អន្តរជាតិ
×![]()
ដោយ៖ ងួន សុភាវត្តី
ប្រធានាធិបតីអាមេរិក លោក ដូណាល់ ត្រាំ នៅថ្ងៃទី១៦ ខែកញ្ញា ថា បច្ចុប្បន្ននេះ ប្រហែលជាពេលដែលមិនសក្តិសមសំរាប់រូបលោកទៅទស្សនកិច្ចនៅព្យុងយ៉ាងទេ។ ប៉ុន្តែលោកនឹងអាចទៅព្យុងយ៉ាងនៅពេលខាងមុខ។
«ខ្ញុំគិតថា យើងមិនទាន់ត្រៀមខ្លួនរួចទេ»។ នេះជាសម្តីប្រធានាធិបតី ដូណាល់ ត្រាំ ប្រាប់អ្នកកាសែតនៅពេលមានសំនួរទាក់ទងនឹងកិច្ចជំនួបជាមួយលោក គីម ជុងអ៊ុន នៅព្យុងយ៉ាង។ ប្រមុខដឹកនាំកូរ៉េខាងជើង លោក គីម អញ្ជើញលោក ត្រាំ ឲ្យមកទស្សនកិច្ចនៅព្យុងយ៉ាងក្នុងសារមួយកាលពីខែសីហា។
លោក ត្រាំ បានបន្តថា ទំនាក់ទំនងអាមេរិក និងកូរ៉េខាងជើង គឺមានភាពល្អប្រសើរ ប៉ុន្តែវាមិនមែនជាពេលសាកសមសំរាប់ទៅទីនោះ។ យ៉ាងណា លោកនៅតែចង់ទៅជួបលោក គីម ដល់ផ្ទះដដែល។ ប្រធានាធិបតីអាមេរិករូបនេះបញ្ជាក់ថា៖ « ខ្ញុំនឹងទៅទីនេះនៅពេលខាងមុខ ហើយផ្អែកលើទំនាក់ទំនងយើង ខ្ញុំគិតថាលោក គីម ជុងអ៊ុនក៏ពេញចិត្តក្នុងការមកសហរដ្ឋអាមេរិកដែរ»។
កាសែត JoongAng Ilbo របស់កូរ៉េខាងត្បូង ជាអ្នកផ្សាយពីព័ត៌មានលោក គីម អញ្ជើញលោក ត្រាំ ដោយផ្អែកលើព័ត៌មានពីប្រភពរដ្ឋាភិបាល។ កន្លងទៅ លោក គីម និងលោក ត្រាំ ក៏សុទ្ធតែបានអញ្ជើញគ្នាទៅមកផងដែរ។ វានឹងក្លាយជារឿងប្រវត្តិសាស្ត្រថ្មី បើវាកើតឡើងមែននោះ។
លោក ត្រាំ និងលោក គីម បានជួបគ្នាបីដងរួចហើយ។ លើកទីមួយ នៅសិង្ហបុរីនៅខែមិថុនា ឆ្នាំ២០១៨, លើកទីពីរ នៅវៀតណាមនៅខែកុម្ភៈ ឆ្នាំ២០១៩ និងលើកទីបី នៅតំបន់គ្មានយោធាខណ្ឌចែកឧបទ្វីបកូរ៉េ នៅខែមិថុនា ឆ្នាំ២០១៩ ។
ជំនួបទាំងបីលើកនេះ មិនមានលទ្ធផលគាប់ប្រសើរឡើយ ក្រៅពីតែការបន្តឆន្ទៈចរចានោះ។ នាជំនួបចុងក្រោយ លោក ត្រាំ និងលោក គីម បានឯកភាពគ្នាចាប់ផ្ដើមការចរចាមន្ត្រីក្រុមការងារឡើងវិញ ដើម្បីបន្តការជជែកលើការរំសាយនុយក្លេអ៊ែរ ដែលព្រមព្រៀងអំឡុងជំនួបលើកទីមួយ។ ប៉ុន្តែ គេមិនមានឃើញមានការជួបគ្នាឡើយ ខណៈដែលកូរ៉េខាងជើងបែរជាបាញ់មីស៊ីលផូងផាំងទៅទៀត៕
ប្រធានាធិបតីអាមេរិក លោក ដូណាល់ ត្រាំ នៅថ្ងៃទី១៦ ខែកញ្ញា ថា បច្ចុប្បន្ននេះ ប្រហែលជាពេលដែលមិនសក្តិសមសំរាប់រូបលោកទៅទស្សនកិច្ចនៅព្យុងយ៉ាងទេ។ ប៉ុន្តែលោកនឹងអាចទៅព្យុងយ៉ាងនៅពេលខាងមុខ។
«ខ្ញុំគិតថា យើងមិនទាន់ត្រៀមខ្លួនរួចទេ»។ នេះជាសម្តីប្រធានាធិបតី ដូណាល់ ត្រាំ ប្រាប់អ្នកកាសែតនៅពេលមានសំនួរទាក់ទងនឹងកិច្ចជំនួបជាមួយលោក គីម ជុងអ៊ុន នៅព្យុងយ៉ាង។ ប្រមុខដឹកនាំកូរ៉េខាងជើង លោក គីម អញ្ជើញលោក ត្រាំ ឲ្យមកទស្សនកិច្ចនៅព្យុងយ៉ាងក្នុងសារមួយកាលពីខែសីហា។
លោក ត្រាំ បានបន្តថា ទំនាក់ទំនងអាមេរិក និងកូរ៉េខាងជើង គឺមានភាពល្អប្រសើរ ប៉ុន្តែវាមិនមែនជាពេលសាកសមសំរាប់ទៅទីនោះ។ យ៉ាងណា លោកនៅតែចង់ទៅជួបលោក គីម ដល់ផ្ទះដដែល។ ប្រធានាធិបតីអាមេរិករូបនេះបញ្ជាក់ថា៖ « ខ្ញុំនឹងទៅទីនេះនៅពេលខាងមុខ ហើយផ្អែកលើទំនាក់ទំនងយើង ខ្ញុំគិតថាលោក គីម ជុងអ៊ុនក៏ពេញចិត្តក្នុងការមកសហរដ្ឋអាមេរិកដែរ»។
កាសែត JoongAng Ilbo របស់កូរ៉េខាងត្បូង ជាអ្នកផ្សាយពីព័ត៌មានលោក គីម អញ្ជើញលោក ត្រាំ ដោយផ្អែកលើព័ត៌មានពីប្រភពរដ្ឋាភិបាល។ កន្លងទៅ លោក គីម និងលោក ត្រាំ ក៏សុទ្ធតែបានអញ្ជើញគ្នាទៅមកផងដែរ។ វានឹងក្លាយជារឿងប្រវត្តិសាស្ត្រថ្មី បើវាកើតឡើងមែននោះ។
លោក ត្រាំ និងលោក គីម បានជួបគ្នាបីដងរួចហើយ។ លើកទីមួយ នៅសិង្ហបុរីនៅខែមិថុនា ឆ្នាំ២០១៨, លើកទីពីរ នៅវៀតណាមនៅខែកុម្ភៈ ឆ្នាំ២០១៩ និងលើកទីបី នៅតំបន់គ្មានយោធាខណ្ឌចែកឧបទ្វីបកូរ៉េ នៅខែមិថុនា ឆ្នាំ២០១៩ ។
ជំនួបទាំងបីលើកនេះ មិនមានលទ្ធផលគាប់ប្រសើរឡើយ ក្រៅពីតែការបន្តឆន្ទៈចរចានោះ។ នាជំនួបចុងក្រោយ លោក ត្រាំ និងលោក គីម បានឯកភាពគ្នាចាប់ផ្ដើមការចរចាមន្ត្រីក្រុមការងារឡើងវិញ ដើម្បីបន្តការជជែកលើការរំសាយនុយក្លេអ៊ែរ ដែលព្រមព្រៀងអំឡុងជំនួបលើកទីមួយ។ ប៉ុន្តែ គេមិនមានឃើញមានការជួបគ្នាឡើយ ខណៈដែលកូរ៉េខាងជើងបែរជាបាញ់មីស៊ីលផូងផាំងទៅទៀត៕
© រក្សាសិទ្ធិដោយ thmeythmey.com
