អន្តរជាតិ
មឈូសលោក Robert Mugabe ទៅដល់ផ្ទះ។ រូបភាព AFP
×![]()
ដោយ៖ ឈួន ឈីវអ៊ីង
ប្រធានាធិបតីស៊ីមបាវ៉េ លោក Emmerson Mnangagwa បានប្រកាសនៅថ្ងៃទី១២ ខែកញ្ញា ថា ប្រមុខរដ្ឋទាំង១១រូប នឹងចូលរួមពិធីបុណ្យសពថ្នាក់ជាតិរបស់អតីតប្រធានាធិបតី Robert Mugabe នៅថ្ងៃទី១៤ ខែកញ្ញា។
លោក Emmerson Mnangagwa ដែលអមដំណើរដោយសមាជិកនៃក្រុមប្រឹក្សានយោបាយបក្ស ZANU-PF ដែលកំពុងកាន់អំណាច បានទៅសួរសុខទុក្ខគ្រួសារ Mugabe នៅឯគេហដ្ឋាន និងចូលរួមរំលែកទុក្ខ។ លោក Mugabe បានទទួលមរណភាពក្នុងអាយុ៩៥ឆ្នាំ នៅប្រទេសសឹង្ហបុរីកាលពីថ្ងៃសុក្រសប្តាហ៍មុន។
មរណភាពរបស់លោក Mugabe បានធ្វើឲ្យមានការប្រទាំងប្រទើសរវាងគ្រួសារលោក និងរដ្ឋាភិបាលជុំវិញទីតាំងបញ្ចុះសព។ រដ្ឋាភិបាលស៊ីមបាវ៉េ ចង់បញ្ចុះលោក Mugabe នៅទីលានបញ្ចុះសពវីរបុរស ប៉ុន្តែគ្រួសារអតីតប្រធានាធិបតីរូបនេះ ទាមទារយកសពទៅបញ្ចុះនៅស្រុកកំណើតវិញ។
នៅតាមបណ្ដាញ លោកប្រធានាធិបតី Mnangagwa បានរងការចោទប្រកាន់ថា ព្យាយាមសូកប៉ាន់មេដឹកនាំក្នុងស្រុកដើម្បីឲ្យពួកគេគាំទ្រជំហររដ្ឋាភិបាលលើរឿងទីតាំងបញ្ចុះសព។ ប៉ុន្តែលោក Mnangagwa បានបដិសេធព័ត៌មានទាំងនេះ។ នេះបើតាមការផ្សាយរបស់ទូរទស្សន៍ CGTN ។
ទីលានបញ្ចុះសព National Heroes Acre ដែលជាកន្លែងសម្រាប់បញ្ចុះសពឥស្សរជនធំៗរបស់ស៊ីមបាវ៉េ ជាទីតាំងដែលរដ្ឋាភិបាលចង់បាន ខណៈគ្រួសារសពលោក មូហ្កាបេ ចង់ធ្វើតាមបំណងចុងក្រោយរបស់ Mugabe ដែលគួរតែបញ្ចុះក្បែរផ្ទះម្តាយគាត់នៅស្រុក Zvimba ។
សូមបញ្ជាក់ថា សពរបស់ Mugabe ត្រូវបានដឹកយកពីសឹង្ហបុរីមកដល់គេហដ្ឋាននៅថ្ងៃទី១១ កញ្ញា។ អតីតប្រធានាធិបតីដែលកាន់អំណាច៣៧ឆ្នាំ រូបនេះនឹងនៅតែជានិមិត្តរូប និងជាអ្នកតស៊ូដើម្បីសេរីភាពដែលត្រូវបានប្រជាជនចងចាំជារៀងរហូត ទោះជាលោកបានដឹកនាំប្រទេសទៅរកមហន្តរាយនៅពេលចុងក្រោយក្ដី៕
ប្រធានាធិបតីស៊ីមបាវ៉េ លោក Emmerson Mnangagwa បានប្រកាសនៅថ្ងៃទី១២ ខែកញ្ញា ថា ប្រមុខរដ្ឋទាំង១១រូប នឹងចូលរួមពិធីបុណ្យសពថ្នាក់ជាតិរបស់អតីតប្រធានាធិបតី Robert Mugabe នៅថ្ងៃទី១៤ ខែកញ្ញា។
លោក Emmerson Mnangagwa ដែលអមដំណើរដោយសមាជិកនៃក្រុមប្រឹក្សានយោបាយបក្ស ZANU-PF ដែលកំពុងកាន់អំណាច បានទៅសួរសុខទុក្ខគ្រួសារ Mugabe នៅឯគេហដ្ឋាន និងចូលរួមរំលែកទុក្ខ។ លោក Mugabe បានទទួលមរណភាពក្នុងអាយុ៩៥ឆ្នាំ នៅប្រទេសសឹង្ហបុរីកាលពីថ្ងៃសុក្រសប្តាហ៍មុន។
មរណភាពរបស់លោក Mugabe បានធ្វើឲ្យមានការប្រទាំងប្រទើសរវាងគ្រួសារលោក និងរដ្ឋាភិបាលជុំវិញទីតាំងបញ្ចុះសព។ រដ្ឋាភិបាលស៊ីមបាវ៉េ ចង់បញ្ចុះលោក Mugabe នៅទីលានបញ្ចុះសពវីរបុរស ប៉ុន្តែគ្រួសារអតីតប្រធានាធិបតីរូបនេះ ទាមទារយកសពទៅបញ្ចុះនៅស្រុកកំណើតវិញ។
នៅតាមបណ្ដាញ លោកប្រធានាធិបតី Mnangagwa បានរងការចោទប្រកាន់ថា ព្យាយាមសូកប៉ាន់មេដឹកនាំក្នុងស្រុកដើម្បីឲ្យពួកគេគាំទ្រជំហររដ្ឋាភិបាលលើរឿងទីតាំងបញ្ចុះសព។ ប៉ុន្តែលោក Mnangagwa បានបដិសេធព័ត៌មានទាំងនេះ។ នេះបើតាមការផ្សាយរបស់ទូរទស្សន៍ CGTN ។
ទីលានបញ្ចុះសព National Heroes Acre ដែលជាកន្លែងសម្រាប់បញ្ចុះសពឥស្សរជនធំៗរបស់ស៊ីមបាវ៉េ ជាទីតាំងដែលរដ្ឋាភិបាលចង់បាន ខណៈគ្រួសារសពលោក មូហ្កាបេ ចង់ធ្វើតាមបំណងចុងក្រោយរបស់ Mugabe ដែលគួរតែបញ្ចុះក្បែរផ្ទះម្តាយគាត់នៅស្រុក Zvimba ។
សូមបញ្ជាក់ថា សពរបស់ Mugabe ត្រូវបានដឹកយកពីសឹង្ហបុរីមកដល់គេហដ្ឋាននៅថ្ងៃទី១១ កញ្ញា។ អតីតប្រធានាធិបតីដែលកាន់អំណាច៣៧ឆ្នាំ រូបនេះនឹងនៅតែជានិមិត្តរូប និងជាអ្នកតស៊ូដើម្បីសេរីភាពដែលត្រូវបានប្រជាជនចងចាំជារៀងរហូត ទោះជាលោកបានដឹកនាំប្រទេសទៅរកមហន្តរាយនៅពេលចុងក្រោយក្ដី៕
© រក្សាសិទ្ធិដោយ thmeythmey.com
