ជាតិ
នយោបាយជាតិ
លោក សម រង្ស៊ី៖ ទោសនយោបាយ គឺជាកិត្តិយស ,ទោសកាន់តែច្រើន គឺកាន់តែល្អសម្រាប់អន្តរជាតិ
រូបពីហ្វេសប៊ុកលោក សម រង្ស៊ី
×![]()
ដោយ: ធឿន បញ្ញាឬទិ្ធ
ភ្នំពេញ៖ លោក សម រង្ស៊ី នៅតែខ្វល់ពីរឿងទោសទណ្ឌ ខណៈដែលលោកកំពុងហ៊ុមព័ន្ធទៅដោយរឿងក្តី។ សម្រាប់មេដឹកនាំអតីតបក្សប្រឆាំងរូបនេះ ការជាប់ទោសនយោបាយ គឺជាកិត្តិយសអ្នកតស៊ូប៉ុណ្ណោះ។
ទោះមានដីកាចាប់ខ្លួនពីរដ្ឋាភិបាលបញ្ចូនទៅបណ្ដាប្រទេសអាស៊ានក្តី ក៏លោក សម រង្ស៊ី នៅតែប្រកាសថា ខ្លួននឹងចូលស្រុកនៅថ្ងៃទី៩ វិច្ឆិកា តាមកំណត់ដែរ។ លោក សម រង្ស៊ី អះអាងថា លោកនឹងប្រើលិខិតឆ្លងដែនបារាំង ដើម្បីធ្វើដំណើរមកកម្ពុជា ដូច្នេះគ្មានរដ្ឋាភិបាលប្រទេសណាអាចខ្លួនលោក ក្រៅពីរដ្ឋាភិបាលបារាំងឡើយ។
និយាយបែបនេះហើយ លោក សម រង្ស៊ី ក៏បកស្រាយពីទោសទណ្ឌវិញម្ដង ដោយលោកអះអាងថា ទោសរបស់លោក កើតចេញពីការប្រឌិតរបស់មេដឹកនាំកម្ពុជាប៉ុណ្ណោះ។ តែយ៉ាងណាមេដឹកនាំអតីតបក្សប្រឆាំងរូបនេះ ចាត់ទុកទោសទាំងនោះថា ជាកិត្តិយសរបស់ខ្លួនទៅវិញ។
ថ្លែងក្នុងកិច្ចសម្ភាសជាមួយវិទ្យុអាស៊ីសេរី កាលពីថ្ងៃទី១២ កញ្ញា លោក សម រង្ស៊ី បាននិយាយដូច្នេះថា៖«បើខ្ញុំប្រើលិខិតឆ្លងដែនបារាំង គឺមានតែរដ្ឋាភិបាលបារាំងទេ ដែលមានសមត្ថកិច្ចមើលការខុសត្រូវចំពោះសមត្ថភាពរបស់ខ្ញុំ ។ ហើយគេយល់ច្បាស់ថា ខ្ញុំគ្មានទោសអ្វីនោះទេ គឺ ហ៊ុន សែន ទេ ដែលបានប្រឌិតទោស ហើយទោសនយោបាយ គឺជាកិត្តិយសអ្នកដែលតស៊ូ ដើម្បីប្រជាធិបតេយ្យ ការពារសិទ្ធិសេរីភាពប្រជារាស្ត្រខ្មែរ គឺជាកិត្តិយសទេ។ អ្នកណាដែលមានទោសកាន់តែច្រើន គឺកាន់តែល្អសម្រាប់សហគមន៍អន្តរជាតិ»។
គិតមកដល់ពេលនេះ លោក សម រង្ស៊ី មេដឹកនាំអតីតបក្សប្រឆាំង ដែលកំពុងនិរទេសក្រៅប្រទេស បានរងបណ្តឹងពីសម្ដេច ហ៊ុន សែន និងមន្ត្រីរដ្ឋាភិបាល មិនតិចជាង១០នោះទេ ដោយក្នុងនោះ បណ្តឹង៨ ត្រូវបានជំនុំជម្រះរួចហើយ ខណៈបណ្តឹង២ទៀត កំពុងស្ថិតក្នុងនីតិវិធីរបស់តុលាការ។ បណ្ដឹងទាំង៨ ដែលតុលាការកាត់ទោសរួចហើយនោះ តម្រូវឲ្យលោក សម រង្ស៊ី ជាប់គុកប្រមាណ១៣ឆ្នាំ និងបង់ប្រាក់ជាង១លានដុល្លារ។
ទាក់ទងនឹងរឿងក្តីមេដឹកនាំអតីតបក្សប្រឆាំងរូបនេះ សម្តេចនាយករដ្ឋមន្ត្រី ហ៊ុន សែន បានប្រកាសកាលពីថ្ងៃទី១២ កញ្ញាថា រដ្ឋាភិបាលឡាវ និង រដ្ឋាភិបាលថៃ បានទទួលរួចហើយនូវដីកាចាប់លោក សម រង្ស៊ី ហើយ។ ប្រមុខរដ្ឋាភិបាលកម្ពុជា បន្តថា កម្ពុជា នឹងបញ្ជូនដីកានេះ ទៅកាន់រដ្ឋាភិបាលនៃប្រទេសផ្សេងទៀត ក្នុងតំបន់អាស៊ាន។ សម្រាប់លោកនាយករដ្ឋមន្ត្រី ហ៊ុន សែន បើលោក សម រង្ស៊ី ចូលស្រុកនៅពេលណានោះ សមត្ថកិច្ចនឹងអនុវត្តវិធានការច្បាប់ភ្លាមៗតាមគ្រប់រូបភាព៕
ទោះមានដីកាចាប់ខ្លួនពីរដ្ឋាភិបាលបញ្ចូនទៅបណ្ដាប្រទេសអាស៊ានក្តី ក៏លោក សម រង្ស៊ី នៅតែប្រកាសថា ខ្លួននឹងចូលស្រុកនៅថ្ងៃទី៩ វិច្ឆិកា តាមកំណត់ដែរ។ លោក សម រង្ស៊ី អះអាងថា លោកនឹងប្រើលិខិតឆ្លងដែនបារាំង ដើម្បីធ្វើដំណើរមកកម្ពុជា ដូច្នេះគ្មានរដ្ឋាភិបាលប្រទេសណាអាចខ្លួនលោក ក្រៅពីរដ្ឋាភិបាលបារាំងឡើយ។
និយាយបែបនេះហើយ លោក សម រង្ស៊ី ក៏បកស្រាយពីទោសទណ្ឌវិញម្ដង ដោយលោកអះអាងថា ទោសរបស់លោក កើតចេញពីការប្រឌិតរបស់មេដឹកនាំកម្ពុជាប៉ុណ្ណោះ។ តែយ៉ាងណាមេដឹកនាំអតីតបក្សប្រឆាំងរូបនេះ ចាត់ទុកទោសទាំងនោះថា ជាកិត្តិយសរបស់ខ្លួនទៅវិញ។
ថ្លែងក្នុងកិច្ចសម្ភាសជាមួយវិទ្យុអាស៊ីសេរី កាលពីថ្ងៃទី១២ កញ្ញា លោក សម រង្ស៊ី បាននិយាយដូច្នេះថា៖«បើខ្ញុំប្រើលិខិតឆ្លងដែនបារាំង គឺមានតែរដ្ឋាភិបាលបារាំងទេ ដែលមានសមត្ថកិច្ចមើលការខុសត្រូវចំពោះសមត្ថភាពរបស់ខ្ញុំ ។ ហើយគេយល់ច្បាស់ថា ខ្ញុំគ្មានទោសអ្វីនោះទេ គឺ ហ៊ុន សែន ទេ ដែលបានប្រឌិតទោស ហើយទោសនយោបាយ គឺជាកិត្តិយសអ្នកដែលតស៊ូ ដើម្បីប្រជាធិបតេយ្យ ការពារសិទ្ធិសេរីភាពប្រជារាស្ត្រខ្មែរ គឺជាកិត្តិយសទេ។ អ្នកណាដែលមានទោសកាន់តែច្រើន គឺកាន់តែល្អសម្រាប់សហគមន៍អន្តរជាតិ»។
គិតមកដល់ពេលនេះ លោក សម រង្ស៊ី មេដឹកនាំអតីតបក្សប្រឆាំង ដែលកំពុងនិរទេសក្រៅប្រទេស បានរងបណ្តឹងពីសម្ដេច ហ៊ុន សែន និងមន្ត្រីរដ្ឋាភិបាល មិនតិចជាង១០នោះទេ ដោយក្នុងនោះ បណ្តឹង៨ ត្រូវបានជំនុំជម្រះរួចហើយ ខណៈបណ្តឹង២ទៀត កំពុងស្ថិតក្នុងនីតិវិធីរបស់តុលាការ។ បណ្ដឹងទាំង៨ ដែលតុលាការកាត់ទោសរួចហើយនោះ តម្រូវឲ្យលោក សម រង្ស៊ី ជាប់គុកប្រមាណ១៣ឆ្នាំ និងបង់ប្រាក់ជាង១លានដុល្លារ។
អត្ថបទទាក់ទង
ទាក់ទងនឹងរឿងក្តីមេដឹកនាំអតីតបក្សប្រឆាំងរូបនេះ សម្តេចនាយករដ្ឋមន្ត្រី ហ៊ុន សែន បានប្រកាសកាលពីថ្ងៃទី១២ កញ្ញាថា រដ្ឋាភិបាលឡាវ និង រដ្ឋាភិបាលថៃ បានទទួលរួចហើយនូវដីកាចាប់លោក សម រង្ស៊ី ហើយ។ ប្រមុខរដ្ឋាភិបាលកម្ពុជា បន្តថា កម្ពុជា នឹងបញ្ជូនដីកានេះ ទៅកាន់រដ្ឋាភិបាលនៃប្រទេសផ្សេងទៀត ក្នុងតំបន់អាស៊ាន។ សម្រាប់លោកនាយករដ្ឋមន្ត្រី ហ៊ុន សែន បើលោក សម រង្ស៊ី ចូលស្រុកនៅពេលណានោះ សមត្ថកិច្ចនឹងអនុវត្តវិធានការច្បាប់ភ្លាមៗតាមគ្រប់រូបភាព៕
Tag:
សម រង្ស៊ី
ហ៊ុន សែន
នយោបាយ
© រក្សាសិទ្ធិដោយ thmeythmey.com
