ពីនេះ ពីនោះ
ព័ត៍មានសុខភាព
ក្រៅពីសាច់ក្រហម អ្វីខ្លះជាប្រភពដ៏ប្រសើរនៃជាតិដែក?
× ការរក្សាបាននូវបរិមាណជាតិដែកគ្រប់គ្រាន់ក្នុងរាងកាយ គឺពិតជាសំខាន់ណាស់ក៏ព្រោះជាតិរ៉ែនេះមានប្រសិទ្ធភាពជួយបង្កើនសមត្ថភាពរបស់ឈាមក្នុងការដឹកជញ្ជូនម៉ូលេគុលអុកស៊ីសែនទៅកាន់គ្រប់សរីរាង្គ រួមទាំងខួរក្បាល។ ជាតិដែកក៏ចាំបាច់សម្រាប់ការផលិតថាមពលរាងកាយផងដែរ។ កង្វះជាតិដែកអាចនាំឲ្យកើតមានជំងឺខ្វះគ្រាប់ឈាមក្រហម និងបញ្ហាអស់កម្លាំងជាប្រចាំ។ ប៉ុន្តែក្រៅពីថ្នាំគ្រាប់ជាតិដែកនិងសាច់ក្រហមហើយនោះថាតើប្រភពធម្មជាតិនៃជាតិដែកមានអ្វីខ្លះទៅ?
ខាងក្រោមនេះយើង នឹងបង្ហាញឱ្យដឹងពីអាហារដែលមានផ្ទុកសម្បូរទៅដោយជាតិដែក ៖
១. បន្លែបៃតង
មិនត្រឹមតែជាប្រភពដ៏ប្រសើរនៃជាតិដែកប៉ុណ្ណោះទេ ប៉ុន្តែបន្លែបៃតងក៏មានផ្ទុកសម្បូរទៅដោយអាស៊ីត folic ជាតិសរសៃ និងវីតាមីន C រួមទាំងវីតាមីនច្រើនផ្សេងទៀតដែលចាំបាច់សម្រាប់សុខភាពផងដែរ។
២. គ្រាប់ធញ្ញជាតិ
ក៏ជាប្រភពធម្មជាតិដ៏ល្អបំផុតមួយនៃជាតិដែក។ ទោះជាយ៉ាងណាអ្នកមិនគួរទទួលទានច្រើនជាងមួយក្ដាប់ដៃពេញក្នុងមួយថ្ងៃឡើយ។
៣. ស៊ុត
ក្រៅពីមានផ្ទុកសម្បូរទៅដោយប្រូតេអ៊ីនគុណភាពល្អហើយនោះ ស៊ុតក៏ជាប្រភពដ៏ប្រសើរបំផុតមួយនៃជាតិដែកផងដែរ។ បរិមាណខ្ពស់នៃជាតិដែកក្នុងស៊ុតជួយក្នុងការបង្កើនការផលិតកោសិកាគ្រាប់ឈាមក្រហមទប់ស្កាត់ហានិភ័យនៃជំងឺខ្វះគ្រាប់ឈាមក្រហម។
៤. អាហារសមុទ្រ
ជាប្រភពដ៏ប្រសើរនៃជាតិរ៉ែនិងសារធាតុចិញ្ចឹមសំខាន់ៗ ក៏ដូចជាប្រូតេអ៊ីន វីតាមីន អាស៊ីតខ្លាញ់អូមេហ្គា ៣ ពិសេស គឺជាតិដែកដែលធ្វើអោយការទទួលទានគ្រឿងសមុទ្រនេះអាចជួយរាងកាយក្នុងការបង្កើនការផលិតកោសិកាគ្រាប់ឈាមក្រហម។
៥. សណ្ដែកខៀវ
ក្រៅពីជាប្រភពដ៏ល្អបំផុតមួយនៃប្រូតេអ៊ីននិងជាតិសរសៃហើយនោះ សណ្ដែកខៀវក៏មានផ្ទុកជាតិដែកខ្ពស់ដែលចាំបាច់សម្រាប់រក្សាសុខភាពរាងកាយទាំងមូលពិសេសទប់ស្កាត់បញ្ហាខ្វះគ្រាប់ឈាមក្រហម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com