ្យលោក កឹម សុខា រស់នៅក្រៅឃុំបណ្តោះអាសន្ន ប៉ុន្តែមិនព្រមទម្លាក់បទចោទ ហើយបានដាក់បម្រាមយ៉ាងតឹងរ៉ឹងចំពោះលោកថែមទៀត ដែលរួមមាន មិនឲ្យចេញទៅណាឆ្ងាយពីផ្ទះ មិនឲ្យជួបអតីតថ្នាក់ដឹកនាំគណបក្សប្រឆាំង និង មិនឲ្យជួបជនបរទេស ដែលពាក់ព័ន្ធនឹងសំណុំរឿង។ វា មានរយៈពេលពីរឆ្នាំហើយ បើគិតទាំងពេលដែលលោក កឹម សុខ ជាប់ពន្ធនាគារ និង ក្រោយពេលដែលលោក ត្រឡប់ទៅរស់នៅក្នុងផ្ទះ។
បច្ចុប្បន្ន លោក កឹម សុខា រស់នៅ ជាមួយភរិយា និង ម្តាយ ក្នុងគេហដ្ឋាន ដែលស្ថិតនៅសង្កាត់បឹងកក់ពីរ ខណ្ឌទូលគោក រាជធានីភ្នំពេញ។ ចំណែកកូនស្រីរបស់លោកទាំងពីរ បន្តរស់នៅឯបរទេស។
លោក សម រង្ស៊ី ដែលជាដៃគូនយោបាយរស់លោក ប្រកាសថា នឹងដឹកនាំកម្លាំង មកកម្ពុជា នៅថ្ងៃទី៩ ខែវិច្ឆិកា ឆ្នាំ២០១៩ ដើម្បីជំរុញឲ្យមានការផ្លាស់ប្តូរ៕
អ្នកនាំពាក្យការបរទេស ប្រាប់អាមេរិកទៀតថា ដោយសារតែគិតពីហេតុផលមនុស្សធម៌ ទើបបានជាចៅក្រមស៊ើបសួរ សម្រេចដោះលែងលោក កឹម សុខា ចាប់តាំងពីថ្ងៃទី៩ ខែវិច្ឆិកា ឆ្នាំ២០១៨មក។ អ្នកនាំពាក្យការបរទេស ពន្យល់អាមេរិកថា៖«ដូចបណ្តាប្រទេសដទៃទៀត ដែលអនុវត្តប្រព័ន្ធច្បាប់ស៊ីវិល នីតិវិធីតុលាការកម្ពុជា មិនមានចែងអំពីថេរវេលាអតិបរិមា សម្រាប់រឿងក្តីដែលស្ថិតក្រោមការឃ្លាំមើលតាមផ្លូវតុលាការនោះទេ»។
ការចេញសេចក្តីថ្លែងការណ៍របស់អ្នកនាំពាក្យការបរទេសកម្ពុជា គឺធ្វើឡើងក្រោយពីអ្នកស្រី Morgan Ortagus អ្នកនាំពាក្យការបរទេសអាមេរិក ថ្លែងតាមរយៈវីដេអូឃ្លីបខ្លីមួយ ទាក់ទងនឹងសំណុំរឿងរបស់លោក កឹម សុខា ដោយអ្នកស្រី ស្នើឲ្យរដ្ឋាភិបាលកម្ពុជា ក៏ដូចជាតុលាការ ទម្លាក់បទចោទចេញពីលោក កឹម សុខា។ អ្នកស្រី ហៅការចោទប្រកាន់លើលោក កឹម សុខា ថាគ្មានមូលដ្ឋាននិងមិនទាន់មានភស្តុតាងណាមួយ ដែលគួរឲ្យទុកចិត្តបានឡើយ។ អ្នកស្រី នៅចាត់ទុកការរំលាយគណបក្សសង្គ្រោះជាតិ ការចាប់លោក កឹម សុខា ដែលជាប្រធាន និងការដកហូតតំណែងពីមន្ត្រីនៃអតីតគណបក្សប្រឆាំងមួយនេះ ថាជា «ទង្វើបំផ្លាញប្រជាធិបតេយ្យនៅកម្ពុជា»។
អ្នកនាំពាក្យការបរទេសកម្ពុជា បញ្ជាក់ក្នុងសេចក្តីថ្លែងការណ៍ថា ការលើកឡើងរបស់អ្នកស្រី Morgan Ortagus គឺបង្ខំឲ្យភាគីកម្ពុជា ត្រូវតែឆ្លើយតបវិញ។ អ្នកនាំពាក្យការបរទេសកម្ពុជា បានរម្លឹកអាមេរិកថា ការប៉ុនប៉ងរបស់ក្រុមប្រឆាំងនាពេលកន្លងមក ក្នុងការផ្លាស់ប្តូររបបនៅកម្ពុជា មិនមែនជាការអនុវត្តសិទ្ធិមនុស្សជាមូលដ្ឋាននិងលទ្ធិប្រជាធិបតេយ្យនោះទេ។
អ្នកនាំពាក្យការបរទេសកម្ពុជា បញ្ជាក់ថា រដ្ឋាភិបាលកម្ពុជា មានសិទ្ធិពេញលេញក្នុងការចាត់វិធានការតាមផ្លូវច្បាប់ចំពោះបុគ្គលនិងអង្គភាព ដែលរំលោភរដ្ឋធម្មនុញ្ញនិងច្បាប់ ដើម្បីការពារសន្តិសុខជាតិ។ អ្នកនាំពាក្យការបរទេសកម្ពុជា សង្កត់ធ្ងន់ថា កម្ពុជា ទាមទារឲ្យបរទេសគោរពអធិបតេយ្យភាពរបស់កម្ពុជា និង ចៀសវាងការជ្រៀតជ្រែកចូលកិច្ចការផ្ទៃក្នុងកម្ពុជា។
លោក កឹម សុខា ត្រូវបានសមត្ថកិច្ច សម្រុកចូលទៅចាប់ខ្លួនដល់គេហដ្ឋាន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២០១៧ ហើយយកទៅឃុំនៅពន្ធនាគារត្រពាំងផ្លុង ក្នុងខេត្តត្បូងឃ្មុំ ក្រោមការសង្ស័យថា លោក លួចទៅគប់គិតជាមួយបរទេស ដើម្បីផ្តួលរំលំរដ្ឋាភិបាលកម្ពុជា ដែលបទល្មើសនេះ ស្ថិតក្នុងអំពើក្បត់ជាតិ។ ក្រោយមកពីរ-បីខែ គឺនៅពាក់កណ្តាលខែវិច្ឆិកា ឆ្នាំ២០១៧ គណបក្សរបស់លោក ក៏ត្រូវបានតុលាការកំពូលរំលាយចោល និងហាមថ្នាក់ដឹកនាំរបស់លោកជាង១០០នាក់ មិនឲ្យធ្វើនយោបាយរយៈពេល៥ឆ្នាំ។
រហូតដល់អំឡុងខែកញ្ញា ឆ្នាំ២០១៨ ចៅក្រមស៊ើបសួរ បានសម្រេចឲ្យលោក កឹម សុខា រស់នៅក្រៅឃុំបណ្តោះអាសន្ន ប៉ុន្តែមិនព្រមទម្លាក់បទចោទ ហើយបានដាក់បម្រាមយ៉ាងតឹងរ៉ឹងចំពោះលោកថែមទៀត ដែលរួមមាន មិនឲ្យចេញទៅណាឆ្ងាយពីផ្ទះ មិនឲ្យជួបអតីតថ្នាក់ដឹកនាំគណបក្សប្រឆាំង និង មិនឲ្យជួបជនបរទេស ដែលពាក់ព័ន្ធនឹងសំណុំរឿង។ វា មានរយៈពេលពីរឆ្នាំហើយ បើគិតទាំងពេលដែលលោក កឹម សុខ ជាប់ពន្ធនាគារ និង ក្រោយពេលដែលលោក ត្រឡប់ទៅរស់នៅក្នុងផ្ទះ។
បច្ចុប្បន្ន លោក កឹម សុខា រស់នៅ ជាមួយភរិយា និង ម្តាយ ក្នុងគេហដ្ឋាន ដែលស្ថិតនៅសង្កាត់បឹងកក់ពីរ ខណ្ឌទូលគោក រាជធានីភ្នំពេញ។ ចំណែកកូនស្រីរបស់លោកទាំងពីរ បន្តរស់នៅឯបរទេស។
លោក សម រង្ស៊ី ដែលជាដៃគូនយោបាយរស់លោក ប្រកាសថា នឹងដឹកនាំកម្លាំង មកកម្ពុជា នៅថ្ងៃទី៩ ខែវិច្ឆិកា ឆ្នាំ២០១៩ ដើម្បីជំរុញឲ្យមានការផ្លាស់ប្តូរ៕
Tag:
កឹម សុខា
© រក្សាសិទ្ធិដោយ thmeythmey.com
