អន្តរជាតិ
ពលរដ្ឋវ៉េណេស៊ុយអេឡាជាច្រើនសន្ធឹកសន្ធាប់បន្តធ្វើចំណាកស្រុកគ្រាដែលសេដ្ឋកិច្ចនិងបញ្ហាសិទ្ធិមនុស្សកាន់តែអាក្រក់
រូបភាព៖ AFP
×![]()
ដោយ: VOA
លោកស្រី Michelle Bachelet ឧត្តមស្នងការសិទ្ធិមនុស្សរបស់អង្គការសហប្រជាជាតិ កំពុងអំពាវនាវឲ្យរដ្ឋាភិបាលវេណេហ្ស៊ុយអេឡានិងក្រុមប្រឆាំងដោះស្រាយភាពខុសគ្នារបស់ពួកគេដែលបង្កឲ្យមានស្ថានការណ៍សេដ្ឋកិច្ចសង្គមកាន់តែអាក្រក់ និងការបំពានសិទ្ធិមនុស្សកាន់តែធ្ងន់ធ្ងរ។ លោកស្រី Michelle Bachelet បានបង្ហាញអំពីស្ថានការណ៍ថ្មី ដែលកើតមានឡើងនៅក្នុងប្រទេសវ៉េណេស៊ុយអេឡានៅឯការិយាល័យក្រុមប្រឹក្សាសិទ្ធិមនុស្សអង្គការសហប្រជាជាតិ។
អង្គការសហប្រជាជាតិរាយការណ៍ថា ជនភៀសខ្លួន និងជនចំណាកស្រុកវ៉េណេស៊ុយអេឡាជាង៤លាន ៣សែននាក់ បានភៀសខ្លួនពីប្រទេសរបស់ពួកគេ។ ពួកគេភាគច្រើនបានទៅប្រទេសក្បែរខាង។ លោកស្រី Michelle Bachelet ឧត្តមស្នងការសិទ្ធិមនុស្សរបស់អង្គការសហប្រជាជាតិ បានព្រមានថា ពលរដ្ឋធ្វើចំណាកស្រុកក្នុងចំនួនច្រើនសន្ធឹកសន្ធាប់ដូចនេះ នឹងបន្តមានទៀត បើសិនណាស្ថានការណ៍សេដ្ឋកិច្ចសង្គម និងការបំពានសិទ្ធិមនុស្ស មិនស្រកស្រុតទេនោះ។ នេះ ជាពាក្យសម្តីរបស់លោកស្រី Michelle Bachelet តាមរយៈអ្នកបកប្រែ។
លោកស្រី Michelle Bachelet ថ្លែងថា៖
«ការិយាល័យរបស់ខ្ញុំ បានកត់ត្រាករណីធ្វើទារុណកម្ម និងការប្រព្រឹត្តដ៏អាក្រក់ទាំងផ្លូវកាយ និងផ្លូវចិត្ត ដល់អ្នកដែលត្រូវបានឃុំឃាំង ពីសំណាក់មនុស្សមានអំណាច ជាពិសេសពីសំណាក់សមាជិកយោធា។ ស្ថានការណ៍នៃការឃុំខ្លួន មិនដល់កំរិតអប្បបរមានៃបទដ្ឋានអន្តរជាតិទេ និងជនទាំងឡាយដែលត្រូវបានឃុំខ្លួន មិនអាចទទួលការថែទាំសុខភាពឲ្យបានសមរម្យទេ។ ខ្ញុំ សូមអំពាវនាវដល់អាជ្ញាធរ ឲ្យចាត់វិធានការ ដើម្បីកែប្រែការអនុវត្តទាំងនេះ អនុញ្ញាតឲ្យមានការថែទាំសុខភាព និងស៊ើបអង្កេតការបំពានផ្នែកសិទ្ធិមនុស្ស»។
លោកស្រី Bachelet បានទៅធ្វើទស្សនកិច្ចនៅប្រទេសវ៉េណេស៊ុយអេឡា កាលពីខែមិថុនា ហើយត្រូវបានអនុញ្ញាតឲ្យបង្កើតការិយាល័យរបស់លោកស្រីឡើងវិញនៅក្នុងរដ្ឋធានីការ៉ាកាស។ លោកស្រី Bachelet ថ្លែងថា ចាប់តាំងពីពេលនោះមក រដ្ឋាភិបាលរបស់លោក Nicolas Maduro បានដោះលែងមនុស្ស៨៣ នាក់ ដែលត្រូវបានឃុំខ្លួន ហើយអ្នកទោសក្នុងពន្ធនាគារបានទទួលការថែទាំសុខភាពច្រើនជាងមុន។
ក៏ប៉ុន្តែ លោកស្រីក៏បានថ្លែងផងដែរថា ភាពប្រសើរឡើងនេះ គឺតិចតួចណាស់បើប្រៀបទៅនឹងទុក្ខលំបាកវេទនារបស់មនុស្សរាប់លាននាក់ដែលគ្មានជម្រក ដែលបណ្តាលមកពីអតិផរណាដ៏ខ្លាំងក្លា ការខ្វះម្ហូបអាហារ ថ្នាំពេទ្យ និងទំនិញនិងសេវាកម្មសំខាន់ៗដទៃទៀត។ នេះ ជាពាក្យសម្តីរបស់លោកស្រី Michelle Bachelet តាមរយៈអ្នកបកប្រែ។
លោកស្រី Michelle Bachelet ថ្លែងថា៖
«នៅក្នុងបរិបទនេះ កាលពីថ្ងៃទី៨ខែសីហា ខ្ញុំបានបង្ហាញការព្រួយបារម្ភរបស់ខ្ញុំ ទាក់ទងនឹងផលប៉ះពាល់ដ៏ធ្ងន់ធ្ងរដែលអាចកើតមានឡើង ទៅលើផ្នែកសិទ្ធិមនុស្ស ដោយសារតែការដាក់ទណ្ឌកម្មថ្មីដោយរដ្ឋាភិបាលសហរដ្ឋអាមេរិក។ ថ្វីបើមានករណីលើកលែងខ្លះនៅក្នុងការដាក់ទណ្ឌកម្មថ្មីៗនេះ សម្រាប់ចំណាយទៅលើផ្នែកជំនួយមនុស្សធម៌ ការអនុលោមទៅតាមវិស័យហិរញ្ញវត្ថុហួសហេតុ ការថយចុះប្រាក់ចំណូលសម្រាប់សាធារណៈ និងការធ្លាក់ចុះប្រាក់ចំណូលពីការលក់ប្រេង មានផលប៉ះពាល់យ៉ាងខ្លាំងជាស្រេចទៅហើយទៅលើកម្មវិធីសង្គម និងប្រជាពលរដ្ឋទូទៅ»។
លោកស្រី Bachelet ព្រមានថា ជនភៀសខ្លួន និងជនចំណាកស្រុកវ៉េណេស៊ុយអេឡាដ៏ច្រើនសន្ធឹកសន្ធាប់នេះ ធ្វើឲ្យមានអស្ថេរភាពនៅក្នុងតំបន់។ លោកស្រីបង្ហាញការព្រួយបារម្ភអំពីសេចក្តីរាយការណ៍អំពី ការកើតមាននូវការស្អប់ខ្ពើមជនបរទេស នៅក្នុងប្រទេសដែលទទួលជនចំណាកស្រុក និងជនភៀសខ្លួន និងគ្រោះថ្នាក់ដែលកាន់តែកើនឡើងចំពោះពលរដ្ឋវ៉េណេស៊ុយអេឡា ដែលធ្វើឲ្យពួកគេក្លាយទៅជាជនរងគ្រោះ ជាច្រើនទម្រង់ដូចជា អំពើហិង្សា ការកេងប្រវ័ញ្ច និងការជួញដូរ៕
សូមចុចទៅប្រភពដើម VOA ត្រង់នេះ
អង្គការសហប្រជាជាតិរាយការណ៍ថា ជនភៀសខ្លួន និងជនចំណាកស្រុកវ៉េណេស៊ុយអេឡាជាង៤លាន ៣សែននាក់ បានភៀសខ្លួនពីប្រទេសរបស់ពួកគេ។ ពួកគេភាគច្រើនបានទៅប្រទេសក្បែរខាង។ លោកស្រី Michelle Bachelet ឧត្តមស្នងការសិទ្ធិមនុស្សរបស់អង្គការសហប្រជាជាតិ បានព្រមានថា ពលរដ្ឋធ្វើចំណាកស្រុកក្នុងចំនួនច្រើនសន្ធឹកសន្ធាប់ដូចនេះ នឹងបន្តមានទៀត បើសិនណាស្ថានការណ៍សេដ្ឋកិច្ចសង្គម និងការបំពានសិទ្ធិមនុស្ស មិនស្រកស្រុតទេនោះ។ នេះ ជាពាក្យសម្តីរបស់លោកស្រី Michelle Bachelet តាមរយៈអ្នកបកប្រែ។
លោកស្រី Michelle Bachelet ថ្លែងថា៖
«ការិយាល័យរបស់ខ្ញុំ បានកត់ត្រាករណីធ្វើទារុណកម្ម និងការប្រព្រឹត្តដ៏អាក្រក់ទាំងផ្លូវកាយ និងផ្លូវចិត្ត ដល់អ្នកដែលត្រូវបានឃុំឃាំង ពីសំណាក់មនុស្សមានអំណាច ជាពិសេសពីសំណាក់សមាជិកយោធា។ ស្ថានការណ៍នៃការឃុំខ្លួន មិនដល់កំរិតអប្បបរមានៃបទដ្ឋានអន្តរជាតិទេ និងជនទាំងឡាយដែលត្រូវបានឃុំខ្លួន មិនអាចទទួលការថែទាំសុខភាពឲ្យបានសមរម្យទេ។ ខ្ញុំ សូមអំពាវនាវដល់អាជ្ញាធរ ឲ្យចាត់វិធានការ ដើម្បីកែប្រែការអនុវត្តទាំងនេះ អនុញ្ញាតឲ្យមានការថែទាំសុខភាព និងស៊ើបអង្កេតការបំពានផ្នែកសិទ្ធិមនុស្ស»។
លោកស្រី Bachelet បានទៅធ្វើទស្សនកិច្ចនៅប្រទេសវ៉េណេស៊ុយអេឡា កាលពីខែមិថុនា ហើយត្រូវបានអនុញ្ញាតឲ្យបង្កើតការិយាល័យរបស់លោកស្រីឡើងវិញនៅក្នុងរដ្ឋធានីការ៉ាកាស។ លោកស្រី Bachelet ថ្លែងថា ចាប់តាំងពីពេលនោះមក រដ្ឋាភិបាលរបស់លោក Nicolas Maduro បានដោះលែងមនុស្ស៨៣ នាក់ ដែលត្រូវបានឃុំខ្លួន ហើយអ្នកទោសក្នុងពន្ធនាគារបានទទួលការថែទាំសុខភាពច្រើនជាងមុន។
ក៏ប៉ុន្តែ លោកស្រីក៏បានថ្លែងផងដែរថា ភាពប្រសើរឡើងនេះ គឺតិចតួចណាស់បើប្រៀបទៅនឹងទុក្ខលំបាកវេទនារបស់មនុស្សរាប់លាននាក់ដែលគ្មានជម្រក ដែលបណ្តាលមកពីអតិផរណាដ៏ខ្លាំងក្លា ការខ្វះម្ហូបអាហារ ថ្នាំពេទ្យ និងទំនិញនិងសេវាកម្មសំខាន់ៗដទៃទៀត។ នេះ ជាពាក្យសម្តីរបស់លោកស្រី Michelle Bachelet តាមរយៈអ្នកបកប្រែ។
លោកស្រី Michelle Bachelet ថ្លែងថា៖
«នៅក្នុងបរិបទនេះ កាលពីថ្ងៃទី៨ខែសីហា ខ្ញុំបានបង្ហាញការព្រួយបារម្ភរបស់ខ្ញុំ ទាក់ទងនឹងផលប៉ះពាល់ដ៏ធ្ងន់ធ្ងរដែលអាចកើតមានឡើង ទៅលើផ្នែកសិទ្ធិមនុស្ស ដោយសារតែការដាក់ទណ្ឌកម្មថ្មីដោយរដ្ឋាភិបាលសហរដ្ឋអាមេរិក។ ថ្វីបើមានករណីលើកលែងខ្លះនៅក្នុងការដាក់ទណ្ឌកម្មថ្មីៗនេះ សម្រាប់ចំណាយទៅលើផ្នែកជំនួយមនុស្សធម៌ ការអនុលោមទៅតាមវិស័យហិរញ្ញវត្ថុហួសហេតុ ការថយចុះប្រាក់ចំណូលសម្រាប់សាធារណៈ និងការធ្លាក់ចុះប្រាក់ចំណូលពីការលក់ប្រេង មានផលប៉ះពាល់យ៉ាងខ្លាំងជាស្រេចទៅហើយទៅលើកម្មវិធីសង្គម និងប្រជាពលរដ្ឋទូទៅ»។
លោកស្រី Bachelet ព្រមានថា ជនភៀសខ្លួន និងជនចំណាកស្រុកវ៉េណេស៊ុយអេឡាដ៏ច្រើនសន្ធឹកសន្ធាប់នេះ ធ្វើឲ្យមានអស្ថេរភាពនៅក្នុងតំបន់។ លោកស្រីបង្ហាញការព្រួយបារម្ភអំពីសេចក្តីរាយការណ៍អំពី ការកើតមាននូវការស្អប់ខ្ពើមជនបរទេស នៅក្នុងប្រទេសដែលទទួលជនចំណាកស្រុក និងជនភៀសខ្លួន និងគ្រោះថ្នាក់ដែលកាន់តែកើនឡើងចំពោះពលរដ្ឋវ៉េណេស៊ុយអេឡា ដែលធ្វើឲ្យពួកគេក្លាយទៅជាជនរងគ្រោះ ជាច្រើនទម្រង់ដូចជា អំពើហិង្សា ការកេងប្រវ័ញ្ច និងការជួញដូរ៕
សូមចុចទៅប្រភពដើម VOA ត្រង់នេះ
© រក្សាសិទ្ធិដោយ thmeythmey.com
