ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
កម្ពុជាមានទេសរដ្ឋមន្ត្រីទទួលបន្ទុកបេសកកម្មពិសេសចំនួន ១២រូប
15, Sep 2019 ,
8:59 am
រូបភាព
រូបពីហ្វេសប៊ុកសម្ដេច ហ៊ុន សែន
×
ដោយ:
ភ្នំពេញ៖ រដ្ឋាភិបាលបានចេញសេចក្ដីសម្រេចមួយ ស្ដីពីការកំណត់របៀបរបបការងារ និងការបែងចែកភារកិច្ចរបស់ថ្នាក់ដឹកនាំរាជរដ្ឋាភិបាល ដែលចុះថ្ងៃទី១០ខែកញ្ញា។ សេចក្ដីសម្រេចនេះធ្វើឡើង ក្រោយពេលដែលលោក ញឹម វណ្ណដា ត្រូវបានដកចេញពីតំណែងអនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយ ដែលជំនួសវិញដោយលោក គន់ គីម ។
ក្រៅពីកំណត់បែងចែកភារកិច្ចរបស់នាយករដ្ឋមន្ត្រី និងឧបនាយករដ្ឋមន្ត្រី សេចក្ដីសម្រេចនេះក៏មានរាយនាមទេសរដ្ឋមន្ត្រីទទួលបន្ទុកបេសកកម្មពិសេសទាំង១២រូប ដោយភ្ជាប់ជាមួយនឹងតួនាទីភារកិច្ច។
ទេសរដ្ឋមន្ត្រីទទួលបន្ទុកពិសេសទាំង១២រូប រួមមាន៖ ១. លោក ប៉ុល សារឿន ទេសរដ្ឋមន្ត្រីទទួលបន្ទុកការងារបញ្ចូនកម្លាំងកម្ពុជាចូលរួមបេសកកម្មរក្សាសន្តិភាពរបស់អង្គការសហប្រជាជាតិ ២. លោក គន់ គីម ទេសរដ្ឋមន្ត្រីទទួលបន្ទុកកិច្ចការអតីតយុទ្ធជន និងជនពិការ, ជាអនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយ ៣. លោក មាស សុភា ទេសរដ្ឋមន្ត្រីទទួលបន្ទុកកិច្ចការមីននិងគ្រាប់មិនទាន់ផ្ទុះ ការងារវិស្វកម្មកងយោធពលខេមរភូមិន្ទ ៤. លោក ឱម យ៊ិនទៀង ទេសរដ្ឋមន្ត្រីទទួលបន្ទុកដឹកនាំគណៈកម្មាធិការសិទ្ធិមនុស្សកម្ពុជា និងអង្គភាពប្រឆាំងអំពើពុករលួយ។
៥. លោក អៀង ម៉ូលី ទេសរដ្ឋមន្ត្រីទទួលបន្ទុកដឹកនាំអាជ្ញាធរជាតិប្រយុទ្ធប្រឆាំងនឹងជំងឺអេដស៍ ៦. លោក វ៉ា គឹមហុង ទេសរដ្ឋមន្ត្រីទទួលបន្ទុកកិច្ចការព្រំដែន ៧. លោក យឹម ណុលឡា ទេសរដ្ឋមន្ត្រីទទួលបន្ទុកក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ៨. លោក ជិន ប៊ុនស៊ាន ទេសរដ្ឋមន្ត្រីទទួលបន្ទុកជាអនុប្រធានក្រុមប្រឹក្សាអភិវឌ្ឍន៍កម្ពុជា ៩. លោក ហូ សិទ្ធី ទេសរដ្ឋមន្ត្រីទទួលបន្ទុកជានាយកខុទ្ទកាល័យនាយករដ្ឋមន្ត្រី ១០. លោក ឃុន ហាំង ទេសរដ្ឋមន្ត្រីទទួលបន្ទុកជាអនុប្រធានប្រចាំការអាជ្ញាធរជាតិដោះស្រាយទំនាស់ដីធ្លី ១១. លោក លី ធុជ ទេសរដ្ឋមន្ត្រីទទួលបន្ទុកជាប្រធានគណៈកម្មាធិការជាតិអេស្កាប់និងជាអនុប្រធានទី១នៃអាជ្ញាធរកម្ពុជាគ្រប់គ្រងសកម្មភាពកំចាត់មីននិងសង្គ្រោះជនពិការដោយសារមីន និង១២. លោក អូស្មាន ហាស្សាន់ ទេសរដ្ឋមន្ត្រីទទួលបន្ទុកជួយនាយករដ្ឋមន្ត្រីលើការងារចលនាមូស្លីម។
ប្រការ៨នៃសេចក្ដីសម្រេចនេះ ចែងថា ទេសរដ្ឋមន្ត្រីទទួលបន្ទុកបេសកកម្មពិសេសទទួលអនុវត្តនូវការងារផ្សេងទៀតដែលនាយករដ្ឋមន្ត្រីប្រគល់ជូន។ ប្រការ៩ បន្ថែមថា ទេសរដ្ឋមន្ត្រីទទួលបន្ទុកបេសកកម្មពិសេស១រូបៗមានជំនួយការចំនួន៥រូប ក្នុងនោះ២រូបមានឋានៈស្មើអគ្គនាយក ១រូបមានឋានៈស្មើអគ្គនាយករង និង២រូបមានឋានៈស្មើប្រធាននាយកដ្ឋាន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ទេសរដ្ឋមន្ត្រី
កម្ពុជា
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
អត្ថបទពេញនិយមបន្ថែម