ពីនេះ ពីនោះ
ព័ត៍មានសុខភាព
គន្លឹះងាយៗដោះស្រាយបញ្ហាក្រហាយទ្រូង
× អាការៈក្រហាយទ្រូងជាញឹកញយកើតមានឡើងក្រោយពេលអ្នកទទួលទានអ្វីមិនល្អដែលអាចបណ្ដាលឱ្យច្រាលអាស៊ីតក្រពះ។ ទោះជាយ៉ាងណាកុំបារម្ភ!
ខាងក្រោមនេះយើង នឹងបង្ហាញឱ្យដឹងពីគន្លឹះងាយៗដើម្បីដោះស្រាយបញ្ហានេះឆាប់រហ័ស៖
១. ទទួលទានទឹក
អ្វីដែលអ្នកត្រូវធ្វើនៅពេលមានអារម្មណ៍ក្រហាយទ្រូងច្រាលអាស៊ីតក្រពះ គឺទទួលទានទឹកធម្មតា ១ កែវ។ ទឹកមានប្រសិទ្ធភាពបន្សាបទឹកអាស៊ីតក្រពះឆាប់រហ័សគួរឱ្យកត់សម្គាល់។ ហើយប្រសិនបើអ្នកងាយនឹងជួបប្រទះបញ្ហាច្រាលទឹកអាស៊ីតក្រពះ ចូរបន្តព្យាយាមទទួលទានទឹក ១ ទៅ ២ កែវរាល់ព្រឹកខណៈពេលពោះទទេរ ។
២. ឈរ ឬអង្គុយត្រង់ខ្លួន
នៅពេលក្រហាយទ្រូងអ្នកមិនគួរគេងឡើយក៏ព្រោះវាអាចបណ្ដាលឱ្យស្ថានភាពកាន់តែអាក្រក់ឡើង។ ចូរព្យាយាមឈរ ឬអង្គុយឱ្យត្រង់ខ្លួនដើម្បីអនុញ្ញាតឱ្យអាស៊ីតដែលហូរចូលបំពង់អាហារត្រឡប់ទៅក្រពះវិញ។
៣. ទំពារស្ករកៅស៊ូ
ដើម្បីជាការប្រសើរចូរជ្រើសរើសស្ករកៅស៊ូគ្មានជាតិស្ករ។ ការទំពារស្ករកៅស៊ូរយៈពេលប្រហែល ៣០ នាទីក្រោយទទួលទានអាហារអាចជួយទប់ស្កាត់បញ្ហាច្រាលទឹកអាស៊ីតក្រពះក្រហាយទ្រូងគួរឱ្យកត់សម្គាល់។
៤. ទទួលទានផ្លែចេក
ចេកមានផ្ទុកសារធាតុ antacid និងប៉ូតាស្យូមដែលជួយបន្សាបអាស៊ីតក្រពះបានយ៉ាងឆាប់រហ័ស។
៥. ទទួលទានទឹកប្រទាលកន្ទុយក្រពើ
ការទទួលទានទឹកប្រទាលកន្ទុយក្រពើក៏មានអត្ថប្រយោជន៍ណាស់ដែរខណៈអ្នកកំពុងទទួលរងបញ្ហាច្រាលអាស៊ីតក្រពះដោយភេសជ្ជៈនេះជួយគ្រប់ស្រទាប់បំពង់អាហារ និងក្រពះ ទប់ស្កាត់ការរលាក។ ទោះជាយ៉ាងណាត្រូវប្រាកដថាទឹកប្រទាលកន្ទុយក្រពើដែលអ្នកយកមកទទួលទាន គឺសុទ្ធ ១០០ ភាគរយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com