ជាតិ
ពីនេះ ពីនោះ
សរសេរជា«វិញ្ញាបនបត្រ»ទើបត្រូវ មិនត្រូវសរសេរជា«វិញ្ញាប័នបត្រ»ឬ«វិញ្ញាប័នប័ត្រ»ឡើយ
× នៅក្នុងវចនានុក្រមខ្មែរមានតែពាក្យ«វិញ្ញាបនបត្រ»ទេទើបត្រូវ ចំណែក«វិញ្ញាប័នបត្រ» ឬ«វិញ្ញាប័នប័ត្រ»វិញគឺមិនត្រឹមត្រូវឡើយ។ សម្រាប់អ្នកដែលមានទម្លាប់សរសេរខុស ត្រូវបែរត្រឡប់មកសរសេរពាក្យដែលត្រឹមត្រូវតាមវចនានុក្រមវិញទើបជាការប្រសើរ។
«វិញ្ញាបនបត្រ»មានន័យថា សំបុត្របញ្ជាក់,លិខិតបញ្ជាក់សេចក្តី,លិខិតរបស់អ្នករាជការមានសមត្ថកិច្ចដែលបញ្ជាក់ពីរឿងអ្វីមួយ។ ឧទាហរណ៍៖ វិញ្ញាបនបត្រនៃកិរិយាមារឃាទ សញ្ញាបត្រចេញឲ្យជាព័ស្តុតាងដល់និស្សិតដែលប្រឡងជាប់។
«វិញ្ញាបនបត្រ» មានន័យខុសពី«សញ្ញាបត្រ»ដែលមានន័យថាក្រដាសកំណត់ហេតុសម្គាល់ចំណេះវិជ្ជា ចេញជាត្រាតាំងឲ្យជាព័ស្តុតាងដល់អ្នករៀនដែលប្រឡងជាប់ មានអំណាចត្រូវទទួលយក(តាមលក្ខណប្បញ្ញតិ្ត)៕
© រក្សាសិទ្ធិដោយ thmeythmey.com