ជាតិ
រូបភាពពីក្រសួងបរិស្ថាន
×![]()
ដោយ: ឡាយ សុភាវតី
ភ្នំពេញ៖ ក្រសួងបរិស្ថាន គាំទ្រឱ្យបង្កើតរោងចក្រផលិតបារី និងស៊ីហ្គា នៅលើផ្ទៃដីជាង១៨ហិកតា ស្ថិតក្នុងឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។ គម្រោងនេះ ជារបស់ក្រុមហ៊ុន POWER CIGAR TABACCO CO.,LTD។ ការសម្រេចនេះ បន្ទាប់ពីក្រសួងបរិស្ថាន បើកកិច្ចប្រជុំអន្តរក្រសួង កាលពីថ្ងៃទី១៩ កញ្ញា។
ដ្បិតក្រសួងបរិស្ថាន គាំទ្រគម្រោងបង្កើតរោងចក្របារី និងស៊ីហ្គាក្តី ប៉ុន្តែក្រសួងក៏បានដាក់លក្ខខណ្ឌកំណត់ឱ្យក្រុមហ៊ុនត្រូវមានផែនការគ្រប់គ្រងសំណល់រាវ ដែលចេញពីខ្សែសង្វាក់ផលិតកម្ម តាមរយៈការឆ្លងកាត់ប្រព្រឹត្តកម្មសំណល់រាវឱ្យបានត្រឹមត្រូវ ទៅតាមបទដ្ឋានបច្ចេកទេស ។ ជាពិសេសយកសំណល់រាវដែលបានសម្អាតរួចយកទៅស្រោចដើមឈើ រុក្ខជាតិ និងមួយផ្នែកទៀតបង្ហូរទៅក្នុងប្រឡាយ នៅមុខរោងចក្រ ដោយអនុលោមតាមស្តង់ដាររបស់ក្រសួងបរិស្ថាន។
ហ្វេសប៊ុកក្រសួងបរិស្ថាន បានស្រង់ខ្លឹមសារ និងលក្ខខណ្ឌចំនួន៩ មកចុះផ្សាយដូច្នេះថា៖«ក្រុមហ៊ុនត្រូវមានផែនការកាត់បន្ថយក្លិនចេញពីរោងចក្រឱ្យបានត្រឹមត្រូវ ដោយបំពាក់ឧបករណ៍សម្អាតក្លិនចៀសវាងបង្កឱ្យមានការបំពុលខ្យល់ ដែលនាំឱ្យមានការប៉ះពាល់ដល់សុខភាពបុគ្គលិក-កម្មករ និងការរស់នៅរបស់ប្រជាពលរដ្ឋក្បែរទីតាំងគម្រោង។ ក្រុមហ៊ុនត្រូវមានផែនការដាំដើមឈើក្នុងបរិវេណទីតាំងគម្រោងរបស់ក្រុមហ៊ុន ដើម្បីបង្កើត តំបន់បៃតង»។
ក្រៅពីចំណុចខាងលើនេះ ក្រុមហ៊ុនក៏ត្រូវផ្តល់សម្ភារឧបករណ៍សុវត្ថិភាពការងារដល់បុគ្គលិក-កម្មករ រួមទាំងចុះបញ្ជី ប.ស.ស ដល់បុគ្គលិក-កម្មករឱ្យបានត្រឹមត្រូវ។ ជាពិសេសក្រុមហ៊ុន ត្រូវពិនិត្យសុខភាពបុគ្គលិក-កម្មករ រៀងរាល់៦ខែម្តង រួមទាំងផ្ដល់ឱកាសការងារដល់ប្រជាជនមូលដ្ឋាន និងការចូលរួមអភិវឌ្ឍភូមិ-ឃុំទៅតាមលទ្ធភាព។ នេះបើតាមក្រសួងបរិស្ថាន។
ក្រសួងបរិស្ថាន បានសង្កត់ធ្ងន់ដូច្នេះថា៖«ក្រុមហ៊ុនត្រូវអនុវត្តឱ្យបានត្រឹមត្រូវទៅតាមការរៀបរាប់ដែលមាននៅក្នុងរបាយការណ៍ IESIA។ ទន្ទឹមនេះ ក្រុមហ៊ុនម្ចាស់គម្រោងត្រូវសហការជាមួយក្រុមហ៊ុនទីប្រឹក្សា ដើម្បីកែសម្រួល និងបញ្ចូលមតិយោបល់ចូលក្នុងរបាយការណ៍ ស្របតាមស្មារតីនៃអង្គប្រជុំ»។
គូសបញ្ជាក់ថា តាមការស្រាវជ្រាវដែលធ្វើឡើងដោយកម្មវិធីអភិវឌ្ឍន៍អង្គការសហប្រជាជាតិ ,អង្គការសុខភាពពិភពលោក និងលេខាធិការដ្ឋាននៃអនុសញ្ញាត្រួតពិនិត្យថ្នាំជក់ បានរកឃើញថា ប្រជាពលរដ្ឋកម្ពុជាប្រមាណ ១៥, ០០០ នាក់ស្លាប់ជារៀងរាល់ឆ្នាំ បណ្តាលមកពីជំងឺដែលបង្កដោយការប្រើប្រាស់ថ្នាំជក់។ចំណែកការប្រើប្រាស់ថ្នាំជក់បណ្តាលឱ្យខាតបង់ទឹកប្រាក់ប្រមាណ ៦៤៩ លានដុល្លារក្នុងមួយឆ្នាំ ដែលស្មើនឹង៣% នៃGDP របស់កម្ពុជា។ ដោយសារបញ្ហាទើបរដ្ឋាភិបាល ដាក់ចេញគោលការណ៍បរិស្ថានគ្មានផ្សែងបារី ដើម្បីកំណត់យន្តការឱ្យមានប្រសិទ្ធភាព និងប្រសើរឡើង ក្នុងការផ្តល់សុខមាលភាពប្រជាជន និងលើកកម្ពស់សេដ្ឋកិច្ចជាតិ ។ ជាពិសេសប្រែក្លាយកម្ពុជា ឱ្យទៅជាប្រទេសគ្មានផ្សែងបារីនៅឆ្នាំ២០២៥ ។ នេះបើតាមរបាយការណ៍ពីក្រសួងទេសចរណ៍ ៕
ដ្បិតក្រសួងបរិស្ថាន គាំទ្រគម្រោងបង្កើតរោងចក្របារី និងស៊ីហ្គាក្តី ប៉ុន្តែក្រសួងក៏បានដាក់លក្ខខណ្ឌកំណត់ឱ្យក្រុមហ៊ុនត្រូវមានផែនការគ្រប់គ្រងសំណល់រាវ ដែលចេញពីខ្សែសង្វាក់ផលិតកម្ម តាមរយៈការឆ្លងកាត់ប្រព្រឹត្តកម្មសំណល់រាវឱ្យបានត្រឹមត្រូវ ទៅតាមបទដ្ឋានបច្ចេកទេស ។ ជាពិសេសយកសំណល់រាវដែលបានសម្អាតរួចយកទៅស្រោចដើមឈើ រុក្ខជាតិ និងមួយផ្នែកទៀតបង្ហូរទៅក្នុងប្រឡាយ នៅមុខរោងចក្រ ដោយអនុលោមតាមស្តង់ដាររបស់ក្រសួងបរិស្ថាន។
ហ្វេសប៊ុកក្រសួងបរិស្ថាន បានស្រង់ខ្លឹមសារ និងលក្ខខណ្ឌចំនួន៩ មកចុះផ្សាយដូច្នេះថា៖«ក្រុមហ៊ុនត្រូវមានផែនការកាត់បន្ថយក្លិនចេញពីរោងចក្រឱ្យបានត្រឹមត្រូវ ដោយបំពាក់ឧបករណ៍សម្អាតក្លិនចៀសវាងបង្កឱ្យមានការបំពុលខ្យល់ ដែលនាំឱ្យមានការប៉ះពាល់ដល់សុខភាពបុគ្គលិក-កម្មករ និងការរស់នៅរបស់ប្រជាពលរដ្ឋក្បែរទីតាំងគម្រោង។ ក្រុមហ៊ុនត្រូវមានផែនការដាំដើមឈើក្នុងបរិវេណទីតាំងគម្រោងរបស់ក្រុមហ៊ុន ដើម្បីបង្កើត តំបន់បៃតង»។
ក្រៅពីចំណុចខាងលើនេះ ក្រុមហ៊ុនក៏ត្រូវផ្តល់សម្ភារឧបករណ៍សុវត្ថិភាពការងារដល់បុគ្គលិក-កម្មករ រួមទាំងចុះបញ្ជី ប.ស.ស ដល់បុគ្គលិក-កម្មករឱ្យបានត្រឹមត្រូវ។ ជាពិសេសក្រុមហ៊ុន ត្រូវពិនិត្យសុខភាពបុគ្គលិក-កម្មករ រៀងរាល់៦ខែម្តង រួមទាំងផ្ដល់ឱកាសការងារដល់ប្រជាជនមូលដ្ឋាន និងការចូលរួមអភិវឌ្ឍភូមិ-ឃុំទៅតាមលទ្ធភាព។ នេះបើតាមក្រសួងបរិស្ថាន។
ក្រសួងបរិស្ថាន បានសង្កត់ធ្ងន់ដូច្នេះថា៖«ក្រុមហ៊ុនត្រូវអនុវត្តឱ្យបានត្រឹមត្រូវទៅតាមការរៀបរាប់ដែលមាននៅក្នុងរបាយការណ៍ IESIA។ ទន្ទឹមនេះ ក្រុមហ៊ុនម្ចាស់គម្រោងត្រូវសហការជាមួយក្រុមហ៊ុនទីប្រឹក្សា ដើម្បីកែសម្រួល និងបញ្ចូលមតិយោបល់ចូលក្នុងរបាយការណ៍ ស្របតាមស្មារតីនៃអង្គប្រជុំ»។
គូសបញ្ជាក់ថា តាមការស្រាវជ្រាវដែលធ្វើឡើងដោយកម្មវិធីអភិវឌ្ឍន៍អង្គការសហប្រជាជាតិ ,អង្គការសុខភាពពិភពលោក និងលេខាធិការដ្ឋាននៃអនុសញ្ញាត្រួតពិនិត្យថ្នាំជក់ បានរកឃើញថា ប្រជាពលរដ្ឋកម្ពុជាប្រមាណ ១៥, ០០០ នាក់ស្លាប់ជារៀងរាល់ឆ្នាំ បណ្តាលមកពីជំងឺដែលបង្កដោយការប្រើប្រាស់ថ្នាំជក់។ចំណែកការប្រើប្រាស់ថ្នាំជក់បណ្តាលឱ្យខាតបង់ទឹកប្រាក់ប្រមាណ ៦៤៩ លានដុល្លារក្នុងមួយឆ្នាំ ដែលស្មើនឹង៣% នៃGDP របស់កម្ពុជា។ ដោយសារបញ្ហាទើបរដ្ឋាភិបាល ដាក់ចេញគោលការណ៍បរិស្ថានគ្មានផ្សែងបារី ដើម្បីកំណត់យន្តការឱ្យមានប្រសិទ្ធភាព និងប្រសើរឡើង ក្នុងការផ្តល់សុខមាលភាពប្រជាជន និងលើកកម្ពស់សេដ្ឋកិច្ចជាតិ ។ ជាពិសេសប្រែក្លាយកម្ពុជា ឱ្យទៅជាប្រទេសគ្មានផ្សែងបារីនៅឆ្នាំ២០២៥ ។ នេះបើតាមរបាយការណ៍ពីក្រសួងទេសចរណ៍ ៕
Tag:
រោងចក្រ
បារី
ស៊ីហ្គា
© រក្សាសិទ្ធិដោយ thmeythmey.com
