ជាតិ
សម្ដេច ហ៊ុន សែន៖ បើថៃបណ្ដេញពលករកម្ពុជា ឡាវ មីយ៉ាន់ម៉ាចេញ នោះសេដ្ឋកិច្ចថៃនឹងធ្លាក់ចុះ
×![]()
ដោយ: ធឿន បញ្ញាឬទិ្ធ
ភ្នំពេញ៖ បើថៃបណ្ដេញពលករកម្ពុជា ឡាវ និងមីយ៉ាន់ម៉ាចេញ នោះសេដ្ឋកិច្ចថៃ នឹងធ្លាក់ចុះ ព្រោះតែខ្វះកម្លាំងពលកម្ម។ នេះជាការលើកឡើងរបស់សម្ដេចនាយករដ្ឋមន្ត្រី ក្នុងពិធីបើកកិច្ចប្រជុំថ្នាក់មន្ត្រីជាន់ខ្ពស់ ការងារលើកទី៥ ក្នុងក្របខណ្ឌក្រុមប្រទេស CLMTV ( កម្ពុជា ឡាវ មីយ៉ាន់ម៉ា ថៃ និងវៀតណាម)។
សម្ដេច ហ៊ុន សែន បាននិយាយថា ក្នុងចំណោមក្របខណ្ឌប្រទេសទាំង៥នេះ គឺមានតែប្រទេសថៃទេ ដែលត្រូវការកម្លាំងពលកម្មខ្ពស់ជាងគេ ដូច្នេះបើសិនក្នុងករណីបណ្ដេញពលករចេញ នោះសេដ្ឋកិច្ចថៃក៏មិនល្អនោះដែរ។ ដោយសារមើលឃើញពីបញ្ហានេះ ទើបប្រទេសថៃ រួមទាំងកម្ពុជា ឡាវ និងមីយ៉ាន់ម៉ា ស្វះស្វែងសម្របសម្រួលភាពស្របច្បាប់នៃពលករ ដើម្បីបញ្ចៀសការកេងប្រវ័ញ្ច និងងាយស្រួលដល់ម្ចាស់ផ្ទះ គ្រប់គ្រងលើពលករ។
ក្នុងកិច្ចប្រជុំក្រោមប្រធានបទ «ការឆ្ពោះទៅកាន់កិច្ចគាំពារពលករទេសន្តរប្រវេសន៍នៅក្នុងប្រទេស CLMTV៖ កិច្ចសហប្រតិបត្តិការវិស័យសន្តិសុខសង្គម» នៅខេត្តសៀមរាប នាព្រឹកថ្ងៃអង្គារ ទី១៧ ខែកញ្ញា ឆ្នាំ២០១៩ នេះ ប្រមុខរដ្ឋាភិបាលកម្ពុជា បាននិយាយដូច្នេះថា៖«ប្រទេសថៃគឺជាប្រទេសដែលទទួលយកពលករចេញពីកម្ពុជា ចេញមីយ៉ាន់ម៉ា និងចេញពីឡាវ ដោយសារនៅទីនោះមានការងារ។ ហើយរឿងនេះ មានចំណងទាក់ទងគ្នា សូមកុំភ្លេចថា បើសិនជាឧទាហរណ៍ថា ប្រទេសថៃបណ្ដេញនូវពលករប្រទេសទាំង៣នេះចេញ សេដ្ឋកិច្ចថៃអាចធ្លាក់ចុះតែម្ដង ដោយសារតែពុំមានកម្លាំងពលកម្មគ្រប់គ្រាន់ ។ នៅក្នុង(បញ្ហាពលករ)ហ្នឹង បានជាយើងតែងតែស្វះស្វែងរកនូវកិច្ចសហប្រតិបត្តិការរួមគ្នា មិនថាតែកម្ពុជាទេ តាមខ្ញុំដឹង ទាំងមីយ៉ាន់ម៉ា ទាំងឡាវ គឺសុទ្ធតែធ្វើកិច្ចសហប្រតិបត្តិការជាមួយថៃ ពីស្ថានភាពពលករមិនស្របច្បាប់ឱ្យទៅជាពលករស្របច្បាប់»។
កន្លងមករដ្ឋាភិបាលថៃ បានចាប់បញ្ជូនពលករចេញជាបន្តបន្ទាប់ តាមរយៈការអនុវត្តក្រឹត្យស្ដីពីច្បាប់គ្រប់គ្រងពលករបរទេស ដែលចូលជាធរមានកាលពីថ្ងៃទី២៣ មិថុនា ឆ្នាំ២០១៧ ។ ច្បាប់គ្រប់គ្រងពលករបរទេសដ៏តឹងរឹងនេះ មានគោលដៅត្រួតពិនិត្យចំនួនពលករចំណាកស្រុកនៅប្រទេសថៃ ក៏ដូចជាពលករបរទេសដែលកំពុងធ្វើការខុសច្បាប់នៅថៃដែរ។ បញ្ញត្តិថ្មីនេះចែងថាជនជាតិថៃដែលជួលពលករបរទេសខុសច្បាប់ ត្រូវរងពិន័យជាប្រាក់ដល់ទៅជាង ២ម៉ឺន ៣ពាន់ដុល្លារសម្រាប់ពលករបរទេសម្នាក់ ចំណែកជនបរទេសធ្វើការដោយគ្មានច្បាប់អនុញ្ញាតអាចរងពិន័យដល់ទៅជិត៣ពាន់ដុល្លារ និងត្រូវជាប់ពន្ធនាគារដល់ទៅ៥ឆ្នាំ។
ការចេញបញ្ញត្តិថ្មីរបស់រដ្ឋាភិបាលថៃនេះ គឺជាការពង្រឹងច្បាប់អន្តោប្រវេសន៍ និងច្បាប់ការងារនៅក្នុងប្រទេសថៃ។ ក្រោយចេញច្បាប់នេះ ពលករខុសច្បាប់ទាំងអស់ ត្រូវបានកំណត់ឱ្យត្រឡប់ទៅប្រទេសពួកគេវិញសិន ដើម្បីរៀបចំឯកសារឲ្យបានត្រឹមត្រូវតាមច្បាប់ សឹមនឹងត្រឡប់ទៅធ្វើការនៅប្រទេសថៃវិញ។
យោងតាមការអនុវត្តច្បាប់ស្តីពីការគ្រប់គ្រងពលករបរទេសនេះ ភាគីកម្ពុជា-ថៃ បានផ្ដល់ភាពស្របច្បាប់ដល់ពលករខ្មែរ ដែលកំពុងស្នាក់នៅ និងធ្វើការនៅប្រទេសថៃ បានជាង ១លាន ៧ម៉ឺននាក់ ដោយក្នុងនោះ ពលករខ្មែរបានទទួលការបញ្ជាក់អត្តសញ្ញាណបណ្ណស៊ីជម្ពូ (បណ្ណមិនមែនសញ្ជាតិថៃ) ជាង ៤០ម៉ឺននាក់ និងជាង ៦០ម៉ឺននាក់ សម្រួលឯកសារ និងផ្ដល់ភាពស្របច្បាប់តាមរយៈ MoU។ នេះបើតាមគណៈកម្មការផ្ដល់ភាពស្របច្បាប់ដល់ពលករកម្ពុជាកន្លងមក៕
សម្ដេច ហ៊ុន សែន បាននិយាយថា ក្នុងចំណោមក្របខណ្ឌប្រទេសទាំង៥នេះ គឺមានតែប្រទេសថៃទេ ដែលត្រូវការកម្លាំងពលកម្មខ្ពស់ជាងគេ ដូច្នេះបើសិនក្នុងករណីបណ្ដេញពលករចេញ នោះសេដ្ឋកិច្ចថៃក៏មិនល្អនោះដែរ។ ដោយសារមើលឃើញពីបញ្ហានេះ ទើបប្រទេសថៃ រួមទាំងកម្ពុជា ឡាវ និងមីយ៉ាន់ម៉ា ស្វះស្វែងសម្របសម្រួលភាពស្របច្បាប់នៃពលករ ដើម្បីបញ្ចៀសការកេងប្រវ័ញ្ច និងងាយស្រួលដល់ម្ចាស់ផ្ទះ គ្រប់គ្រងលើពលករ។
ក្នុងកិច្ចប្រជុំក្រោមប្រធានបទ «ការឆ្ពោះទៅកាន់កិច្ចគាំពារពលករទេសន្តរប្រវេសន៍នៅក្នុងប្រទេស CLMTV៖ កិច្ចសហប្រតិបត្តិការវិស័យសន្តិសុខសង្គម» នៅខេត្តសៀមរាប នាព្រឹកថ្ងៃអង្គារ ទី១៧ ខែកញ្ញា ឆ្នាំ២០១៩ នេះ ប្រមុខរដ្ឋាភិបាលកម្ពុជា បាននិយាយដូច្នេះថា៖«ប្រទេសថៃគឺជាប្រទេសដែលទទួលយកពលករចេញពីកម្ពុជា ចេញមីយ៉ាន់ម៉ា និងចេញពីឡាវ ដោយសារនៅទីនោះមានការងារ។ ហើយរឿងនេះ មានចំណងទាក់ទងគ្នា សូមកុំភ្លេចថា បើសិនជាឧទាហរណ៍ថា ប្រទេសថៃបណ្ដេញនូវពលករប្រទេសទាំង៣នេះចេញ សេដ្ឋកិច្ចថៃអាចធ្លាក់ចុះតែម្ដង ដោយសារតែពុំមានកម្លាំងពលកម្មគ្រប់គ្រាន់ ។ នៅក្នុង(បញ្ហាពលករ)ហ្នឹង បានជាយើងតែងតែស្វះស្វែងរកនូវកិច្ចសហប្រតិបត្តិការរួមគ្នា មិនថាតែកម្ពុជាទេ តាមខ្ញុំដឹង ទាំងមីយ៉ាន់ម៉ា ទាំងឡាវ គឺសុទ្ធតែធ្វើកិច្ចសហប្រតិបត្តិការជាមួយថៃ ពីស្ថានភាពពលករមិនស្របច្បាប់ឱ្យទៅជាពលករស្របច្បាប់»។
អត្ថបទទាក់ទង
កន្លងមករដ្ឋាភិបាលថៃ បានចាប់បញ្ជូនពលករចេញជាបន្តបន្ទាប់ តាមរយៈការអនុវត្តក្រឹត្យស្ដីពីច្បាប់គ្រប់គ្រងពលករបរទេស ដែលចូលជាធរមានកាលពីថ្ងៃទី២៣ មិថុនា ឆ្នាំ២០១៧ ។ ច្បាប់គ្រប់គ្រងពលករបរទេសដ៏តឹងរឹងនេះ មានគោលដៅត្រួតពិនិត្យចំនួនពលករចំណាកស្រុកនៅប្រទេសថៃ ក៏ដូចជាពលករបរទេសដែលកំពុងធ្វើការខុសច្បាប់នៅថៃដែរ។ បញ្ញត្តិថ្មីនេះចែងថាជនជាតិថៃដែលជួលពលករបរទេសខុសច្បាប់ ត្រូវរងពិន័យជាប្រាក់ដល់ទៅជាង ២ម៉ឺន ៣ពាន់ដុល្លារសម្រាប់ពលករបរទេសម្នាក់ ចំណែកជនបរទេសធ្វើការដោយគ្មានច្បាប់អនុញ្ញាតអាចរងពិន័យដល់ទៅជិត៣ពាន់ដុល្លារ និងត្រូវជាប់ពន្ធនាគារដល់ទៅ៥ឆ្នាំ។
ការចេញបញ្ញត្តិថ្មីរបស់រដ្ឋាភិបាលថៃនេះ គឺជាការពង្រឹងច្បាប់អន្តោប្រវេសន៍ និងច្បាប់ការងារនៅក្នុងប្រទេសថៃ។ ក្រោយចេញច្បាប់នេះ ពលករខុសច្បាប់ទាំងអស់ ត្រូវបានកំណត់ឱ្យត្រឡប់ទៅប្រទេសពួកគេវិញសិន ដើម្បីរៀបចំឯកសារឲ្យបានត្រឹមត្រូវតាមច្បាប់ សឹមនឹងត្រឡប់ទៅធ្វើការនៅប្រទេសថៃវិញ។
យោងតាមការអនុវត្តច្បាប់ស្តីពីការគ្រប់គ្រងពលករបរទេសនេះ ភាគីកម្ពុជា-ថៃ បានផ្ដល់ភាពស្របច្បាប់ដល់ពលករខ្មែរ ដែលកំពុងស្នាក់នៅ និងធ្វើការនៅប្រទេសថៃ បានជាង ១លាន ៧ម៉ឺននាក់ ដោយក្នុងនោះ ពលករខ្មែរបានទទួលការបញ្ជាក់អត្តសញ្ញាណបណ្ណស៊ីជម្ពូ (បណ្ណមិនមែនសញ្ជាតិថៃ) ជាង ៤០ម៉ឺននាក់ និងជាង ៦០ម៉ឺននាក់ សម្រួលឯកសារ និងផ្ដល់ភាពស្របច្បាប់តាមរយៈ MoU។ នេះបើតាមគណៈកម្មការផ្ដល់ភាពស្របច្បាប់ដល់ពលករកម្ពុជាកន្លងមក៕
Tag:
ហ៊ុន សែន
ពលករ
© រក្សាសិទ្ធិដោយ thmeythmey.com
