អន្តរជាតិ
រដ្ឋាភិបាលឥណ្ឌូណេស៊ី រងការរិះគន់ព្រោះបដិសេធជំនួយពីបរទេសដើម្បីដោះស្រាយភ្លើងឆេះព្រៃ
ភ្លើងឆេះព្រៃនៅខេត្ត ស៊ូម៉ាត្រាខាងត្បូង ឥណ្ឌូណេស៊ី ថតដោយ AFP នៅថ្ងៃ ២០ កញ្ញា ២០១៩
×![]()
កាសែត ហ្សាកាតារប៉ុស្តិ៍ បន្តរិះគន់រដ្ឋាភិបាលឥណ្ឌូណេស៊ីជាលើកទីពីរ ពាក់ព័ន្ធចំណាត់ការរបស់អាជ្ញាធរប្រឆាំងបញ្ហាផ្សែងពុលដែលហុយពីភ្លើងឆេះព្រៃ។ កាសែតឥណ្ឌូណេស៊ី ដែលផ្សាយជាភាសាអង់គ្លេសនេះ ក៏ទទូចឲ្យរដ្ឋាភិបាលយល់ព្រមទទួលជំនួយបច្ចេកទេសពីបណ្តាប្រទេសក្បែរខាងដើម្បីទប់ស្កាត់វិបត្តិនេះ។
ក្នុងវិចារណកថាចុះផ្សាយថ្ងៃទី២២ ខែកញ្ញា កាសែតហ្សាការតាប៉ុស្តិ៍ បានពន្លះឥរិយាបទរបស់រដ្ឋបាលលោកប្រធានាធិបតី ចូកូ វីដូដូ ដែលមើលឃើញថា បោះបង់ចោលលើការស្វះស្វែងរកដំណោះស្រាយទៅវិបត្តិផ្សែងភ្លើងឆេះព្រៃប្រចាំឆ្នាំនេះ ។ ត្រង់នេះ កាសែតនេះលើកឡើងចំៗថា មនុស្សដែលប៉ះពាល់ដោយសារផ្សែងភ្លើងឆេះព្រៃនេះ មានសិទ្ធិសួរដេញដោលជុំវិញការតាំងចិត្តរបស់រដ្ឋាភិបាលឥណ្ឌូណេស៊ីក្នុងការទប់ទល់បញ្ហានេះ។
«ពលរដ្ឋដែលរងផលប៉ះពាល់ដោយផ្សែង [ហុយពីភ្លើងឆេះព្រៃ] ក្នុងឥណ្ឌូណេស៊ី និងបណ្តាប្រទេសជិតខាង មានសិទ្ធិចោទសួរការតាំងចិត្តឥណ្ឌូណេស៊ី មិនត្រឹមតែក្នុងការគោរពតាមសន្ធិសញ្ញាថ្នាក់តំបន់ស្តីពីផ្សែងប៉ុណ្ណោះទេ ប៉ុន្តែលើសុខមាលភាពពលរដ្ឋខ្លួន និងពលរដ្ឋបណ្តាប្រទេសក្បែរខាងផងដែរ»។ កាសែតហ្សាការតាប៉ុស្តិ៍ សរសេរបែបនេះ ដោយបន្ថែមថា សុទិដ្ឋិនិយមដែលថាឥណ្ឌូណេស៊ី អាចរាំងខ្ទប់អំណាចភ្លើងដោយខ្លួនឯងនោះ ពុំអាចជួយឲ្យស្ថានការណ៍ធូស្រាលឡើយ ខណៈក្មេងៗរងទុក្ខច្រើនពីឥទ្ធិពលការបំពុលខ្យល់ បើធៀបនឹងមនុស្សធំ។
«ឥឡូវនេះ យើងត្រូវការជំនួយគ្រប់បែបយ៉ាងទាំងអស់ តាមដែលយើងអាចទទួលបាន»។ ដោយសំដៅលើកិច្ចព្រមព្រៀងអាស៊ានឆ្នាំ២០០២ ស្តីពីការបំពុលផ្សែងឆ្លងព្រំដែន កាសែតមានអាយុ៣៦ឆ្នាំនេះ លើកឡើងថា ជំនួយត្រៀមទុកសម្រាប់ឥណ្ឌូណេស៊ីដើម្បីដោះស្រាយភ្លើងឆេះព្រៃ ប៉ុន្តែត្រូវមើលសិនថា ឥណ្ឌូណេស៊ីមានឆន្ទៈទទួលយកវា ដោយផ្អែកលើកិច្ចព្រមព្រៀងឬអត់។
សូមបញ្ជាក់ថា កាលពីថ្ងៃ ១៣ កញ្ញា កាសែតហ្សាការតាប៉ុស្តិ៍ បានចុះផ្សាយអត្ថបទវិចារណកថាមួយ ដោយប្រាប់រដ្ឋាភិបាលឥណ្ឌូណេស៊ីថា វាពុំអាចទៅរួចឡើយក្នុងការប្រយុទ្ធនឹងភ្លើងឆេះព្រៃជាង ៥ពាន់ចំណុចក្នុងប្រទេស ដោយគ្មានកិច្ចប្រឹងប្រែងទ្វេភាគីនោះ។
ឥណ្ឌូណេស៊ី ម្តងហើយម្តងទៀត បដិសេធជំនួយបច្ចេកទេសរបស់ម៉ាឡេស៊ី និងសិង្ហបុរី ដើម្បីគ្រប់គ្រងស្ថានការណ៍ភ្លើងឆេះព្រៃ។ ការផ្តល់ជំនួយនេះគឺដោយហេតុថា ផ្សែងដែលហុយចេញពីភ្លើងឆេះព្រៃនៅឥណ្ឌូណេស៊ីនេះ បានរាលដាលដល់ប្រទេសពួកគេ និងគំរាមកំហែងដល់សុខមាលភាពពលរដ្ឋ៕
ក្នុងវិចារណកថាចុះផ្សាយថ្ងៃទី២២ ខែកញ្ញា កាសែតហ្សាការតាប៉ុស្តិ៍ បានពន្លះឥរិយាបទរបស់រដ្ឋបាលលោកប្រធានាធិបតី ចូកូ វីដូដូ ដែលមើលឃើញថា បោះបង់ចោលលើការស្វះស្វែងរកដំណោះស្រាយទៅវិបត្តិផ្សែងភ្លើងឆេះព្រៃប្រចាំឆ្នាំនេះ ។ ត្រង់នេះ កាសែតនេះលើកឡើងចំៗថា មនុស្សដែលប៉ះពាល់ដោយសារផ្សែងភ្លើងឆេះព្រៃនេះ មានសិទ្ធិសួរដេញដោលជុំវិញការតាំងចិត្តរបស់រដ្ឋាភិបាលឥណ្ឌូណេស៊ីក្នុងការទប់ទល់បញ្ហានេះ។
«ពលរដ្ឋដែលរងផលប៉ះពាល់ដោយផ្សែង [ហុយពីភ្លើងឆេះព្រៃ] ក្នុងឥណ្ឌូណេស៊ី និងបណ្តាប្រទេសជិតខាង មានសិទ្ធិចោទសួរការតាំងចិត្តឥណ្ឌូណេស៊ី មិនត្រឹមតែក្នុងការគោរពតាមសន្ធិសញ្ញាថ្នាក់តំបន់ស្តីពីផ្សែងប៉ុណ្ណោះទេ ប៉ុន្តែលើសុខមាលភាពពលរដ្ឋខ្លួន និងពលរដ្ឋបណ្តាប្រទេសក្បែរខាងផងដែរ»។ កាសែតហ្សាការតាប៉ុស្តិ៍ សរសេរបែបនេះ ដោយបន្ថែមថា សុទិដ្ឋិនិយមដែលថាឥណ្ឌូណេស៊ី អាចរាំងខ្ទប់អំណាចភ្លើងដោយខ្លួនឯងនោះ ពុំអាចជួយឲ្យស្ថានការណ៍ធូស្រាលឡើយ ខណៈក្មេងៗរងទុក្ខច្រើនពីឥទ្ធិពលការបំពុលខ្យល់ បើធៀបនឹងមនុស្សធំ។
«ឥឡូវនេះ យើងត្រូវការជំនួយគ្រប់បែបយ៉ាងទាំងអស់ តាមដែលយើងអាចទទួលបាន»។ ដោយសំដៅលើកិច្ចព្រមព្រៀងអាស៊ានឆ្នាំ២០០២ ស្តីពីការបំពុលផ្សែងឆ្លងព្រំដែន កាសែតមានអាយុ៣៦ឆ្នាំនេះ លើកឡើងថា ជំនួយត្រៀមទុកសម្រាប់ឥណ្ឌូណេស៊ីដើម្បីដោះស្រាយភ្លើងឆេះព្រៃ ប៉ុន្តែត្រូវមើលសិនថា ឥណ្ឌូណេស៊ីមានឆន្ទៈទទួលយកវា ដោយផ្អែកលើកិច្ចព្រមព្រៀងឬអត់។
សូមបញ្ជាក់ថា កាលពីថ្ងៃ ១៣ កញ្ញា កាសែតហ្សាការតាប៉ុស្តិ៍ បានចុះផ្សាយអត្ថបទវិចារណកថាមួយ ដោយប្រាប់រដ្ឋាភិបាលឥណ្ឌូណេស៊ីថា វាពុំអាចទៅរួចឡើយក្នុងការប្រយុទ្ធនឹងភ្លើងឆេះព្រៃជាង ៥ពាន់ចំណុចក្នុងប្រទេស ដោយគ្មានកិច្ចប្រឹងប្រែងទ្វេភាគីនោះ។
ឥណ្ឌូណេស៊ី ម្តងហើយម្តងទៀត បដិសេធជំនួយបច្ចេកទេសរបស់ម៉ាឡេស៊ី និងសិង្ហបុរី ដើម្បីគ្រប់គ្រងស្ថានការណ៍ភ្លើងឆេះព្រៃ។ ការផ្តល់ជំនួយនេះគឺដោយហេតុថា ផ្សែងដែលហុយចេញពីភ្លើងឆេះព្រៃនៅឥណ្ឌូណេស៊ីនេះ បានរាលដាលដល់ប្រទេសពួកគេ និងគំរាមកំហែងដល់សុខមាលភាពពលរដ្ឋ៕
Tag:
ឥណ្ឌូណេស៊ី
Jakarta Post
ផ្សែងភ្លើងឆេះព្រៃ
© រក្សាសិទ្ធិដោយ thmeythmey.com
