សង្គមអន្តរជាតិ
អន្តរជាតិ
×![]()
ដោយ: គី ចំណា
រុក្ខជាតិជាសារពាង្គកាយមួយដែលរស់នៅដោយធ្វើរស្មីសំយោគ នៅពេលដែលមានវត្តមានពន្លឺដើម្បីផលិតអាហារសម្រាប់ការរស់រានមានជីវិត។ វាលូតលាស់យឺតៗចេញពីបរិស្ថានរបស់វា។ តែសម្រាប់ធម្មជាតិ រុក្ខជាតិខ្លះវិវត្តមកដោយមានលក្ខណៈពិសេសអ្វីមួយខុសពីរុក្ខជាតិដទៃ។ បើរុក្ខជាតិគ្មានមាត់ គ្មានប្រដាប់រំលាយអាហារទេ ហេតុអ្វីបានជារុក្ខជាតិដែលនឹងធ្វើការឡើងបន្តិចទៀតនេះ បែរជាទៅត្រូវការសារធាតុចិញ្ចឹមពីសត្វវិញ? 
ដើមរុក្ខជាតិបៃតងតូចមួយនេះត្រូវបានគេឲ្យឈ្មោះថា«Venus Fly Trap»។ បើតាមការបកស្រាយរបស់គេហទំព័រ livescience.com រុក្ខជាតិនេះត្រូវបានជីវវិទូដ៏ល្បីល្បាញជនជាតិអង់គ្លេសម្នាក់ លោក Charles Darwin កត់ត្រាទុកក្នុងសៀវភៅបោះពុម្ភរបស់លោកតាំងពីឆ្នាំ១៨៧៥។ ភាគច្រើនវារស់នៅតាមតំបន់ក្នុងរដ្ឋ Carolina ខាងជើង និងខាងត្បូង នៃទឹកដីសហរដ្ឋអាមេរិក។
រុក្ខជាតិនេះមានកម្ពស់ប្រមាណជា១៣សង់ទីម៉ែត្រពីដី ហើយមានផ្នែកមួយដែលមានរាងដូចជាប្រអប់មាត់នៅខាងលើនៃដើម។ ប្រអប់មាត់នេះមានទំហំប្រហែលជា៣សង់ទីម៉ែត្រ និងមានបន្លាវែងៗស្រួលៗនៅសងខាង ដែលគេហៅថា«ធ្មេញ»។ វាចូលចិត្តរស់នៅកន្លែងក្តៅ ហើយមានសំណើមអាកាសខ្ពស់។ ប្រអប់មាត់នេះឯងដែលជាកន្លែងដែលធ្វើឲ្យមនុស្សទូទៅចាប់អារម្មណ៍។ នៅក្នុងមាត់របស់វា រុក្ខជាតិមួយនេះផលិតសារធាតុផ្អែម និងក្លិនពិសេសមួយ ដែលសត្វល្អិតតូចៗ ជាពិសេសសត្វរុយចូលចិត្ត។ នៅពេលដែលសត្វរុយហើរចូលទៅខាងក្នុង មាត់របស់វាមិនទាន់បិទភ្លាមនោះទេ។
រុក្ខជាតិនេះប្រើប្រាស់រោមតូចៗដើម្បីសង្កេតមើលចលនារបស់សត្វល្អិត។ បើសត្វល្អិតបង្កើតឲ្យមានចលនាពីរដង ក្នុងមាត់របស់វា ក្នុងរយៈពេល២០វិនាទី នោះមាត់របស់រុក្ខជាតិនេះនឹងបិទ
ភ្លាមៗយ៉ាងរហ័យតិចជាងមួយវិនាទី។ បន្លាធ្មេញស្រួចៗទាំងនោះហ៊ុមព័ទ្ធជិត ដូចជារបងមិនឲ្យសត្វល្អិតនោះហើរចេញទៅក្រៅ។
នៅពេលដែលវាចាប់សត្វល្អិតបានដោយជោគជ័យហើយ សារធាតុរំលាយអាហារនឹងបញ្ចេញមកក្នុងប្រអប់មាត់។ ជាទូទៅ មាត់របស់វានឹងបើកមកវិញនៅរយៈ១២ថ្ងៃក្រោយ។ សំបកខ្លួនប្រាណរបស់សត្វល្អិត ដែលមិនរលាយនឹងធ្លាក់ចេញមកក្រៅ។ មូលហេតុដែលវាត្រូវការសត្វល្អិត គឺដោយសារតែតម្រូវការសារធាតុចិញ្ចឹមបន្ថែម ដូចជាប្រូតេអ៊ីនជាដើម។ ក្រៅពីរុយ វាក៏ស៊ីសត្វពីងពាង ខ្យង់ និងកង្កែបតូចៗផងដែរ៕
នៅពេលដែលវាចាប់សត្វល្អិតបានដោយជោគជ័យហើយ សារធាតុរំលាយអាហារនឹងបញ្ចេញមកក្នុងប្រអប់មាត់។ ជាទូទៅ មាត់របស់វានឹងបើកមកវិញនៅរយៈ១២ថ្ងៃក្រោយ។ សំបកខ្លួនប្រាណរបស់សត្វល្អិត ដែលមិនរលាយនឹងធ្លាក់ចេញមកក្រៅ។ មូលហេតុដែលវាត្រូវការសត្វល្អិត គឺដោយសារតែតម្រូវការសារធាតុចិញ្ចឹមបន្ថែម ដូចជាប្រូតេអ៊ីនជាដើម។ ក្រៅពីរុយ វាក៏ស៊ីសត្វពីងពាង ខ្យង់ និងកង្កែបតូចៗផងដែរ៕
© រក្សាសិទ្ធិដោយ thmeythmey.com
