អន្តរជាតិ
កូរ៉េខាងត្បូង៖ អ្នកមានជាង២០០នាក់ ត្រូវបានស៊ើបអង្កេតជុំវិញករណីគេចមិនបង់ពន្ធ
ទីស្នាក់ការអង្គភាពពន្ធដារកូរ៉េខាងត្បូង ។ (រូបភាព Business Korea)
×![]()
ដោយ៖ ឈួន ឈីវអ៊ីង
អង្គភាពពន្ធដារកូរ៉េខាងត្បូង នៅថ្ងៃទី១៩ ខែកញ្ញា បានប្រកាសពីដំណើរការស៊ើបអង្កេតទ្រង់ទ្រាយធំមួយ ត្រូវបានធ្វើឡើងលើពួកអ្នកមានរាប់រយនាក់ជុំវិញបញ្ហាគេចពន្ធនៅកូរ៉េខាងត្បូង។ ការស៊ើបអង្កេតនេះ ជាផ្នែកមួយនៃយុទ្ធនាការបង្ក្រាបអ្នកគេចវេសមិនបង់ពន្ធ ទោះជារកចំណូលបានច្រើនក្ដី។
បើតាមទីភ្នាក់ងារព័ត៌មាន Yonhap ភ្នាក់ងារសេវាកម្មពន្ធដារជាតិកូរ៉េខាងត្បូង (NTS) បាននិយាយថា ការស៊ើបអង្កេតចុងក្រោយលើករណីមិនបង់ពន្ធនេះ ផ្តោតលើអ្នកមានចំនួន ២១៩នាក់ ដែលជាំម្ចាស់ក្រុមហ៊ុន និងកូនៗរបស់ពួកគេ។ ប៉ុន្តែអង្គភាពមួយនេះ មិនបានបញ្ជាក់ពីឈ្មោះរបស់ពួកគេឡើយ។
បូករួមទ្រព្យសម្បត្តិទាំងអស់របស់បុគ្គលដែលជាមុខសញ្ញាស៊ើបអង្កេត មានដល់៩,២ទ្រីលានវ៉ុន ដែលស្មើនឹង៧,៧ពាន់លានដុល្លារឯណោះ។ នេះបើតាមប្រភពព័ត៌មានដដែល។
ភ្នាក់ងារដដែលបានបន្ថែមថា ពួកគេរករឃើញករណីគួរឲ្យសង្ស័យជាច្រើនពាក់ព័ន្ធសមកម្មភាពគេចពន្ធដូចជាការផ្ទេរទ្រព្យសម្បត្តិខុសច្បាប់ និងការប្រើប្រាស់មូលនិធិសាជីវកម្មសម្រាប់កូនៗរបស់ពួកគេដែលកំពុងសិក្សានៅបរទេសជាដើម។
តាំងពីឆ្នាំ២០១៧ ភ្នាក់ងារសេវាកម្មពន្ធដាជាតិបានប្រមូលពន្ធសរុបចំនួន ១០៧ទ្រីលានវ៉ុនពីក្រុមអ្នកគេចពន្ធ។ នៅក្នុងខែធ្នូ ឆ្នាំ២០១៨កន្លងទៅ សេវាកម្មពន្ធជាតិកូរ៉េខាងត្បូងបានប្រកាសឈ្មោះជាសាធារណៈបុគ្គលចំនួន ៥,០២១នាក់ និងក្រុមហ៊ុនចំនួន ២,៣៣៦ ព្រមទាំងចំនួនទឹកប្រាក់ដែលពួកគេមិនបានបង់នៅលើគេហទំព័ររបស់ខ្លួន ក្នុងគោលបំណងដើម្បីបង្ខ្ឱំពួកគេឲ្យបង់ពន្ធ៕
អង្គភាពពន្ធដារកូរ៉េខាងត្បូង នៅថ្ងៃទី១៩ ខែកញ្ញា បានប្រកាសពីដំណើរការស៊ើបអង្កេតទ្រង់ទ្រាយធំមួយ ត្រូវបានធ្វើឡើងលើពួកអ្នកមានរាប់រយនាក់ជុំវិញបញ្ហាគេចពន្ធនៅកូរ៉េខាងត្បូង។ ការស៊ើបអង្កេតនេះ ជាផ្នែកមួយនៃយុទ្ធនាការបង្ក្រាបអ្នកគេចវេសមិនបង់ពន្ធ ទោះជារកចំណូលបានច្រើនក្ដី។
បើតាមទីភ្នាក់ងារព័ត៌មាន Yonhap ភ្នាក់ងារសេវាកម្មពន្ធដារជាតិកូរ៉េខាងត្បូង (NTS) បាននិយាយថា ការស៊ើបអង្កេតចុងក្រោយលើករណីមិនបង់ពន្ធនេះ ផ្តោតលើអ្នកមានចំនួន ២១៩នាក់ ដែលជាំម្ចាស់ក្រុមហ៊ុន និងកូនៗរបស់ពួកគេ។ ប៉ុន្តែអង្គភាពមួយនេះ មិនបានបញ្ជាក់ពីឈ្មោះរបស់ពួកគេឡើយ។
បូករួមទ្រព្យសម្បត្តិទាំងអស់របស់បុគ្គលដែលជាមុខសញ្ញាស៊ើបអង្កេត មានដល់៩,២ទ្រីលានវ៉ុន ដែលស្មើនឹង៧,៧ពាន់លានដុល្លារឯណោះ។ នេះបើតាមប្រភពព័ត៌មានដដែល។
ភ្នាក់ងារដដែលបានបន្ថែមថា ពួកគេរករឃើញករណីគួរឲ្យសង្ស័យជាច្រើនពាក់ព័ន្ធសមកម្មភាពគេចពន្ធដូចជាការផ្ទេរទ្រព្យសម្បត្តិខុសច្បាប់ និងការប្រើប្រាស់មូលនិធិសាជីវកម្មសម្រាប់កូនៗរបស់ពួកគេដែលកំពុងសិក្សានៅបរទេសជាដើម។
តាំងពីឆ្នាំ២០១៧ ភ្នាក់ងារសេវាកម្មពន្ធដាជាតិបានប្រមូលពន្ធសរុបចំនួន ១០៧ទ្រីលានវ៉ុនពីក្រុមអ្នកគេចពន្ធ។ នៅក្នុងខែធ្នូ ឆ្នាំ២០១៨កន្លងទៅ សេវាកម្មពន្ធជាតិកូរ៉េខាងត្បូងបានប្រកាសឈ្មោះជាសាធារណៈបុគ្គលចំនួន ៥,០២១នាក់ និងក្រុមហ៊ុនចំនួន ២,៣៣៦ ព្រមទាំងចំនួនទឹកប្រាក់ដែលពួកគេមិនបានបង់នៅលើគេហទំព័ររបស់ខ្លួន ក្នុងគោលបំណងដើម្បីបង្ខ្ឱំពួកគេឲ្យបង់ពន្ធ៕
© រក្សាសិទ្ធិដោយ thmeythmey.com
