ប្រជាពុទ្ធបរិស័ទ ចាប់ផ្តើមទៅវត្តនាឱកាសកាន់បិណ្ឌ១នាថ្ងៃនេះ

ជាតិ

បុណ្យភ្ជុំបិណ្ឌ

ប្រជាពុទ្ធបរិស័ទ ចាប់ផ្តើមទៅវត្តនាឱកាសកាន់បិណ្ឌ១នាថ្ងៃនេះ

14, Sep 2019 , 5:59 am

រូបភាព

ដោយ: ថ្មីៗ

ប្រជាពុទ្ធបរិស័ទខ្មែរ ចាប់ផ្តើមនាំគ្នាប្រារព្ធពិធីបុណ្យភ្ជុំបិណ្ឌ នាថ្ងៃ១ រោច ខែភទ្របទ ត្រូវនឹងថ្ងៃសៅរ៍ ទី១៤ ខែកញ្ញា នេះ។ ពិធីបុណ្យនេះ មានរយៈពេល១៥ថ្ងៃ ដោយត្រូវបញ្ចប់នៅថ្ងៃទី១៥ រោច ដែលជាថ្ងៃភ្ជុំបិណ្ឌ។

តាមប្រតិទិនឈប់សម្រាកឆ្នាំ២០១៩ ពលរដ្ឋខ្មែរ មានថ្ងៃឈប់សម្រាកសម្រាប់ពិធីបុណ្យភ្ជុំបិណ្ឌ ពីថ្ងៃទី២៧ ដល់ថ្ងៃទី២៩ ខែកញ្ញា។ ជារៀងរាល់ឆ្នាំ នៅពេលដល់ថ្ងៃខែដែលត្រូវប្រារព្ធពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្ដាយ ដើម្បីរៀបចំម្ហូបអាហារ បាយសម្ល ចង្ហាន់យកទៅប្រគេនព្រះសង្ឃដែលគង់នៅវត្តអារាម។

ថ្ងៃនេះជាថ្ងៃកាន់បិណ្ឌទីមួយ។ ប្រជាពុទ្ធបរិស័ទ បាននាំគ្នា យកបាយ សម្ល នំ ចំណី និងសម្ភារផ្សេងៗ ទៅប្រទេគេនព្រះសង្ឃ តាមវត្តអារាម ដើម្បីឧទ្ធិសកុសលផលបុណ្យ ជូនបុព្វការីជន ដែលបានចែកឋានទៅយូរក្តី ឬក្នុងពេលថ្មីៗនេះក្តី។