ជាតិ
ក្រសួងបរិស្ថានសង្ស័យហាងលក់វត្ថុអនុស្សាវរីយ៍ ៥៩កន្លែង មានភ្លុកដំរីនិងកុយរមាស
រូបភាពក្រសួងបរិស្ថាន
×![]()
ដោយ: ឡាយ សុភាវតី
ភ្នំពេញ៖ ក្រសួងបរិស្ថានបានចេញលិខិត ទៅម្ចាស់អាជីវកម្មលក់វត្ថុអនុស្សាវរីយ៍ ៥៩ទីតាំង ដែលសង្ស័យថាមានភ្លុកដំរីនិងកុយរមាស។ តាមលិខិតនេះ ម្ចាស់ហាងត្រូវបញ្ឈប់សកម្មភាពទិញលក់វត្ថុទាំងនោះ ហើយត្រូវប្រគល់ឲ្យសមត្ថិច្ចជាបន្ទាន់។ បើមិនដូច្នោះទេ សមត្ថកិច្ចនឹងចាត់វិធានការតាមផ្លូវច្បាប់ ពេលចុះពិនិត្យឃើញមានវត្ថុហាមឃាត់ទាំងនោះ។ នេះបើតាមអ្នកនាំពាក្យក្រសួងបរិស្ថាន ដែលបានថ្លែងប្រាប់សារព័ត៌មានថ្មីៗ នៅថ្ងៃទី១៣កញ្ញា ឆ្នាំ២០១៩។
តាមការអង្កេតស្រាវជ្រាវយ៉ាងដិតដល់របស់កម្លាំងសមត្ថកិច្ចនាពេលថ្មីៗនេះ ហាងលក់វត្ថុអនុស្សាវរីយ៍មួយចំនួន មានលក់គ្រឿងចម្លាក់ពីភ្លុកដំរីនិងកុយរមាសដែលច្បាប់ហាមឃាត់។ អាជីវកម្មទាំង៥៩កន្លែង ត្រូវបានក្រសួងចេញលិខិតណែនាំនិងសង្ស័យថាមានភ្លុកដំរីនិងកុយរមាស មាន២៧កន្លែងនៅរាជធានីភ្នំពេញ ៣០កន្លែងនៅខេត្តសៀមរាប និង២កន្លែងទៀតនៅខេត្តព្រះសីហនុ។ ការចេញលិខិតណែនាំដល់ម្ចាស់អាជីវកម្មនេះ គឺដើម្បីបញ្ឈប់ការជួញដូរសត្វព្រៃ និងពង្រឹងការអនុវត្តច្បាប់ ដើម្បីលុបបំបាត់ការជួញដូរគ្រប់រូបភាពទាំងកន្លែងកែច្នៃ និងកន្លែងលក់។ នេះបើតាមការបញ្ជាក់របស់លោក នេត្រ ភក្ត្រា រដ្ឋលេខាធិការក្រសួងបរិស្ថាន។
សកម្មភាពជួញដូរនេះ នឹងជះឥទ្ធិពលអវិជ្ជមានចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាលើការកាពារប្រភេទសត្វព្រៃកំពុងរងគ្រោះថ្នាក់ ក៏ដូចជាធ្វើឲ្យខូចកិត្តិស័ព្ទរបស់កម្ពុជាលើឆាកអន្តរជាតិ។ ការធ្វើពាណិជ្ជកម្ម លក់ នាំចូល និងនាំចេញ នូវទំនិញភ្លុកដំរីនិងកុយរមាសគឺជាបទល្មើសព្រហ្មទណ្ឌ។ នេះជាការលើកឡើងបន្ថែមរបស់លោក នេត្រ ភក្ត្រា ដោយអះអាងដូច្នេះទៀតថា៖«ប្រសិនបើម្ចាស់អាជីវកម្មមានលាក់ទុកឬលក់វត្ថុអនុស្សាវរីយ៍ធ្វើពីភ្លុកដំរីនិងកុយរមាសត្រូវប្រគល់ទៅសមត្ថកិច្ច ប្រសិនបើសមត្ថកិច្ចរកឃើញនិងចាប់បាននឹងចាត់វិធានការចំពោះជនល្មើសតាមច្បាប់ជាចាំបាច់»។
កន្លងមក អាជ្ញាធរមានសមត្ថកិច្ចកម្ពុជាបានចាប់ឃាត់ភ្លុកដំរី កុយរមាស និងគ្រឿងចម្លាក់ពីភ្លុកដំរី កុយរមាសដែលលួចនាំចូលក្នុងប្រទេសកម្ពុជា និងលួចនាំចេញទៅក្រៅប្រទេសជាច្រើនករណី។
ពីឆ្នាំ២០១៦ រហូតមកទល់នឹងចុងឆ្នាំ ២០១៨ ភ្លុកដំរី និងកុយរមាសជាច្រើនពាន់ដុំមានទម្ងន់សរុបប្រមាណជាង ៥តោនត្រូវបានអាជ្ញាធរកម្ពុជាបង្ក្រាប។ ក្រៅពីនោះក៏មានស្រកាពង្រូល និងឆ្អឹងសត្វព្រៃផ្សេងទៀតដែលត្រូវបានអាជ្ញាធរបង្ក្រាបបានផងដែរ។ បរទេស មួយចំនួនបានស្នើសុំឱ្យមានការដុតបំផ្លាញចោលនូវវត្ថុដ៏មានតម្លៃទាំងនេះ។ គួរបញ្ជាក់ផងដែរថា កាលពីខែ កុម្ភៈ ឆ្នាំ ២០១៧ សម្តេច ហ៊ុន សែន បានណែនាំឱ្យសមត្ថកិច្ចត្រូវរក្សាទុកនូវភ្លុកដំរី កុយរមាស និងសំណាកសត្វកម្រដទៃទៀតដែលកម្លាំងសមត្ថកិច្ចបង្ក្រាបបាន ដើម្បីដាក់តាំងពិព័រណ៌សម្រាប់សាធារណជនទស្សនានិងសម្រាប់បម្រើឱ្យការសិក្សាស្រាវជ្រាវ៕
តាមការអង្កេតស្រាវជ្រាវយ៉ាងដិតដល់របស់កម្លាំងសមត្ថកិច្ចនាពេលថ្មីៗនេះ ហាងលក់វត្ថុអនុស្សាវរីយ៍មួយចំនួន មានលក់គ្រឿងចម្លាក់ពីភ្លុកដំរីនិងកុយរមាសដែលច្បាប់ហាមឃាត់។ អាជីវកម្មទាំង៥៩កន្លែង ត្រូវបានក្រសួងចេញលិខិតណែនាំនិងសង្ស័យថាមានភ្លុកដំរីនិងកុយរមាស មាន២៧កន្លែងនៅរាជធានីភ្នំពេញ ៣០កន្លែងនៅខេត្តសៀមរាប និង២កន្លែងទៀតនៅខេត្តព្រះសីហនុ។ ការចេញលិខិតណែនាំដល់ម្ចាស់អាជីវកម្មនេះ គឺដើម្បីបញ្ឈប់ការជួញដូរសត្វព្រៃ និងពង្រឹងការអនុវត្តច្បាប់ ដើម្បីលុបបំបាត់ការជួញដូរគ្រប់រូបភាពទាំងកន្លែងកែច្នៃ និងកន្លែងលក់។ នេះបើតាមការបញ្ជាក់របស់លោក នេត្រ ភក្ត្រា រដ្ឋលេខាធិការក្រសួងបរិស្ថាន។
សកម្មភាពជួញដូរនេះ នឹងជះឥទ្ធិពលអវិជ្ជមានចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាលើការកាពារប្រភេទសត្វព្រៃកំពុងរងគ្រោះថ្នាក់ ក៏ដូចជាធ្វើឲ្យខូចកិត្តិស័ព្ទរបស់កម្ពុជាលើឆាកអន្តរជាតិ។ ការធ្វើពាណិជ្ជកម្ម លក់ នាំចូល និងនាំចេញ នូវទំនិញភ្លុកដំរីនិងកុយរមាសគឺជាបទល្មើសព្រហ្មទណ្ឌ។ នេះជាការលើកឡើងបន្ថែមរបស់លោក នេត្រ ភក្ត្រា ដោយអះអាងដូច្នេះទៀតថា៖«ប្រសិនបើម្ចាស់អាជីវកម្មមានលាក់ទុកឬលក់វត្ថុអនុស្សាវរីយ៍ធ្វើពីភ្លុកដំរីនិងកុយរមាសត្រូវប្រគល់ទៅសមត្ថកិច្ច ប្រសិនបើសមត្ថកិច្ចរកឃើញនិងចាប់បាននឹងចាត់វិធានការចំពោះជនល្មើសតាមច្បាប់ជាចាំបាច់»។
កន្លងមក អាជ្ញាធរមានសមត្ថកិច្ចកម្ពុជាបានចាប់ឃាត់ភ្លុកដំរី កុយរមាស និងគ្រឿងចម្លាក់ពីភ្លុកដំរី កុយរមាសដែលលួចនាំចូលក្នុងប្រទេសកម្ពុជា និងលួចនាំចេញទៅក្រៅប្រទេសជាច្រើនករណី។
ពីឆ្នាំ២០១៦ រហូតមកទល់នឹងចុងឆ្នាំ ២០១៨ ភ្លុកដំរី និងកុយរមាសជាច្រើនពាន់ដុំមានទម្ងន់សរុបប្រមាណជាង ៥តោនត្រូវបានអាជ្ញាធរកម្ពុជាបង្ក្រាប។ ក្រៅពីនោះក៏មានស្រកាពង្រូល និងឆ្អឹងសត្វព្រៃផ្សេងទៀតដែលត្រូវបានអាជ្ញាធរបង្ក្រាបបានផងដែរ។ បរទេស មួយចំនួនបានស្នើសុំឱ្យមានការដុតបំផ្លាញចោលនូវវត្ថុដ៏មានតម្លៃទាំងនេះ។ គួរបញ្ជាក់ផងដែរថា កាលពីខែ កុម្ភៈ ឆ្នាំ ២០១៧ សម្តេច ហ៊ុន សែន បានណែនាំឱ្យសមត្ថកិច្ចត្រូវរក្សាទុកនូវភ្លុកដំរី កុយរមាស និងសំណាកសត្វកម្រដទៃទៀតដែលកម្លាំងសមត្ថកិច្ចបង្ក្រាបបាន ដើម្បីដាក់តាំងពិព័រណ៌សម្រាប់សាធារណជនទស្សនានិងសម្រាប់បម្រើឱ្យការសិក្សាស្រាវជ្រាវ៕
Tag:
ភ្លុកដំរី
កុយរមាស
© រក្សាសិទ្ធិដោយ thmeythmey.com
