ជាតិ
បទយកការណ៍ / បទសម្ភាសន៍
×![]()
ដោយ៖ សុវណ្ណ ស្រីពេជ្រ
ភ្នំពេញ៖ ការជ្រើសរើសជំនាញសិក្សានៅសាកលវិទ្យាល័យ គឺជារឿងដ៏លំបាកមួយសម្រាប់សិស្សានុសិស្ស ដែលទើបប្រឡងជាប់បាក់ឌុប។ បញ្ហានៅត្រង់ថា តើពួកគេគួររៀនជំនាញដែលខ្លួនស្រឡាញ់ពេញចិត្ត ឬរៀនជំនាញដែលមានគេរៀនច្រើនហើយស្របនឹងតម្រូវការទីផ្សារ ឬរៀនជំនាញដែលឪពុកម្តាយជ្រើសរើសឲ្យ? ខាងក្រោមនេះ គឺជាចែករំលែកបទពិសោធន៍របស់កញ្ញា រស់ ចាន់ត្រា សិស្សនិទ្ទេស A កាលពីឆ្នាំ២០១៦ ជុំវិញការជ្រើសរើសជំនាញសិក្សា និង ការត្រៀមខ្លួនចូលរៀនសាកលវិទ្យាល័យ។
កញ្ញា រស់ ចាន់ត្រា គឺជាសិស្សនិទ្ទេស A នៅក្នុងសម័យប្រឡងឆ្នាំ២០១៦។ បច្ចុប្បន្ននាងកំពុងសិក្សាជំនាញពីរដោយឡែកពីគ្នា គឺជំនាញអក្សរសាស្ត្រខ្មែរ នៅសាកលវិទ្យាល័យភូមិន្ទភ្នំ ពេញ និងជំនាញច្បាប់ នៅសកលវិទ្យាល័យកម្ពុជា។ កញ្ញា រស់ ចាន់ត្រា ទទួលស្គាល់ថា ការសម្រេចចិត្តជ្រើសរើសជំនាញសិក្សា រួមទាំងគ្រឹះស្ថានសិក្សាផង គឺជារឿងមួយដែលសិស្សានុសិស្ស បានខ្វល់ខ្វាយ តាំងតែពីមិនទាន់បានដឹងលទ្ធផលប្រឡងបាក់ឌុបម្ល៉េះ។
សិស្សនិទ្ទេស A រូបនេះ បានចែករំលែកបទពិសោធន៍ផ្ទាល់ខ្លួនប្រាប់សារព័ត៌មានថ្មីៗថា៖«កាលខ្ញុំនៅរៀនគឺដូចតែគ្នាទេ ខ្ញុំមិនសូវដឹងព័ត៌មានថានៅសាកលគេរៀនមុខវិជ្ជាអ្វីខ្លះ គេរៀនពីអីៗទេ ទាល់តែខ្ញុំសាកសួរសិស្សច្បង។ អ៊ីចឹងពេលនោះ ខ្ញុំស្រលាញ់មុខវិជ្ជាពីរ គឺខ្មែរ និងច្បាប់។ ខ្ញុំចង់រៀនទាំងពីរ។ ដោយសាតែកាលនៅវិទ្យាល័យ គេឲ្យដាក់អាហារូបរណ៍តែមួយទេ អ៊ីចឹងខ្ញុំដាក់ច្បាប់ ដល់តែពេលបានពិភាក្សាជាមួយម៉ាក់ គាត់ថាចង់ឲ្យរៀនអក្សរសាស្ត្រខ្មែរ អ៊ីចឹងខ្ញុំក៏ដាក់តាមម៉ាក់ទៅ។ តែដាក់តាមហ្នឹង ខ្ញុំក៏ស្រលាញ់អក្សរសាស្ត្រខ្មែរដែរ ហើយគិតថា បន្ទាប់ពីរៀនចប់ទៅ ក៏អាចធ្វើការទាក់ទងនឹងជំនាញ់ច្បាប់ខ្លះៗដែរ ព្រោះខ្ញុំស្រលាញ់ផ្នែកសង្គម»។
បន្ទាប់មកពីប្រឡងបាក់ឌុបហើយ គឺម្នាក់ៗរង់ចាំលទ្ធផល។ អ៊ីចឹងពេលដឹងលទ្ធផលថាជាប់ហើយ គឺនៅចាំថាជាប់អាហារូបករណ៍តាមសាលា ដែលយើងបានដាក់កាលនៅវិទ្យាល័យសិន ហើយត្រូវដើររកសាលាផ្សេងទៀត ដែលគេផ្ដល់អារូបករណ៍តាមរយៈនិទ្ទេស ឬក៏តាមរយៈការប្រឡងចូលជាដើម»។
បន្ទាប់ពីសម្រេចចិត្តរៀនអក្សរសាស្ត្រខ្មែរហើយ កញ្ញា រស់ ចាន់ត្រា ក៏បានដាក់ពាក្យប្រឡើងយកអាហារូបករណ៍ផ្នែកច្បាប់ នៅសាកលវិទ្យាល័យឯកជនមួយទៀតដែរ ក៏ព្រោះជំនាញច្បាប់នេះ នាងក៏ស្រឡាញ់ និងចង់រៀនខ្លាំងដែរ។
អាចនិយាយថា កញ្ញា រស់ ចាន់ត្រា មានសំណាងដែរ ព្រោះជំនាញដែលនាងជ្រើសរើសសិក្សា នាងខ្លួនឯងក៏ស្រឡាញ់ ឯក្រុមគ្រួសារក៏គាំទ្រ។ ទោះជាយ៉ាងនេះក្តី កញ្ញា រស់ ចាន់ត្រា លើកទឹកចិត្តឲ្យសិស្សានុសិស្ស ជ្រើសរើសជំនាញសិក្សាដែលខ្លួនស្រឡាញ់ ដែលវាល្អប្រសើរជាងរៀនជំនាញតាមគ្នា ឬតាមការបង្គាប់ពីឪពុកម្តាយ។ កញ្ញា រស់ ចាន់ត្រា ពន្យល់ដូច្នេះ៖«បើស្រលាញ់មុខវិជ្ជាអីរៀននឹងទៅ កុំរៀនតាមគ្នា ឬរៀនដើម្បីផ្គាប់ចិត្តគ្រួសារ ព្រោះកាលណាបើយើងសម្រេចចិត្តខុស គឺយើងខ្លួនឯងអ្នកខាតពេលវេលា ជួនកាលរៀនមិនពូកែ ដោយសារតែបង្ខំចិត្តរៀន ទាំងមិនចង់ជាដើម។ អ្នកណាក៏ចង់រៀនសាលាល្បីសាលាល្អដែរ ប៉ុន្តែមិសំខាន់ត្រង់ថារៀនសាលាថ្លៃគឺចេះទេ បើយើងមិនខំរៀនផងនោះ ចឹងត្រូវគិតលើជំនាញដែលខ្លួនស្រលាញ់ ហើយសាលាណាដែលសាកសមនឹងជំនាញហ្នឹង»។
ទាក់ទងនឹងការសិក្សានៅសាកលវិទ្យាល័យវិញ កញ្ញា រស់ ចាន់ត្រា ក៏ណែនាំឲ្យសិស្សានុសិស្សដែលទើបជាប់បាក់ឌុប សាកសួររបៀបរៀនពីរៀមច្បងផងដែរ ដើម្បីមានលទ្ធភាពទទួលបានអាហារូបករណ៍ទៅក្រៅប្រទេស ឬឱកាសហាត់ការក្នុងអំឡុងពេលជាដើម ដែលវាជាទុនដ៏សំខាន់សម្រាប់អនាគត។ កញ្ញា រស់ ចាន់ត្រា បញ្ជាក់ដូច្នេះ៖«សម្រាប់ខ្ញុំ កាលនៅឆ្នាំទី១ ខ្ញុំខំរៀនខ្លាំងមែនទែន។ ខ្ញុំមានគ្រឹះពីទី១២ស្រាប់ ហើយពេលចូលរៀនសាកលវាថ្មី វាប្លែកពីវិទ្យាល័យ អ៊ីចឹងត្រូវព្យាយាមចុះសម្រុងនឹងបរិបទនៅសាកល ត្រូវធ្វើតាមអ្វីដែលគ្រូប្រាប់ យូរៗទៅ ខ្ញុំក៏ទម្លាប់នឹងបរិយាកាសនៅសាកលវិទ្យាល័យ ព្រោះខ្ញុំដឹងពីរបៀបរៀន។ នៅសាកលវាក៏មិនសូវខុសគ្នា ពីវិទ្យាល័យប៉ុន្មានដែរ គឺយើងត្រូវមានកាលវិភាគសិក្សាប្រចាំថ្ងៃច្បាស់លាស់ ត្រូវរៀនស្រាវជ្រាវបន្ថែម រៀនឆ្ងល់ ហ៊ានសួរគ្រូជាដើម។ អ្វីដែលពិសេសគឺការស្រាវជ្រាវ និងអនុវត្តផ្ទាល់ដោយខ្លួនឯងឱ្យបានច្រើន»។
និស្សិតឆ្នាំទី២ កញ្ញា ចាន់ត្រា បានផ្តល់យោបល់ចុងក្រោយរបស់ខ្លួន ទៅកាន់សិស្សដែលទើបជាប់បាក់ឌុប ថាបើចង់ជោគជ័យ នៅសាកលវិទ្យាល័យគឺត្រូវដាក់ចិត្តដាក់កាយខិតខំរៀនឲ្យអស់ពីកម្លាំងកាយចិត្ត និងត្រូវរៀនស្រាវជ្រាវអ្វីថ្មីៗ។ ទន្ទឹមនឹងនោះ និស្សិតក៏ត្រូវមានវិន័យ នឹងត្រូវទៅរៀនឲ្យទៀងទាត់ផងដែរ ព្រោះអាចទទួលបានការពន្យល់មេរៀនពីគ្រូដោយផ្ទាល់ ហើយក៏ទទួលបានពិន្ទុវត្តមានបានពេញផងដែរ។
គួរបញ្ជាក់ថា ក្រៅតែពីកំពុងសិក្សាអាហារូបករណ៍នៅពីរសាកលវិទ្យាល័យផ្សេងគ្នា កញ្ញា រស់ ចាន់ត្រា ដែលជាសិស្សនិទ្ទេស A សម័យប្រឡង២០១៦ ក៏ទើបតែត្រលប់មកពីប្រទេសជប៉ុន ក្រោមកម្មវិធីផ្លាស់ប្ដូរការសិក្សារយៈពេល១០ខែ ឬមួយឆ្នាំសិក្សា នៅសាលា Tokyo University Foreign of Language ផងដែរ៕
ភ្នំពេញ៖ ការជ្រើសរើសជំនាញសិក្សានៅសាកលវិទ្យាល័យ គឺជារឿងដ៏លំបាកមួយសម្រាប់សិស្សានុសិស្ស ដែលទើបប្រឡងជាប់បាក់ឌុប។ បញ្ហានៅត្រង់ថា តើពួកគេគួររៀនជំនាញដែលខ្លួនស្រឡាញ់ពេញចិត្ត ឬរៀនជំនាញដែលមានគេរៀនច្រើនហើយស្របនឹងតម្រូវការទីផ្សារ ឬរៀនជំនាញដែលឪពុកម្តាយជ្រើសរើសឲ្យ? ខាងក្រោមនេះ គឺជាចែករំលែកបទពិសោធន៍របស់កញ្ញា រស់ ចាន់ត្រា សិស្សនិទ្ទេស A កាលពីឆ្នាំ២០១៦ ជុំវិញការជ្រើសរើសជំនាញសិក្សា និង ការត្រៀមខ្លួនចូលរៀនសាកលវិទ្យាល័យ។
កញ្ញា រស់ ចាន់ត្រា គឺជាសិស្សនិទ្ទេស A នៅក្នុងសម័យប្រឡងឆ្នាំ២០១៦។ បច្ចុប្បន្ននាងកំពុងសិក្សាជំនាញពីរដោយឡែកពីគ្នា គឺជំនាញអក្សរសាស្ត្រខ្មែរ នៅសាកលវិទ្យាល័យភូមិន្ទភ្នំ ពេញ និងជំនាញច្បាប់ នៅសកលវិទ្យាល័យកម្ពុជា។ កញ្ញា រស់ ចាន់ត្រា ទទួលស្គាល់ថា ការសម្រេចចិត្តជ្រើសរើសជំនាញសិក្សា រួមទាំងគ្រឹះស្ថានសិក្សាផង គឺជារឿងមួយដែលសិស្សានុសិស្ស បានខ្វល់ខ្វាយ តាំងតែពីមិនទាន់បានដឹងលទ្ធផលប្រឡងបាក់ឌុបម្ល៉េះ។
សិស្សនិទ្ទេស A រូបនេះ បានចែករំលែកបទពិសោធន៍ផ្ទាល់ខ្លួនប្រាប់សារព័ត៌មានថ្មីៗថា៖«កាលខ្ញុំនៅរៀនគឺដូចតែគ្នាទេ ខ្ញុំមិនសូវដឹងព័ត៌មានថានៅសាកលគេរៀនមុខវិជ្ជាអ្វីខ្លះ គេរៀនពីអីៗទេ ទាល់តែខ្ញុំសាកសួរសិស្សច្បង។ អ៊ីចឹងពេលនោះ ខ្ញុំស្រលាញ់មុខវិជ្ជាពីរ គឺខ្មែរ និងច្បាប់។ ខ្ញុំចង់រៀនទាំងពីរ។ ដោយសាតែកាលនៅវិទ្យាល័យ គេឲ្យដាក់អាហារូបរណ៍តែមួយទេ អ៊ីចឹងខ្ញុំដាក់ច្បាប់ ដល់តែពេលបានពិភាក្សាជាមួយម៉ាក់ គាត់ថាចង់ឲ្យរៀនអក្សរសាស្ត្រខ្មែរ អ៊ីចឹងខ្ញុំក៏ដាក់តាមម៉ាក់ទៅ។ តែដាក់តាមហ្នឹង ខ្ញុំក៏ស្រលាញ់អក្សរសាស្ត្រខ្មែរដែរ ហើយគិតថា បន្ទាប់ពីរៀនចប់ទៅ ក៏អាចធ្វើការទាក់ទងនឹងជំនាញ់ច្បាប់ខ្លះៗដែរ ព្រោះខ្ញុំស្រលាញ់ផ្នែកសង្គម»។
បន្ទាប់មកពីប្រឡងបាក់ឌុបហើយ គឺម្នាក់ៗរង់ចាំលទ្ធផល។ អ៊ីចឹងពេលដឹងលទ្ធផលថាជាប់ហើយ គឺនៅចាំថាជាប់អាហារូបករណ៍តាមសាលា ដែលយើងបានដាក់កាលនៅវិទ្យាល័យសិន ហើយត្រូវដើររកសាលាផ្សេងទៀត ដែលគេផ្ដល់អារូបករណ៍តាមរយៈនិទ្ទេស ឬក៏តាមរយៈការប្រឡងចូលជាដើម»។
បន្ទាប់ពីសម្រេចចិត្តរៀនអក្សរសាស្ត្រខ្មែរហើយ កញ្ញា រស់ ចាន់ត្រា ក៏បានដាក់ពាក្យប្រឡើងយកអាហារូបករណ៍ផ្នែកច្បាប់ នៅសាកលវិទ្យាល័យឯកជនមួយទៀតដែរ ក៏ព្រោះជំនាញច្បាប់នេះ នាងក៏ស្រឡាញ់ និងចង់រៀនខ្លាំងដែរ។
អាចនិយាយថា កញ្ញា រស់ ចាន់ត្រា មានសំណាងដែរ ព្រោះជំនាញដែលនាងជ្រើសរើសសិក្សា នាងខ្លួនឯងក៏ស្រឡាញ់ ឯក្រុមគ្រួសារក៏គាំទ្រ។ ទោះជាយ៉ាងនេះក្តី កញ្ញា រស់ ចាន់ត្រា លើកទឹកចិត្តឲ្យសិស្សានុសិស្ស ជ្រើសរើសជំនាញសិក្សាដែលខ្លួនស្រឡាញ់ ដែលវាល្អប្រសើរជាងរៀនជំនាញតាមគ្នា ឬតាមការបង្គាប់ពីឪពុកម្តាយ។ កញ្ញា រស់ ចាន់ត្រា ពន្យល់ដូច្នេះ៖«បើស្រលាញ់មុខវិជ្ជាអីរៀននឹងទៅ កុំរៀនតាមគ្នា ឬរៀនដើម្បីផ្គាប់ចិត្តគ្រួសារ ព្រោះកាលណាបើយើងសម្រេចចិត្តខុស គឺយើងខ្លួនឯងអ្នកខាតពេលវេលា ជួនកាលរៀនមិនពូកែ ដោយសារតែបង្ខំចិត្តរៀន ទាំងមិនចង់ជាដើម។ អ្នកណាក៏ចង់រៀនសាលាល្បីសាលាល្អដែរ ប៉ុន្តែមិសំខាន់ត្រង់ថារៀនសាលាថ្លៃគឺចេះទេ បើយើងមិនខំរៀនផងនោះ ចឹងត្រូវគិតលើជំនាញដែលខ្លួនស្រលាញ់ ហើយសាលាណាដែលសាកសមនឹងជំនាញហ្នឹង»។
ទាក់ទងនឹងការសិក្សានៅសាកលវិទ្យាល័យវិញ កញ្ញា រស់ ចាន់ត្រា ក៏ណែនាំឲ្យសិស្សានុសិស្សដែលទើបជាប់បាក់ឌុប សាកសួររបៀបរៀនពីរៀមច្បងផងដែរ ដើម្បីមានលទ្ធភាពទទួលបានអាហារូបករណ៍ទៅក្រៅប្រទេស ឬឱកាសហាត់ការក្នុងអំឡុងពេលជាដើម ដែលវាជាទុនដ៏សំខាន់សម្រាប់អនាគត។ កញ្ញា រស់ ចាន់ត្រា បញ្ជាក់ដូច្នេះ៖«សម្រាប់ខ្ញុំ កាលនៅឆ្នាំទី១ ខ្ញុំខំរៀនខ្លាំងមែនទែន។ ខ្ញុំមានគ្រឹះពីទី១២ស្រាប់ ហើយពេលចូលរៀនសាកលវាថ្មី វាប្លែកពីវិទ្យាល័យ អ៊ីចឹងត្រូវព្យាយាមចុះសម្រុងនឹងបរិបទនៅសាកល ត្រូវធ្វើតាមអ្វីដែលគ្រូប្រាប់ យូរៗទៅ ខ្ញុំក៏ទម្លាប់នឹងបរិយាកាសនៅសាកលវិទ្យាល័យ ព្រោះខ្ញុំដឹងពីរបៀបរៀន។ នៅសាកលវាក៏មិនសូវខុសគ្នា ពីវិទ្យាល័យប៉ុន្មានដែរ គឺយើងត្រូវមានកាលវិភាគសិក្សាប្រចាំថ្ងៃច្បាស់លាស់ ត្រូវរៀនស្រាវជ្រាវបន្ថែម រៀនឆ្ងល់ ហ៊ានសួរគ្រូជាដើម។ អ្វីដែលពិសេសគឺការស្រាវជ្រាវ និងអនុវត្តផ្ទាល់ដោយខ្លួនឯងឱ្យបានច្រើន»។
និស្សិតឆ្នាំទី២ កញ្ញា ចាន់ត្រា បានផ្តល់យោបល់ចុងក្រោយរបស់ខ្លួន ទៅកាន់សិស្សដែលទើបជាប់បាក់ឌុប ថាបើចង់ជោគជ័យ នៅសាកលវិទ្យាល័យគឺត្រូវដាក់ចិត្តដាក់កាយខិតខំរៀនឲ្យអស់ពីកម្លាំងកាយចិត្ត និងត្រូវរៀនស្រាវជ្រាវអ្វីថ្មីៗ។ ទន្ទឹមនឹងនោះ និស្សិតក៏ត្រូវមានវិន័យ នឹងត្រូវទៅរៀនឲ្យទៀងទាត់ផងដែរ ព្រោះអាចទទួលបានការពន្យល់មេរៀនពីគ្រូដោយផ្ទាល់ ហើយក៏ទទួលបានពិន្ទុវត្តមានបានពេញផងដែរ។
គួរបញ្ជាក់ថា ក្រៅតែពីកំពុងសិក្សាអាហារូបករណ៍នៅពីរសាកលវិទ្យាល័យផ្សេងគ្នា កញ្ញា រស់ ចាន់ត្រា ដែលជាសិស្សនិទ្ទេស A សម័យប្រឡង២០១៦ ក៏ទើបតែត្រលប់មកពីប្រទេសជប៉ុន ក្រោមកម្មវិធីផ្លាស់ប្ដូរការសិក្សារយៈពេល១០ខែ ឬមួយឆ្នាំសិក្សា នៅសាលា Tokyo University Foreign of Language ផងដែរ៕
© រក្សាសិទ្ធិដោយ thmeythmey.com
