កីឡាជាតិ
ជាតិ
លោក Felix៖ ចន្ធា ទើបមានអាយុ១៧ឆ្នាំ ដូច្នេះគេនៅមានទេពកោសល្យ និងសក្តានុពលបន្ថែមទៀត
កីឡាករ សៀង ចន្ធា (រូបក្នុងរង្វង់) និងលោក Felix Dalmas គ្រូបង្វឹកក្រុមជម្រើសជាតិកម្ពុជា
×![]()
ខ្សែប្រយុទ្ធវ័យក្មេង សៀង ចន្ធា ជាកីឡាករមានទេពកោសល្យ ដែលគេរំពឹងថា នឹងអាចក្លាយជាកីឡាករសន្តានុពលរបស់កម្ពុជានាពេលអនាគត។ នេះជាការយល់ឃើញរបស់លោក Felix Dalmas គ្រូបង្វឹកក្រុមជម្រើសជាតិកម្ពុជាក្រោយជំនួបជាមួយបារ៉ែន នាវគ្គជម្រុះ World Cup 2022 ជុំទី២កាលពីថ្ងៃទី១០ កញ្ញា ដែល ចន្ធា ស្ថិតក្នុងជម្រើស១១នាក់ដំបូង។
គ្រូបង្វឹកក្រុមជម្រើសជាតិកម្ពុជាលោក Felix Dalmas បង្ហាញការជឿជាក់លើខ្សែប្រយុទ្ធ សៀង ចន្ធា ថា រូបគេនឹងក្លាយជាកីឡាករសក្តានុពល១រូបរបស់កម្ពុជានាពេលអនាគត។ ការជឿជាក់នេះ ធ្វើឡើងក្រោយលោកសង្កេតឃើញថា ចន្ធា មានទេពកោសល្យខ្ពស់ទាំងលើការហ្វឹកហាត់ និងប្រកួតនៅលើទីលាន។ ជាក់ស្តែងក្នុងជំនួបកម្ពុជាស្មើ ១-១ ជាមួយហុងកុងយុវជនបាទីរូបនេះ បានបង្ហាញសមត្ថភាព និងទម្រង់លេងដ៏ទាក់ទាញក្នុងក្រសែភ្នែកអ្នកគាំទ្រ តាមរយៈការបង្កើតឱកាស ហើយទាត់ទៅប៉ះរបាទីរបស់ហុងកុង។
ការបង្ហាញទម្រង់លេងល្អគួបផ្សំការខិតខំព្យាយាមហ្វឹកហាត់ ជួយឲ្យខ្សែប្រយុទ្ធវ័យ១៧ឆ្នាំ ដែលស្ថិតក្នុងជម្រើសទី២នាជំនួបជាមួយហុងកុងរូបនេះ ត្រូវបានអ្នកចាត់ការទូទៅលោក Keisuke Honda និងលោក Felix Dalmas ជាគ្រូបង្វឹក ផ្តល់ឱកាសឲ្យជាប់ក្នុងជម្រើស១១នាក់ដំបូង នាជំនួបវគ្គជម្រុះ World Cup 2022 ជុំទី២ ដែលកម្ពុជាចាញ់បារ៉ែន ១-០ កាលពីថ្ងៃទី១០ ខែកញ្ញា នៅពហុកីឡដ្ឋានជាតិ។
គ្រូបង្វឹកអាហ្សង់ទីនរូបនេះបានបញ្ជាក់ពីមូលហេតុ ដែលដាក់ សៀង ចន្ធា ក្នុងជម្រើស១១នាក់ដំបូងយ៉ាងដូច្នេះថា៖«យើងបានយល់ពីស្ថានភាពនៃការប្រកួត ខ្ញុំមើលឃើញថា ចន្ធា សម្រាប់ការប្រកួតនឹង(ជាមួយបារ៉ែន)គឺអាចជះឥទ្ធិពលខ្លាំងបើគាត់លេងក្នុងជម្រើសដំបូង ជាការពិតគាត់អាចធ្វើបានមែន។ យើងដឹងហើយថា ចន្ធា ទើបតែមានអាយុ១៧ឆ្នាំ យើងត្រូវផ្តល់ឱកាសឲ្យច្រើនសម្រាប់គាត់ ដើម្បីឲ្យរីកចម្រើនកាន់តែខ្លាំង។ គាត់ពិតជាមានទេពកោសល្យ និងសក្តានុពល»។
ប៉ុន្តែក្រោយបង្ហាញខ្លួនបាន៥៨នាទី សៀង ចន្ធា ត្រូវប្តូរចេញជំនួសដោយកីឡាករ ហូយ ផល្លីន។ ការប្រកួតបញ្ចប់បានប្រមាណជាង២ម៉ោងសមាជិកក្រុមយុវជនអាយុក្រោម១៨ឆ្នាំរូបនេះ បានចាកចេញពីកម្ពុជាទៅកាន់ប្រទេសជប៉ុន ដើម្បីចូលរួមក្នុងកម្មវិធីផ្លាស់ប្តូរបទពិសោធនៅក្លិប Vegalta Sendai នៃក្លិប J1-League។ ខណៈលោក សាប៊ូន វិនតា ជាគ្រូបង្វឹក និងមិត្តរួមក្រុមពីររូបទៀតនៅមជ្ឈមណ្ឌលបាល់ទាត់ជាតិបាទី គឺអ្នកចាំទី ថា ចាន់រិទ្ធី និងកីឡាករ អ៊ាន ពិសី កំពុងរង់ចាំនៅទីនោះ។
នាជំនួបជើងទី១វគ្គជម្រុះ World Cup 2022 ជុំទី១ កាលពីថ្ងៃទី៦ ខែមិថុនា ឆ្នាំ២០១៩ នៅពហុកីឡដ្ឋានជាតិ ខ្សែប្រយុទ្ធវ័យ១៧ឆ្នាំរូបនេះបានសម្រេចគ្រាប់បាល់នាំមុខ ១-០ ឲ្យកម្ពុជា ក្រោយប្តូរចូលជំនួស សេត រ៉ស៊ីប បាន៦នាទី។ គ្រាប់បាល់នេះ បានជួយឲ្យកីឡាករទើបប្រឡងជាប់សញ្ញាបត្រមធ្យសិក្សាទុតិយភូមិរូបនេះ ក្លាយជាកីឡាករមានវ័យក្មេងជាងគេ ដែលរកគ្រាប់បាល់បានក្នុងវគ្គជម្រុះ World Cup។ បន្ទាប់មកនៅតង់ទី២ ខ្សែបម្រើជើងចាស់ គួច សុកុម្ភៈ បានសម្រេចគ្រាប់ជ័យជម្នះ ២-០ ឲ្យកម្ពុជា ដើម្បីក្លាយជាកីឡាកររកគ្រាប់បាល់ ដែលមានវ័យចាស់ជាងគេរបស់កម្ពុជាក្នុងព្រឹត្តិការណ៍នេះ៕
គ្រូបង្វឹកក្រុមជម្រើសជាតិកម្ពុជាលោក Felix Dalmas បង្ហាញការជឿជាក់លើខ្សែប្រយុទ្ធ សៀង ចន្ធា ថា រូបគេនឹងក្លាយជាកីឡាករសក្តានុពល១រូបរបស់កម្ពុជានាពេលអនាគត។ ការជឿជាក់នេះ ធ្វើឡើងក្រោយលោកសង្កេតឃើញថា ចន្ធា មានទេពកោសល្យខ្ពស់ទាំងលើការហ្វឹកហាត់ និងប្រកួតនៅលើទីលាន។ ជាក់ស្តែងក្នុងជំនួបកម្ពុជាស្មើ ១-១ ជាមួយហុងកុងយុវជនបាទីរូបនេះ បានបង្ហាញសមត្ថភាព និងទម្រង់លេងដ៏ទាក់ទាញក្នុងក្រសែភ្នែកអ្នកគាំទ្រ តាមរយៈការបង្កើតឱកាស ហើយទាត់ទៅប៉ះរបាទីរបស់ហុងកុង។
ការបង្ហាញទម្រង់លេងល្អគួបផ្សំការខិតខំព្យាយាមហ្វឹកហាត់ ជួយឲ្យខ្សែប្រយុទ្ធវ័យ១៧ឆ្នាំ ដែលស្ថិតក្នុងជម្រើសទី២នាជំនួបជាមួយហុងកុងរូបនេះ ត្រូវបានអ្នកចាត់ការទូទៅលោក Keisuke Honda និងលោក Felix Dalmas ជាគ្រូបង្វឹក ផ្តល់ឱកាសឲ្យជាប់ក្នុងជម្រើស១១នាក់ដំបូង នាជំនួបវគ្គជម្រុះ World Cup 2022 ជុំទី២ ដែលកម្ពុជាចាញ់បារ៉ែន ១-០ កាលពីថ្ងៃទី១០ ខែកញ្ញា នៅពហុកីឡដ្ឋានជាតិ។
គ្រូបង្វឹកអាហ្សង់ទីនរូបនេះបានបញ្ជាក់ពីមូលហេតុ ដែលដាក់ សៀង ចន្ធា ក្នុងជម្រើស១១នាក់ដំបូងយ៉ាងដូច្នេះថា៖«យើងបានយល់ពីស្ថានភាពនៃការប្រកួត ខ្ញុំមើលឃើញថា ចន្ធា សម្រាប់ការប្រកួតនឹង(ជាមួយបារ៉ែន)គឺអាចជះឥទ្ធិពលខ្លាំងបើគាត់លេងក្នុងជម្រើសដំបូង ជាការពិតគាត់អាចធ្វើបានមែន។ យើងដឹងហើយថា ចន្ធា ទើបតែមានអាយុ១៧ឆ្នាំ យើងត្រូវផ្តល់ឱកាសឲ្យច្រើនសម្រាប់គាត់ ដើម្បីឲ្យរីកចម្រើនកាន់តែខ្លាំង។ គាត់ពិតជាមានទេពកោសល្យ និងសក្តានុពល»។
ប៉ុន្តែក្រោយបង្ហាញខ្លួនបាន៥៨នាទី សៀង ចន្ធា ត្រូវប្តូរចេញជំនួសដោយកីឡាករ ហូយ ផល្លីន។ ការប្រកួតបញ្ចប់បានប្រមាណជាង២ម៉ោងសមាជិកក្រុមយុវជនអាយុក្រោម១៨ឆ្នាំរូបនេះ បានចាកចេញពីកម្ពុជាទៅកាន់ប្រទេសជប៉ុន ដើម្បីចូលរួមក្នុងកម្មវិធីផ្លាស់ប្តូរបទពិសោធនៅក្លិប Vegalta Sendai នៃក្លិប J1-League។ ខណៈលោក សាប៊ូន វិនតា ជាគ្រូបង្វឹក និងមិត្តរួមក្រុមពីររូបទៀតនៅមជ្ឈមណ្ឌលបាល់ទាត់ជាតិបាទី គឺអ្នកចាំទី ថា ចាន់រិទ្ធី និងកីឡាករ អ៊ាន ពិសី កំពុងរង់ចាំនៅទីនោះ។
នាជំនួបជើងទី១វគ្គជម្រុះ World Cup 2022 ជុំទី១ កាលពីថ្ងៃទី៦ ខែមិថុនា ឆ្នាំ២០១៩ នៅពហុកីឡដ្ឋានជាតិ ខ្សែប្រយុទ្ធវ័យ១៧ឆ្នាំរូបនេះបានសម្រេចគ្រាប់បាល់នាំមុខ ១-០ ឲ្យកម្ពុជា ក្រោយប្តូរចូលជំនួស សេត រ៉ស៊ីប បាន៦នាទី។ គ្រាប់បាល់នេះ បានជួយឲ្យកីឡាករទើបប្រឡងជាប់សញ្ញាបត្រមធ្យសិក្សាទុតិយភូមិរូបនេះ ក្លាយជាកីឡាករមានវ័យក្មេងជាងគេ ដែលរកគ្រាប់បាល់បានក្នុងវគ្គជម្រុះ World Cup។ បន្ទាប់មកនៅតង់ទី២ ខ្សែបម្រើជើងចាស់ គួច សុកុម្ភៈ បានសម្រេចគ្រាប់ជ័យជម្នះ ២-០ ឲ្យកម្ពុជា ដើម្បីក្លាយជាកីឡាកររកគ្រាប់បាល់ ដែលមានវ័យចាស់ជាងគេរបស់កម្ពុជាក្នុងព្រឹត្តិការណ៍នេះ៕
Tag:
Felix Dalmas
World Cup
សៀង ចន្ធា
© រក្សាសិទ្ធិដោយ thmeythmey.com
