ជាតិ
លោក ឃួង ស្រេង៖ ថ្ងៃមុខ ផ្លូវនៅភ្នំពេញ គឺឯកទិស
× ដើម្បីដោះស្រាយការកកស្ទះចរាចរណ៍ រដ្ឋបាលរាជធានីភ្នំពេញ គ្រោងធ្វើផ្លូវទាំងអស់ក្នុងរាជធានីភ្នំពេញ ឲ្យទៅជាផ្លូវឯកទិស (One Way) នាថ្ងៃអនាគត។ លោក ឃួង ស្រេង អភិបាលរាជធានីភ្នំពេញ ថ្លែងមកកាន់សារព័ត៌មានថ្មីៗដូច្នេះ ពេលលោក កំពុងស្ថិតក្នុងស្ថានទូតបារាំង ដើម្បីទស្សនាឧទ្យានស្ថានទូតបារាំង កាលពីថ្ងៃទី១៧ ខែកញ្ញា ឆ្នាំ២០១៩។
លោក ឃួង ស្រេង លើកឡើងថា ប្រយោជន៍ដ៏សំខាន់នៃផ្លូវឯកទិស គឺធ្វើឲ្យចរាចរណ៍ ដំណើរការជានិច្ច ហើយមិនជាប់គាំនោះទេ។ លោក មានប្រសាសន៍ដូច្នេះថា៖«យើង ត្រូវធ្វើយ៉ាងណា ឲ្យផ្លូវហ្នឹង [ក្លាយជា] ផ្លូវឯកទិស»។ តែលោក ពុំបានបញ្ជាក់ឡើយថា គម្រោងនេះ នឹងអាចសម្រេចបាននៅឆ្នាំណា។
សំឡេងលោក ឃួង ស្រេង៖
លោក ឃួង ស្រេង បន្តថា រដ្ឋបាលរាជធានីភ្នំពេញ ក៏មានបំណងបែងចែកផ្លូវដាច់ដោយឡែកសម្រាប់រថយន្តក្រុងសាធារណៈផងដែរ ដើម្បីអាចធ្វើដំណើរទាន់ពេលវេលា។ អភិបាលរាជធានីភ្នំពេញរូបនេះ បន្ថែម បើអាចធ្វើដំណើរទាន់ពេលវេលានោះ ប្រជាពលរដ្ឋ នឹងងាកមក ជិះរថយន្តក្រុងសាធារណៈ ហើយកាត់បន្ថយ ការជិះរថយន្តផ្ទាល់ខ្លួន៕
© រក្សាសិទ្ធិដោយ thmeythmey.com