អន្តរជាតិ
រដ្ឋមន្ត្រីហិរញ្ញវត្ថុសិង្ហបុរី៖ អាស៊ីនៅតែជាកន្លែងលេចធ្លោ ទោះពិភពលោកកំពុងតានតឹងពាណិជ្ជកម្ម
ឧបនាយករដ្ឋមន្ត្រី និងជារដ្ឋមន្រ្តីហិរញ្ញវត្ថុសិង្ហបុរី Heng Swee Keat (ស្ដាំ) ។ រូបភាព Strait Times
×![]()
ទោះបីជាពិភពលោក កំពុងតែប្រឈមនឹងភាពតានតឹង និងភាពមិនប្រាកដប្រជាពាណិជ្ជកម្មក៏ដោយ សម្រាប់សិង្ហបុរី ទំនោរនេះ មិនអាចក្លាយជាបញ្ហា ឬបន្ទុកមិនឲ្យអាស៊ីអភិវឌ្ឍខ្លួនទៅមុខបានឡើយ។ នោះក៏ព្រោះតែ អាស៊ី ធ្លាប់ឆ្លងកាត់ស្ថានភាពលំបាកជាច្រើន ដែលជាបទពិសោធ និងមេរៀនក្នុងការដោះស្រាយបញ្ហាប្រឈមមុខបាន។
តាមរយៈកិច្ចសន្ទនារបស់ Milken Institute Asia Summit លោកឧបនាយករដ្ឋមន្ត្រី និងរដ្ឋមន្ត្រីហិរញ្ញវត្ថុសិង្ហបុរី Heng Swee Keat បានយល់ឃើញថា ភាពតានតឹងពាណិជ្ជកម្ម និងការផ្លាស់ប្តូរសម្ព័ន្ធភាព អាចធ្វើឲ្យប៉ះពាល់ដល់ពិភពលោក ក៏ប៉ុន្តែសម្រាប់តំបន់អាស៊ីវិញ នៅតែជាកន្លែងលេចធ្លោ និងមានសក្តានុពលភាពដដែល។ នេះបើយោងតាមការចុះផ្សាយរបស់សារព័ត៌មាន Strait Times។
លោកឧបនាយករដ្ឋមន្ត្រីសិង្ហបុរីរូបនេះ បានកត់សម្គាល់ថា នៅប៉ុន្មានទសវត្សរ៍មុន អាស៊ី បានពិសោធ និងឆ្លងកាត់ការផ្លាស់ប្តូរដ៏ធំរួមមាន សង្គ្រាមវៀតណាម និងការកើនអំណាចរបស់ចិន ក៏ប៉ុន្តែតំបន់អាស៊ី នៅតែរក្សាបាននូវការបើកចំហរ និងកិច្ចសហប្រតិបត្តិការបាន ដែលជាលទ្ធផលប្រទេសក្នុងតំបន់អាចធ្វើការរួមគ្នាយ៉ាងជិតស្និទ្ធស្របតាមទំនោរនៃសកលភាវូបនីយកម្ម និងពាណិជ្ជកម្មសេរី។
ជាអំណះអំណាងជាក់ស្តែង លោកឧបនាយករដ្ឋមន្ត្រី បានលើកពីដំណើរការចរចាស្តីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីក្នុងតំបន់មួយដ៏ធំ ដែលលោកចាត់ទុកថាជា សក្ខីកម្មមួយបង្ហាញយ៉ាងច្បាស់ពីការផ្សារភ្ជាប់ និងកិច្ចសហប្រតិបត្តិការសេដ្ឋកិច្ចយ៉ាងស៊ីជម្រៅរបស់តំបន់។
ទន្ទឹមនឹងការជឿជាក់លើការធ្វើការរួមគ្នាជាមួយនឹងប្រទេសក្នុងតំបន់ លោកឧបនាយករដ្ឋមន្ត្រី ក៏បានក្រើនរម្លឹកដល់បណ្តាប្រទេសពាក់ព័ន្ធត្រូវតែធានានូវការអនុវត្តគោលនយោបាយ ដែលមិនបំបិទអ្នកដទៃដើម្បីតែផលប្រយោជន៍ខ្លួន។ សម្រាប់លោក ប្រព័ន្ធពាណិជ្ជកម្មសកល មិនមែនជា ប្រព័ន្ធដែលត្រូវមានម្ខាងឈ្នះ ម្ខាងចាញ់នោះទេ ពោលគឺភាគីពាក់ព័ន្ធត្រូវតែពិភាក្សាគ្នាដើម្បីការរីកលូតលាស់ទាំងអស់គ្នា។
គួរជម្រាបថា ភាពតានតឹងពាណិជ្ជកម្ម ដែលពិភពលោក កំពុងតែប្រឈមនោះ គឺជាសង្គ្រាមពាណិជ្ជកម្មរវាងមហាអំណាចអាមេរិក និងចិន។ ប្រទេសទាំងពីរ ហាក់ដូចជាកំពុងតែដើរថយក្រោយ តាមរយៈការជ្រើសរើសគោលនយោបាយសេដ្ឋកិច្ចនិងពាណិជ្ជកម្មគាំពារនិយម ដែលមកទល់ពេលនេះ មហាអំណាចទាំងពីរ បន្តដំឡើងពន្ធលើមុខទំនិញជាច្រើនទៅលើគ្នាទៅវិញទៅមក៕
តាមរយៈកិច្ចសន្ទនារបស់ Milken Institute Asia Summit លោកឧបនាយករដ្ឋមន្ត្រី និងរដ្ឋមន្ត្រីហិរញ្ញវត្ថុសិង្ហបុរី Heng Swee Keat បានយល់ឃើញថា ភាពតានតឹងពាណិជ្ជកម្ម និងការផ្លាស់ប្តូរសម្ព័ន្ធភាព អាចធ្វើឲ្យប៉ះពាល់ដល់ពិភពលោក ក៏ប៉ុន្តែសម្រាប់តំបន់អាស៊ីវិញ នៅតែជាកន្លែងលេចធ្លោ និងមានសក្តានុពលភាពដដែល។ នេះបើយោងតាមការចុះផ្សាយរបស់សារព័ត៌មាន Strait Times។
លោកឧបនាយករដ្ឋមន្ត្រីសិង្ហបុរីរូបនេះ បានកត់សម្គាល់ថា នៅប៉ុន្មានទសវត្សរ៍មុន អាស៊ី បានពិសោធ និងឆ្លងកាត់ការផ្លាស់ប្តូរដ៏ធំរួមមាន សង្គ្រាមវៀតណាម និងការកើនអំណាចរបស់ចិន ក៏ប៉ុន្តែតំបន់អាស៊ី នៅតែរក្សាបាននូវការបើកចំហរ និងកិច្ចសហប្រតិបត្តិការបាន ដែលជាលទ្ធផលប្រទេសក្នុងតំបន់អាចធ្វើការរួមគ្នាយ៉ាងជិតស្និទ្ធស្របតាមទំនោរនៃសកលភាវូបនីយកម្ម និងពាណិជ្ជកម្មសេរី។
ជាអំណះអំណាងជាក់ស្តែង លោកឧបនាយករដ្ឋមន្ត្រី បានលើកពីដំណើរការចរចាស្តីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីក្នុងតំបន់មួយដ៏ធំ ដែលលោកចាត់ទុកថាជា សក្ខីកម្មមួយបង្ហាញយ៉ាងច្បាស់ពីការផ្សារភ្ជាប់ និងកិច្ចសហប្រតិបត្តិការសេដ្ឋកិច្ចយ៉ាងស៊ីជម្រៅរបស់តំបន់។
ទន្ទឹមនឹងការជឿជាក់លើការធ្វើការរួមគ្នាជាមួយនឹងប្រទេសក្នុងតំបន់ លោកឧបនាយករដ្ឋមន្ត្រី ក៏បានក្រើនរម្លឹកដល់បណ្តាប្រទេសពាក់ព័ន្ធត្រូវតែធានានូវការអនុវត្តគោលនយោបាយ ដែលមិនបំបិទអ្នកដទៃដើម្បីតែផលប្រយោជន៍ខ្លួន។ សម្រាប់លោក ប្រព័ន្ធពាណិជ្ជកម្មសកល មិនមែនជា ប្រព័ន្ធដែលត្រូវមានម្ខាងឈ្នះ ម្ខាងចាញ់នោះទេ ពោលគឺភាគីពាក់ព័ន្ធត្រូវតែពិភាក្សាគ្នាដើម្បីការរីកលូតលាស់ទាំងអស់គ្នា។
គួរជម្រាបថា ភាពតានតឹងពាណិជ្ជកម្ម ដែលពិភពលោក កំពុងតែប្រឈមនោះ គឺជាសង្គ្រាមពាណិជ្ជកម្មរវាងមហាអំណាចអាមេរិក និងចិន។ ប្រទេសទាំងពីរ ហាក់ដូចជាកំពុងតែដើរថយក្រោយ តាមរយៈការជ្រើសរើសគោលនយោបាយសេដ្ឋកិច្ចនិងពាណិជ្ជកម្មគាំពារនិយម ដែលមកទល់ពេលនេះ មហាអំណាចទាំងពីរ បន្តដំឡើងពន្ធលើមុខទំនិញជាច្រើនទៅលើគ្នាទៅវិញទៅមក៕
Tag:
សិង្ហបុរី
អាស៊ី
© រក្សាសិទ្ធិដោយ thmeythmey.com
