រថយន្ត
អន្តរជាតិ
បួរគីណាហ្វាសូ រឹតបន្តឹងការនាំចូលរថយន្តមួយទឹកដែលមានកំណើនជិត៦០ភាគរយ
×![]()
ដោយ: ធីតា
ស្ថាប័នជំនាញនានានៅប្រទេសបួរគីណាហ្វាសូ រួមគ្នារឹតបន្តឹងការនាំចូលយានយន្តគ្រប់ប្រភេទទៅកាន់ក្រុង Ouagadougou និងតំបន់ផ្សេងទៀត។ ការនាំចូលរថយន្តមួយទឹក ឬជជុះ នៅក្នុងរដ្ឋអាហ្វ្រិកមួយនេះ កើនឡើងដល់៥៧ភាគរយ នាអំឡុង៤ឆ្នាំចុងក្រោយ។ នេះបើយោងតាមការផ្សាយរបស់សារព័ត៌មាន Le Faso.net។
មន្ត្រីជំនាញបួរគីណាហ្វាសូ បានគូសបញ្ជាក់ថា៖ «ពីឆ្នាំ២០១៤ ដល់ឆ្នាំ២០១៨ រថយន្តមួយទឹកដែលនាំចូលពីមកកាន់ទីផ្សារបួរគីណាហ្វាសូ កើនឡើងពី១៦ ២១០ ទៅ ២៥ ៤៥៤គ្រឿង ពោលគឺកើនក្នុងរង្វង់៥៧ភាគរយ»។
បើទោះបីជាលក្ខខណ្ឌភូមិសាស្ត្រនយោបាយមិនសូវអំណោយផល ប៉ុន្តែសេដ្ឋកិច្ចបួរគីណាហ្វាសូ មិនមានការរាំងស្ទះនោះឡើយ ជាពិសេសទីផ្សាររថយន្តមួយទឹក។ ទោះបីជាយ៉ាងណាក៏ដោយ កត្តាទាំងនេះ បង្កឲ្យមានក្តីបារម្ភចំពោះសុវត្ថិភាពចរាចរណ៍ផ្លូវគោកក្នុងប្រទេសទាំងមូល ដោយសារកំណើននៃការលក់កាន់តែច្រើន ហើយអ្នកលក់មួយចំនួនធំ មិនមែនជាអ្នកជំនាញផ្នែកយានយន្ត។
កាលពីឆ្នាំ២០១៨ ក្រុមអ្នកលក់រថយន្តនៅបួរគីណាហ្វាសូ បានរួមគ្នាបង្កើតសហព័ន្ធថា្នក់ជាតិដែលគ្រប់គ្រងផ្នែកអ្នកលក់យានយន្តមួយទឹក (FNAVVOB)។ សហព័ន្ធនេះ ដើរតួនាទីក្នុងការសម្របសម្រួលផ្លូវច្បាប់ផ្សេងៗជាមួយអាជ្ញាធរ។
រដ្ឋាភិបាលបួរគីណាហ្វាសូ ចង់រឹងបន្តឹងការនាំចូល ដើម្បីពង្រឹងវិធានការច្បាប់ ជាពិសេសពន្ធ និងធានាគុណភាពនៃយានយន្តដែលត្រូវបានលក់ចេញ។ ចាប់ពីឆ្នាំ២០១៩ នេះ ពន្ធនៃការចូលនឹងបន្តកើនឡើងខ្ពស់បន្ថែមទៀត។
ការដំឡើងពន្ធគឺជារឿងអាទិភាព ប៉ុន្តែរដ្ឋាភិបាលបួរគីណាហ្វាសូ ក៏បង្កើនការត្រួតពិនិត្យយ៉ាងម៉ត់ហ្មត់ផងដែរចំពោះអ្នកទិញ និងអ្នកបើកបរ ជាពិសេសបណ្ណបើកបរ និងឯកសារផ្លូវច្បាប់ផ្សេងៗ មុនអនុញ្ញាតឲ្យពួកគេបញ្ជាយានយន្តនៅផ្លូវ៕
មន្ត្រីជំនាញបួរគីណាហ្វាសូ បានគូសបញ្ជាក់ថា៖ «ពីឆ្នាំ២០១៤ ដល់ឆ្នាំ២០១៨ រថយន្តមួយទឹកដែលនាំចូលពីមកកាន់ទីផ្សារបួរគីណាហ្វាសូ កើនឡើងពី១៦ ២១០ ទៅ ២៥ ៤៥៤គ្រឿង ពោលគឺកើនក្នុងរង្វង់៥៧ភាគរយ»។
បើទោះបីជាលក្ខខណ្ឌភូមិសាស្ត្រនយោបាយមិនសូវអំណោយផល ប៉ុន្តែសេដ្ឋកិច្ចបួរគីណាហ្វាសូ មិនមានការរាំងស្ទះនោះឡើយ ជាពិសេសទីផ្សាររថយន្តមួយទឹក។ ទោះបីជាយ៉ាងណាក៏ដោយ កត្តាទាំងនេះ បង្កឲ្យមានក្តីបារម្ភចំពោះសុវត្ថិភាពចរាចរណ៍ផ្លូវគោកក្នុងប្រទេសទាំងមូល ដោយសារកំណើននៃការលក់កាន់តែច្រើន ហើយអ្នកលក់មួយចំនួនធំ មិនមែនជាអ្នកជំនាញផ្នែកយានយន្ត។
កាលពីឆ្នាំ២០១៨ ក្រុមអ្នកលក់រថយន្តនៅបួរគីណាហ្វាសូ បានរួមគ្នាបង្កើតសហព័ន្ធថា្នក់ជាតិដែលគ្រប់គ្រងផ្នែកអ្នកលក់យានយន្តមួយទឹក (FNAVVOB)។ សហព័ន្ធនេះ ដើរតួនាទីក្នុងការសម្របសម្រួលផ្លូវច្បាប់ផ្សេងៗជាមួយអាជ្ញាធរ។
រដ្ឋាភិបាលបួរគីណាហ្វាសូ ចង់រឹងបន្តឹងការនាំចូល ដើម្បីពង្រឹងវិធានការច្បាប់ ជាពិសេសពន្ធ និងធានាគុណភាពនៃយានយន្តដែលត្រូវបានលក់ចេញ។ ចាប់ពីឆ្នាំ២០១៩ នេះ ពន្ធនៃការចូលនឹងបន្តកើនឡើងខ្ពស់បន្ថែមទៀត។
ការដំឡើងពន្ធគឺជារឿងអាទិភាព ប៉ុន្តែរដ្ឋាភិបាលបួរគីណាហ្វាសូ ក៏បង្កើនការត្រួតពិនិត្យយ៉ាងម៉ត់ហ្មត់ផងដែរចំពោះអ្នកទិញ និងអ្នកបើកបរ ជាពិសេសបណ្ណបើកបរ និងឯកសារផ្លូវច្បាប់ផ្សេងៗ មុនអនុញ្ញាតឲ្យពួកគេបញ្ជាយានយន្តនៅផ្លូវ៕
© រក្សាសិទ្ធិដោយ thmeythmey.com
