អន្តរជាតិ
លោក ឌូទើតេ រងការរិះគន់ពីអនុប្រធានាធិបតីខ្លួន រឿងចង់ទុកចោលជម្លោះសមុទ្រខាងត្បូងជាមួយចិន
អនុប្រធានាធិបតីហ្វីលីពីន លោកស្រី លេនី រ៉ូប្រេដូ (ឆ្វេង) និងលោក ឌូទើតេ
×![]()
អនុប្រធានាធិបតីហ្វីលីពីន លោកស្រី លេនី រ៉ូប្រេដូ (Leni Robredo) បានពន្លះលោកប្រធានាធិបតី រ៉ូឌ្រីហ្គោ ឌូទើតេ ថា ខ្វះការពិចារណា បន្ទាប់ពីលោកចង់ពិចារណាទុកចោលសាលក្រមមជ្ឈត្តកម្មឆ្នាំ២០១៦ ក្នុងសំណុំរឿងសមុទ្រចិនខាងត្បូង ហើយបែរទៅចាប់ដៃរុករកធនធានធម្មជាតិជាមួយចិន នៅសមុទ្រជម្លោះនេះវិញ។
ជាមេដឹកនាំបក្សប្រឆាំងនៅហ្វីលីពីនផងនោះ លោកស្រី លេនី រ៉ូប្រេដូ បានចាត់ទុកសកម្មភាពរត់ឱបចិនដោយបើកចំហរបស់លោក ឌូទើតេ និងការយល់ព្រមអភិវឌ្ឍធនធានឧស្ម័នរួមគ្នាជាមួយចិនក្នុងសមុទ្រចិនខាងត្បូង «ជាទង្វើខ្វះទំនួលខុសត្រូវខ្លាំងបំផុត» ។ កាលពីឆ្នាំ២០១៦ តុលាការមជ្ឈត្តកម្មអចិន្ត្រៃយ៍ (PCA) បានកាត់ក្តីឲ្យក្រុងម៉ានីលមានសិទ្ធិរុករកនៅទីនោះ ដែលពួកគេហៅថា សមុទ្រហ្វីលីពីនខាងលិច។
ក្នុងសេចក្តីថ្លែងការណ៍ នៅថ្ងៃទី១២ ខែកញ្ញា លោកស្រី រ៉ូប្រេដូ សង្កត់ធ្ងន់ថា ការបង្កើតកិច្ចព្រមព្រៀមណាមួយ ពុំគួរធ្វើឲ្យបាត់បង់សិទ្ធិរបស់ហ្វីលីពីនក្នុងសមុទ្រចិនខាងត្បូងឡើយ។
«ការធានាឲ្យបាននូវអនាគតដ៏ល្អប្រសើរសម្រាប់កូនៗរបស់យើង ប្រហែលជាទំនួលខុសត្រូវដ៏សំខាន់ និងលំបាកបំផុតមួយរបស់រដ្ឋបាលគ្រប់ជំនាន់ទាំងអស់»។ អនុប្រធានាធិបតីរូបនេះ បញ្ជាក់បែបនេះដោយបន្ថែមថា ការលក់អនាគតពួកគេសម្រាប់កិច្ចព្រមព្រៀងឧស្ម័នមួយជាមួយចិន គឺជាវិធីដ៏គួរឲ្យអាម៉ាស់បំផុតនៃការបោះបង់ចោលទំនួលខុសត្រូវនោះ។
សូមបញ្ជាក់ថា ការរិះគន់របស់លោកស្រី រ៉ូប្រេដូ នេះ ធ្វើឡើង២ថ្ងៃប៉ុណ្ណោក្រោយពីលោក ឌូទើតេ និយាយថា ប្រធានាធិបតីចិន ស៊ី ជិនភីង បានប្រាប់លោកអំឡុងពេលទស្សកិច្ចនៅប៉េកាំងថ្មីៗថា ក្រុងប៉េកាំង ត្រៀមលក្ខណៈរួចរាល់ដើម្បីក្លាយជាដៃគូក្នុងការអភិវឌ្ឍថាមពលរួមគ្នា នៅតំបន់ Reed Bank ប៉ុន្តែហ្វីលីពីន ត្រូវទុកចោលមួយអន្លើនូវសាលក្រមឆ្នាំ២០១៦ ដែលចិនពុំទទួលស្គាល់។
សាលក្រមដដែលនេះ ក៏បានកាត់ក្តីថា ការទាមទារភាគច្រើនរបស់ចិនក្នុងសមុទ្រចិនខាងត្បូង គ្មានមូលដ្ឋានច្បាប់ត្រឹមត្រូវ តាមច្បាប់សមុទ្ររបស់អង្គការសហរដ្ឋអាមេរិកឡើយ។ វាជាអ្វីដែលធ្វើឲ្យក្រុងប៉េកាំងខឹងសម្បាជាខ្លាំង៕
ជាមេដឹកនាំបក្សប្រឆាំងនៅហ្វីលីពីនផងនោះ លោកស្រី លេនី រ៉ូប្រេដូ បានចាត់ទុកសកម្មភាពរត់ឱបចិនដោយបើកចំហរបស់លោក ឌូទើតេ និងការយល់ព្រមអភិវឌ្ឍធនធានឧស្ម័នរួមគ្នាជាមួយចិនក្នុងសមុទ្រចិនខាងត្បូង «ជាទង្វើខ្វះទំនួលខុសត្រូវខ្លាំងបំផុត» ។ កាលពីឆ្នាំ២០១៦ តុលាការមជ្ឈត្តកម្មអចិន្ត្រៃយ៍ (PCA) បានកាត់ក្តីឲ្យក្រុងម៉ានីលមានសិទ្ធិរុករកនៅទីនោះ ដែលពួកគេហៅថា សមុទ្រហ្វីលីពីនខាងលិច។
ក្នុងសេចក្តីថ្លែងការណ៍ នៅថ្ងៃទី១២ ខែកញ្ញា លោកស្រី រ៉ូប្រេដូ សង្កត់ធ្ងន់ថា ការបង្កើតកិច្ចព្រមព្រៀមណាមួយ ពុំគួរធ្វើឲ្យបាត់បង់សិទ្ធិរបស់ហ្វីលីពីនក្នុងសមុទ្រចិនខាងត្បូងឡើយ។
«ការធានាឲ្យបាននូវអនាគតដ៏ល្អប្រសើរសម្រាប់កូនៗរបស់យើង ប្រហែលជាទំនួលខុសត្រូវដ៏សំខាន់ និងលំបាកបំផុតមួយរបស់រដ្ឋបាលគ្រប់ជំនាន់ទាំងអស់»។ អនុប្រធានាធិបតីរូបនេះ បញ្ជាក់បែបនេះដោយបន្ថែមថា ការលក់អនាគតពួកគេសម្រាប់កិច្ចព្រមព្រៀងឧស្ម័នមួយជាមួយចិន គឺជាវិធីដ៏គួរឲ្យអាម៉ាស់បំផុតនៃការបោះបង់ចោលទំនួលខុសត្រូវនោះ។
សូមបញ្ជាក់ថា ការរិះគន់របស់លោកស្រី រ៉ូប្រេដូ នេះ ធ្វើឡើង២ថ្ងៃប៉ុណ្ណោក្រោយពីលោក ឌូទើតេ និយាយថា ប្រធានាធិបតីចិន ស៊ី ជិនភីង បានប្រាប់លោកអំឡុងពេលទស្សកិច្ចនៅប៉េកាំងថ្មីៗថា ក្រុងប៉េកាំង ត្រៀមលក្ខណៈរួចរាល់ដើម្បីក្លាយជាដៃគូក្នុងការអភិវឌ្ឍថាមពលរួមគ្នា នៅតំបន់ Reed Bank ប៉ុន្តែហ្វីលីពីន ត្រូវទុកចោលមួយអន្លើនូវសាលក្រមឆ្នាំ២០១៦ ដែលចិនពុំទទួលស្គាល់។
សាលក្រមដដែលនេះ ក៏បានកាត់ក្តីថា ការទាមទារភាគច្រើនរបស់ចិនក្នុងសមុទ្រចិនខាងត្បូង គ្មានមូលដ្ឋានច្បាប់ត្រឹមត្រូវ តាមច្បាប់សមុទ្ររបស់អង្គការសហរដ្ឋអាមេរិកឡើយ។ វាជាអ្វីដែលធ្វើឲ្យក្រុងប៉េកាំងខឹងសម្បាជាខ្លាំង៕
Tag:
ហ្វីលីពីន
ចិន
ឌូទើតេ
សមុទ្រចិនខាងត្បូង
© រក្សាសិទ្ធិដោយ thmeythmey.com
