ជាតិ
បាក់ឌុប
វីដេអូ
ទោះពិការភ្នែកទាំងពីរ តែចំណេះវិជ្ជានាំ យុវជន សូ សៀមសុខឃីម មើលឃើញពិភពលោកដ៏ធំទូលាយ
×![]()
ភ្នំពេញ៖ យុវជន សូ សៀមសុខឃីម ជាសិស្សពិការភ្នែកនៃវិទ្យាល័យអប់រំពិសេសភ្នំពេញថ្មី ដែលទទួលបាននិទ្ទេស D ក្នុងការប្រឡងសញ្ញាបត្រមធ្យមសិក្សាទុតិយភូមិ (ថ្នាក់វិទ្យាសាស្ត្រសង្គម)។ ក្រោយប្រឡងជាប់ យុវជន សូ សៀមសុខឃីម មានមហិច្ឆតាចង់រៀនបន្តផ្នែកទំនាក់ទំនងអន្តរជាតិ បើទោះបីរូបគេជាសិស្សពិការភ្នែកទាំងសងខាងក៏ដោយ។ 
ឆ្លងឆ្លើយក្នុងបទសម្ភាសជាមួយសារព័ត៌មានថ្មីៗ យុវជន សុខឃីម លើកឡើងថា៖ «មូលហេតុដែលខ្ញុំចង់រៀនផ្នែកទំនាក់ទំនងអន្តរជាតិ ដោយសារខ្ញុំ ស្រឡាញ់ មុខវិជ្ជាប្រវត្តិវិទ្យា។ ជាពិសេស គឺរឿងអន្តរជាតិ ខ្ញុំមានអារម្មណ៍ថាខ្ញុំចូលចិត្ត ពេលដែលខ្ញុំស្ដាប់គេវិភាគ ស្ដាប់គេនិយាយពីរឿងអន្តរជាតិ មានអារម្មណ៍ដូចបានស្ដាប់បទចម្រៀងពេលសម្រាកអញ្ចឹង»។
ការទទួលបានជោគជ័យក្នុងការប្រឡងមិនមែនជារឿងសាមញ្ញសម្រាប់សិស្សពិការភ្នែក សូ សៀមសុខឃីម ឡើយ សុខឃីម បានចំណាយពេល៨ម៉ោង ក្នុងមួយថ្ងៃ ដើម្បីរៀនត្រៀមប្រឡងបាក់ឌុបទាំងនៅវិទ្យាល័យសម្ដេចហ៊ុនសែនភ្នំពេញថ្មី និងវិទ្យាល័យអប់រំពិសេសភ្នំពេញថ្មី។ តាមរយៈការខិតខំប្រឹងប្រែង សុខឃីម ដែលមានវ័យ ២២ឆ្នាំរូបនេះ បានប្រឡងជាប់ ដោយទទួលបាននិទ្ទេស D។ សម្រាប់លទ្ធផលនិទ្ទេស D នេះ យុវជន សុខឃីម ពេញចិត្ត ចំពោះអ្វីដែលខ្លួនគេធ្វើបាន។ សុខឃីម ប្រាប់សារព័ត៌មានថ្មីៗយ៉ាងដូច្នេះ៖ «មែនទែនទៅ ខ្ញុំមានអារម្មណ៍ពេញចិត្ត នៅលើអ្វីដែលខ្លួនឯងអាចធ្វើបាន បើទោះបីលទ្ធផលបានប៉ុណ្ណឹងក៏ដោយ។ តែយ៉ាងណា នេះជាអ្វីដែលយើងអាចធ្វើទៅរួច»។
សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey.com ជាមួយយុវជន សូ សៀមសុខឃីម សិស្សពិការភ្នែកជាប់និទ្ទេស D ដូចតទៅ៖
ក្នុងពេលប្រឡង សុខឃីម ប្រាប់ថាមានផលលំបាក ដោយសារតែសរសេរអក្សរចុច និងត្រូវផ្ចង់អារម្មណ៍ស្ដាប់ប្រធានវិញ្ញាសានៅពេលអនុរក្សអាន។ ម្យ៉ាងទៀត សុខឃីម និយាយថា ចំណុចដែលព្រួយបារម្ភ គឺខ្លាចចេញចំកន្លែងដែលខ្លួនចេះហើយ តែធ្វើមិនបាន។
បន្ទាប់ពីប្រឡងជាប់ សុខឃីម ចង់រៀនផ្នែកទំនាក់ទំនងអន្តរជាតិ។ បើទោះបីក្រុមគ្រួសារមានបំណងឲ្យក្លាយជាគ្រូបង្រៀនក៏ពិតមែន ប៉ុន្តែសុខឃីម មានមហិច្ឆតា រៀនផ្នែកទំនាក់ទំនងអន្តរជាតិដែលជាក្ដីស្រមៃរបស់គេ។ «មូលហេតុដែលខ្ញុំចង់រៀនផ្នែកទំនាក់ទំនងអន្តរជាតិ ដោយសារខ្ញុំ ស្រឡាញ់ មុខវិជ្ជាប្រវត្តិវិទ្យា។ ជាពិសេស គឺរឿងអន្តរជាតិ ខ្ញុំមានអារម្មណ៍ថាខ្ញុំចូលចិត្ត ពេលដែលខ្ញុំស្ដាប់គេវិភាគ ស្ដាប់គេនិយាយពីរឿងអន្តរជាតិ មានអារម្មណ៍ដូចបានស្ដាប់ចម្រៀងពេលសម្រាកអញ្ចឹង»។ នេះជាការរៀបរាប់របស់យុវជន សូ សៀមសុខឃីម។
យុវជនពិការភ្នែករូបនេះ ជឿជាក់ថា ជំនាញទំនាក់ទំនងអន្តរជាតិ នឹងជួយរូបគេឲ្យមានចំណេះដឹងទូលំទូលាយ ធ្វើឲ្យខ្លួនឯងកាន់តែចូលក្នុងពិភពលោកដែលក្នុងកម្រិតមួយនៃការប្រកួតប្រជែង និងធ្វើឲ្យមានគំនិតកាន់តែច្រើនសម្រាប់ខ្លួនឯង។ នៅពេលទំនេរ យុវជន សុខឃីម តែងស្ដាប់ព័ត៌មានអន្តរជាតិជាភាសាខ្មែរ និងភាសាអង់គ្លេស ហើយការស្ដាប់ព័ត៌មានអន្តរជាតិ ឬបទវិភាគនេះ អាចជំនួសឲ្យការស្ដាប់បទចម្រៀងបាន។
មានស្រុកកំណើតនៅរាជធានីភ្នំពេញ យុវជន សូ សៀមសុខឃីម បានជួបបញ្ហាងងឹតភ្នែកទាំងសងខាង នៅអាយុ ១៣ឆ្នាំ ដែលរូបគេមានជំងឺពីកំណើត។ សុខឃីម ហាក់មិនបាក់ទឹកចិត្តឡើយ ដោយ សុខឃីម តែងតែទទួលបានការលើកទឹកចិត្តពីក្រុមគ្រួសារ និងខ្លួនឯង។
យុវជន សុខឃីម ក៏មិនភ្លេចថ្លែងអំណរគុណដល់អង្គការគ្រួសារថ្មី ដែលបង្កើតសាលាបណ្ដុះបណ្ដាលដល់សិស្សពិការភ្នែក និងអង្គការ Unicef រួមទាំងគ្រួសារ មិត្តភក្តិ។ សូមបញ្ជាក់ថា សិស្សពិការភ្នែកនៃវិទ្យាល័យអប់រំពិសេសភ្នំពេញថ្មី (គ្រួសារថ្មី) ចំនួន ៤នាក់ បានប្រឡងជាប់ដោយជោគជ័យ ក្នុងនោះ អ្នកទាំង ៤នាក់ ទទួលបាននិទ្ទេស C, D និងE សម្រាប់ថ្នាក់វិទ្យាសាស្ត្រសង្គម៕
ឆ្លងឆ្លើយក្នុងបទសម្ភាសជាមួយសារព័ត៌មានថ្មីៗ យុវជន សុខឃីម លើកឡើងថា៖ «មូលហេតុដែលខ្ញុំចង់រៀនផ្នែកទំនាក់ទំនងអន្តរជាតិ ដោយសារខ្ញុំ ស្រឡាញ់ មុខវិជ្ជាប្រវត្តិវិទ្យា។ ជាពិសេស គឺរឿងអន្តរជាតិ ខ្ញុំមានអារម្មណ៍ថាខ្ញុំចូលចិត្ត ពេលដែលខ្ញុំស្ដាប់គេវិភាគ ស្ដាប់គេនិយាយពីរឿងអន្តរជាតិ មានអារម្មណ៍ដូចបានស្ដាប់បទចម្រៀងពេលសម្រាកអញ្ចឹង»។
ការទទួលបានជោគជ័យក្នុងការប្រឡងមិនមែនជារឿងសាមញ្ញសម្រាប់សិស្សពិការភ្នែក សូ សៀមសុខឃីម ឡើយ សុខឃីម បានចំណាយពេល៨ម៉ោង ក្នុងមួយថ្ងៃ ដើម្បីរៀនត្រៀមប្រឡងបាក់ឌុបទាំងនៅវិទ្យាល័យសម្ដេចហ៊ុនសែនភ្នំពេញថ្មី និងវិទ្យាល័យអប់រំពិសេសភ្នំពេញថ្មី។ តាមរយៈការខិតខំប្រឹងប្រែង សុខឃីម ដែលមានវ័យ ២២ឆ្នាំរូបនេះ បានប្រឡងជាប់ ដោយទទួលបាននិទ្ទេស D។ សម្រាប់លទ្ធផលនិទ្ទេស D នេះ យុវជន សុខឃីម ពេញចិត្ត ចំពោះអ្វីដែលខ្លួនគេធ្វើបាន។ សុខឃីម ប្រាប់សារព័ត៌មានថ្មីៗយ៉ាងដូច្នេះ៖ «មែនទែនទៅ ខ្ញុំមានអារម្មណ៍ពេញចិត្ត នៅលើអ្វីដែលខ្លួនឯងអាចធ្វើបាន បើទោះបីលទ្ធផលបានប៉ុណ្ណឹងក៏ដោយ។ តែយ៉ាងណា នេះជាអ្វីដែលយើងអាចធ្វើទៅរួច»។
សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey.com ជាមួយយុវជន សូ សៀមសុខឃីម សិស្សពិការភ្នែកជាប់និទ្ទេស D ដូចតទៅ៖
ក្នុងពេលប្រឡង សុខឃីម ប្រាប់ថាមានផលលំបាក ដោយសារតែសរសេរអក្សរចុច និងត្រូវផ្ចង់អារម្មណ៍ស្ដាប់ប្រធានវិញ្ញាសានៅពេលអនុរក្សអាន។ ម្យ៉ាងទៀត សុខឃីម និយាយថា ចំណុចដែលព្រួយបារម្ភ គឺខ្លាចចេញចំកន្លែងដែលខ្លួនចេះហើយ តែធ្វើមិនបាន។
បន្ទាប់ពីប្រឡងជាប់ សុខឃីម ចង់រៀនផ្នែកទំនាក់ទំនងអន្តរជាតិ។ បើទោះបីក្រុមគ្រួសារមានបំណងឲ្យក្លាយជាគ្រូបង្រៀនក៏ពិតមែន ប៉ុន្តែសុខឃីម មានមហិច្ឆតា រៀនផ្នែកទំនាក់ទំនងអន្តរជាតិដែលជាក្ដីស្រមៃរបស់គេ។ «មូលហេតុដែលខ្ញុំចង់រៀនផ្នែកទំនាក់ទំនងអន្តរជាតិ ដោយសារខ្ញុំ ស្រឡាញ់ មុខវិជ្ជាប្រវត្តិវិទ្យា។ ជាពិសេស គឺរឿងអន្តរជាតិ ខ្ញុំមានអារម្មណ៍ថាខ្ញុំចូលចិត្ត ពេលដែលខ្ញុំស្ដាប់គេវិភាគ ស្ដាប់គេនិយាយពីរឿងអន្តរជាតិ មានអារម្មណ៍ដូចបានស្ដាប់ចម្រៀងពេលសម្រាកអញ្ចឹង»។ នេះជាការរៀបរាប់របស់យុវជន សូ សៀមសុខឃីម។
យុវជនពិការភ្នែករូបនេះ ជឿជាក់ថា ជំនាញទំនាក់ទំនងអន្តរជាតិ នឹងជួយរូបគេឲ្យមានចំណេះដឹងទូលំទូលាយ ធ្វើឲ្យខ្លួនឯងកាន់តែចូលក្នុងពិភពលោកដែលក្នុងកម្រិតមួយនៃការប្រកួតប្រជែង និងធ្វើឲ្យមានគំនិតកាន់តែច្រើនសម្រាប់ខ្លួនឯង។ នៅពេលទំនេរ យុវជន សុខឃីម តែងស្ដាប់ព័ត៌មានអន្តរជាតិជាភាសាខ្មែរ និងភាសាអង់គ្លេស ហើយការស្ដាប់ព័ត៌មានអន្តរជាតិ ឬបទវិភាគនេះ អាចជំនួសឲ្យការស្ដាប់បទចម្រៀងបាន។
មានស្រុកកំណើតនៅរាជធានីភ្នំពេញ យុវជន សូ សៀមសុខឃីម បានជួបបញ្ហាងងឹតភ្នែកទាំងសងខាង នៅអាយុ ១៣ឆ្នាំ ដែលរូបគេមានជំងឺពីកំណើត។ សុខឃីម ហាក់មិនបាក់ទឹកចិត្តឡើយ ដោយ សុខឃីម តែងតែទទួលបានការលើកទឹកចិត្តពីក្រុមគ្រួសារ និងខ្លួនឯង។
យុវជន សុខឃីម ក៏មិនភ្លេចថ្លែងអំណរគុណដល់អង្គការគ្រួសារថ្មី ដែលបង្កើតសាលាបណ្ដុះបណ្ដាលដល់សិស្សពិការភ្នែក និងអង្គការ Unicef រួមទាំងគ្រួសារ មិត្តភក្តិ។ សូមបញ្ជាក់ថា សិស្សពិការភ្នែកនៃវិទ្យាល័យអប់រំពិសេសភ្នំពេញថ្មី (គ្រួសារថ្មី) ចំនួន ៤នាក់ បានប្រឡងជាប់ដោយជោគជ័យ ក្នុងនោះ អ្នកទាំង ៤នាក់ ទទួលបាននិទ្ទេស C, D និងE សម្រាប់ថ្នាក់វិទ្យាសាស្ត្រសង្គម៕
Tag:
បាក់ឌុប
អប់រំ
ពិការភ្នែក
ទំនាក់ទំនងអន្តរជាតិ
© រក្សាសិទ្ធិដោយ thmeythmey.com
