អន្តរជាតិ
ចិន បន្តតាមចែចូវ ហៃទី ដែលជាសម្ព័ន្ធចុងក្រោយរបស់តៃវ៉ាន់នៅការ៉ាអ៊ីប
ហៃទីជាប្រទេសក្រីក្របំផុតមួយរបស់ពិភពលោក។ រូបភាព AFP
×![]()
រដ្ឋាភិបាលក្រុងប៉េកាំង តាមរយៈបេសកជនជាន់ខ្ពស់របស់ខ្លួន កំពុងតែបន្តសកម្មភាពក្នុងការបង្កើនសម្ព័ន្ធមិត្តជាមួយនឹងបណ្តាប្រទេសមួយចំនួន ដែលជាសម្ព័ន្ធមិត្ត និងដៃគូការទូតរបស់តៃវ៉ាន់។ ប៉េកាំង បានពន្យល់ប្រទេសពាក់ព័ន្ធទាំងនោះឲ្យស្គាល់ពីសក្តានុពលរបស់ខ្លួនក្នុងឆាកអន្តរជាតិ ក៏ដូចជាផលប្រយោជន៍ រួមទាំងកម្ចីអភិវឌ្ឍន៍ ដែលប្រទេសទាំងនោះ ទទួលបាន ពេលព្រមផ្សារភ្ជាប់ចំណងការទូតជាមួយខ្លួន។
តាមការចុះផ្សាយរបស់សារព័ត៌មានចិន South China Morning Post នៅថ្ងៃទី១៤ ខែកញ្ញា លោក Wang Xiangyang ប្រធានការិយាល័យទទួលបន្ទុកកិច្ចការអភិវឌ្ឍពាណិជ្ជកម្មប្រចាំហៃទី បានលើកឡើងដោយមិនលាក់លៀមឡើយថា ចិន កំពុងតែបើកចំហរសម្រាប់ការផ្សារភ្ជាប់ចំណងការទូតជាមួយនឹង ហៃទី ខណៈហៃទី កំពុងតែត្រូវការជំនួយសម្រាប់ការអភិវឌ្ឍប្រទេស។
តាមប្រភពព័ត៌មានដដែលនោះ លោក Wang បាននាំពាក្យរបស់រដ្ឋាភិបាលចិនយ៉ាងដូច្នេះថា៖ ប្រសិនបើ រដ្ឋាភិបាលហៃទី អាចប្រកាន់យកគោលនយោបាយចិនតែមួយ រដ្ឋាភិបាលចិន មានឆន្ទៈក្នុងការបង្កើតចំណងផ្លូវការរវាងប្រទេសនិងប្រទេសជាមួយនឹងហៃទី ហើយនឹងពង្រីកកិច្ចសហប្រតិបត្តិការទាំងក្នុងនយោបាយ សេដ្ឋកិច្ច ពាណិជ្ជកម្ម និងអប់រំជាដើម។
មន្ត្រីជាន់ខ្ពស់របស់ក្រុងប៉េកាំងដដែលនេះ បានគូសបញ្ជាក់ថា ចិន គឺជាប្រទេសសេដ្ឋកិច្ចធំបំផុតលំដាប់ទីពីររបស់ពិភពលោក។ ក្នុងនាមជាសមាជិកអចិន្ត្រៃយ៍របស់អង្គការសហប្រជាជាតិ ចិន កំពុងតែដើរតួយ៉ាងសកម្ម និងសំខាន់ ក្នុងកិច្ចការអន្តរជាតិទៀតផង។ លោក ក៏បានលើកឡើងពីផលប្រយោជន៍ដែលប្រទេសពាក់ព័ន្ធទទួលបានពេលមានចំណងការទូតជាមួយនឹងចិន រួមមានជំនួយឥតសំណង, កម្ចីគ្មានការប្រាក់ និងកម្ចីសម្បទានសម្រាប់អភិវឌ្ឍប្រទេសទៀតផង។
សូមជម្រាបផងដែរថា ហៃទី គឺរដ្ឋមួយក្នុងចំណោមរដ្ឋទាំង១៧របស់ពិភពលោក ដែលនៅទទួលស្គាល់ និងមានសម្ព័ន្ធភាពការទូតជាមួយនឹងតៃវ៉ាន់។ កន្លងមក ដើម្បីធានាពីកិច្ចសហប្រតិបត្តិការជាមួយនឹងហៃទី តៃវ៉ាន់ បានផ្តល់ជំនួយជាច្រើនលានដុល្លារ ដើម្បីស្រោចស្រង់សេដ្ឋកិច្ចហៃទី ក៏ដូចជាស្តា និងអភិវឌ្ឍរដ្ឋក្រីក្រមួយនេះឡើងវិញ ក្រោយរងការបំផ្លិតបំផ្លាញពីគ្រោះមន្តរាយម្តងហើយម្តងទៀត។
គ្រាន់តែឆ្នាំ២០១៨ តៃវ៉ាន់ បានផ្តល់ជំនួយហៃទីប្រមាណ ១៥០ លានដុល្លារ សម្រាប់ការអភិវឌ្ឍ។ ក៏ប៉ុន្តែជំនួយនេះ ទំនងជាមិនអាចទប់ទល់ជាមួយនឹង ការទាក់ទាញរបស់ចិនបានឡើយ។ នោះ ក៏ព្រោះតែរដ្ឋជុំវិញរបស់ហៃទី បានងាកទៅរកចិនអស់រួចទៅហើយ ខណៈចិន ក៏បានបន្តចែចូវហៃទី ជាមួយនឹងការសន្យាជ្រោមជ្រែងហៃទីជាច្រើនទៀតផងនោះ៕
តាមការចុះផ្សាយរបស់សារព័ត៌មានចិន South China Morning Post នៅថ្ងៃទី១៤ ខែកញ្ញា លោក Wang Xiangyang ប្រធានការិយាល័យទទួលបន្ទុកកិច្ចការអភិវឌ្ឍពាណិជ្ជកម្មប្រចាំហៃទី បានលើកឡើងដោយមិនលាក់លៀមឡើយថា ចិន កំពុងតែបើកចំហរសម្រាប់ការផ្សារភ្ជាប់ចំណងការទូតជាមួយនឹង ហៃទី ខណៈហៃទី កំពុងតែត្រូវការជំនួយសម្រាប់ការអភិវឌ្ឍប្រទេស។
តាមប្រភពព័ត៌មានដដែលនោះ លោក Wang បាននាំពាក្យរបស់រដ្ឋាភិបាលចិនយ៉ាងដូច្នេះថា៖ ប្រសិនបើ រដ្ឋាភិបាលហៃទី អាចប្រកាន់យកគោលនយោបាយចិនតែមួយ រដ្ឋាភិបាលចិន មានឆន្ទៈក្នុងការបង្កើតចំណងផ្លូវការរវាងប្រទេសនិងប្រទេសជាមួយនឹងហៃទី ហើយនឹងពង្រីកកិច្ចសហប្រតិបត្តិការទាំងក្នុងនយោបាយ សេដ្ឋកិច្ច ពាណិជ្ជកម្ម និងអប់រំជាដើម។
មន្ត្រីជាន់ខ្ពស់របស់ក្រុងប៉េកាំងដដែលនេះ បានគូសបញ្ជាក់ថា ចិន គឺជាប្រទេសសេដ្ឋកិច្ចធំបំផុតលំដាប់ទីពីររបស់ពិភពលោក។ ក្នុងនាមជាសមាជិកអចិន្ត្រៃយ៍របស់អង្គការសហប្រជាជាតិ ចិន កំពុងតែដើរតួយ៉ាងសកម្ម និងសំខាន់ ក្នុងកិច្ចការអន្តរជាតិទៀតផង។ លោក ក៏បានលើកឡើងពីផលប្រយោជន៍ដែលប្រទេសពាក់ព័ន្ធទទួលបានពេលមានចំណងការទូតជាមួយនឹងចិន រួមមានជំនួយឥតសំណង, កម្ចីគ្មានការប្រាក់ និងកម្ចីសម្បទានសម្រាប់អភិវឌ្ឍប្រទេសទៀតផង។
សូមជម្រាបផងដែរថា ហៃទី គឺរដ្ឋមួយក្នុងចំណោមរដ្ឋទាំង១៧របស់ពិភពលោក ដែលនៅទទួលស្គាល់ និងមានសម្ព័ន្ធភាពការទូតជាមួយនឹងតៃវ៉ាន់។ កន្លងមក ដើម្បីធានាពីកិច្ចសហប្រតិបត្តិការជាមួយនឹងហៃទី តៃវ៉ាន់ បានផ្តល់ជំនួយជាច្រើនលានដុល្លារ ដើម្បីស្រោចស្រង់សេដ្ឋកិច្ចហៃទី ក៏ដូចជាស្តា និងអភិវឌ្ឍរដ្ឋក្រីក្រមួយនេះឡើងវិញ ក្រោយរងការបំផ្លិតបំផ្លាញពីគ្រោះមន្តរាយម្តងហើយម្តងទៀត។
គ្រាន់តែឆ្នាំ២០១៨ តៃវ៉ាន់ បានផ្តល់ជំនួយហៃទីប្រមាណ ១៥០ លានដុល្លារ សម្រាប់ការអភិវឌ្ឍ។ ក៏ប៉ុន្តែជំនួយនេះ ទំនងជាមិនអាចទប់ទល់ជាមួយនឹង ការទាក់ទាញរបស់ចិនបានឡើយ។ នោះ ក៏ព្រោះតែរដ្ឋជុំវិញរបស់ហៃទី បានងាកទៅរកចិនអស់រួចទៅហើយ ខណៈចិន ក៏បានបន្តចែចូវហៃទី ជាមួយនឹងការសន្យាជ្រោមជ្រែងហៃទីជាច្រើនទៀតផងនោះ៕
Tag:
តៃវ៉ាន់
ចិន
ហៃទី
© រក្សាសិទ្ធិដោយ thmeythmey.com
