កីឡាជាតិ
ជាតិ
បទយកការណ៍ / បទសម្ភាសន៍
វ៉ូវីណាមមិនសូវមានប្រជាប្រិយ តែមានសមត្ថភាពគ្រប់គ្រាន់ ដើម្បីប្រកួតប្រជែងលើឆាកអន្តរជាតិ
× អគ្គលេខាធិការរងសហព័ន្ធកីឡាវ៉ូវីណាមកម្ពុជាលោក ទេព ជីវសុខុម ទោះបីកីឡាវ៉ូវីណាម ដែលមានដើមកំណើតមកពីប្រទេសវៀតណាមមិនសូវមានប្រជាប្រិយនៅកម្ពុជា តែវាមានសមត្ថភាពប្រកួតប្រជែងគ្រប់គ្រាន់លើឆាកអន្តរជាតិ។ ជាក់ស្តែងកីឡានេះ តែងតែបង្ហាញភាពលេចធ្លោលើឆាកអន្តរជាតិតាមរយៈការដណ្តើមបានមេដាយមាស ប្រាក់ និងសំរឹទ្ធកម្រិតពិភពលោក អាស៊ី និងអាស៊ាន។ សម្រាប់លោក ជីវសុខុម ប្រជាពលរដ្ឋកម្ពុជាគួរមានមោទកភាពចំពោះស្នាដៃនិងសមត្ថភាពរបស់កីឡាករកីឡាការិនីវ៉ូវីណាមកម្ពុជា។ លោកសង្ឃឹមថា កម្ពុជានឹងទទួលបានជោគជ័យក្នុងការប្រកួតកីឡាស៊ីហ្គេមលើកទី៣០នៅប្រទេសហ្វីលីពីនឆ្នាំនេះ។
ក្រៅពីក្រុមកីឡាករជម្រើសជាតិឈុតធំ សហព័ន្ធកីឡាវ៉ូវីណាមកម្ពុជាកំពុងបណ្តុះបណ្តាលយុវជនថ្នាលប្រមាណ២០រូប។ សហព័ន្ធនេះ បង្កើតឡើងនៅឆ្នាំ២០០៨។ បច្ចុប្បន្នមានក្លិបសមាគមជាសមាជិកចំនួន៦ ដែលមានកីឡាករកីឡាការិនីសរុបប្រមាណ២០០នាក់។ អ្វីដែលគួរឲ្យកត់សម្គាល់ សហព័ន្ធនេះពុំទាន់មានទីលានត្រឹមត្រូវ ដើម្បីឲ្យកីឡាករហ្វឹកហាត់នៅឡើយទេ៕
Tag:
វ៉ូវីណាម
ទេព ជីវសុខុម
© រក្សាសិទ្ធិដោយ thmeythmey.com