ជាតិ
ប្រធានរដ្ឋសភាកម្ពុជា ជំរុញការបង្កើនតួនាទីការទូតសភាក្នុងសហប្រតិបត្តិការអន្តរជាតិ
×![]()
ដោយ: វិច្ឆិកា
នៅថ្ងៃទី២៣ខែកញ្ញានេះ សម្តេច ហេង សំរិន ប្រធានរដ្ឋសភាកម្ពុជាកំពុងចូលរួមក្នុងកិច្ចប្រជុំអន្តរជាតិអឺរ៉ាស៊ីលើកទី៤នៅក្នុងទីក្រុងនួរស៊ុលតង់នៃប្រទេសកាហ្សាស្ថាន។ កិច្ចប្រជុំប្រព្រឹត្តទៅក្រោមប្រធានបទ «ឧត្តមភាពកាន់តែខ្ពង់ខ្ពស់សម្រាប់អឺរ៉ាស៊ី៖ កិច្ចសន្ទនា ទំនុកចិត្ត និងភាពជាដៃគូ»។
សម្តេច ហេង សំរិន ប្រធានរដ្ឋសភាកម្ពុជាបានថ្លែងនៅកិច្ចប្រជុំអឺរ៉ាស៊ីនៅក្នុងប្រទេសកាហ្សាក់ស្ថានថា តួនាទីរបស់សភា និងជាពិសេសការងារការទូតសភា គួរតែត្រូវបានបង្កើនឱ្យសកម្មជាងមុន នៅក្នុងកិច្ចសហប្រតិបត្តិការអន្តរជាតិ ដើម្បីចូលរួមធានានូសុខសន្តិភាព និងការអភិវឌ្ឍប្រកបដោយចីរភាព។
សម្តេច ហេង សំរិន ថ្លែងយ៉ាងនេះនៅចំពោះមុខតំណាងប្រទេសជាង៦០ដែលកំពុងមានវត្តមាននៅក្នុងកិច្ចប្រជុំក្របខណ្ឌសភារបស់អឺរ៉ាស៊ី (សភាមកពីតំបន់អាស៊ី និងអឺរ៉ុប)។
នេះគឺជាកិច្ចប្រជុំលើកទី៤ ក្រោមប្រធានបទ «ឧត្តមភាពកាន់តែខ្ពង់ខ្ពស់សម្រាប់អឺរ៉ាស៊ី៖ កិច្ចសន្ទនា ទំនុកចិត្ត និងភាពជាដៃគូ»។ សម្រាប់ប្រធានរដ្ឋសភាកម្ពុជា ប្រធានបទដែលត្រូវបានជ្រើសរើសសម្រាប់កិច្ចប្រជុំនេះ គឺជាប្រធានល្អ ស្របនឹងបរិបទបច្ចុប្បន្ន ដែលចរន្តនៃពហុភាគីនិយម និងសណ្តាប់ធ្នាប់អន្តរជាតិកំពុងទទួលរងការគំរាមកំហែង ដោយការរីកដុះដាលនៃនៃនយោបាយប្រជាភិថុត សេដ្ឋកិច្ចជាតិនិយម និងការវិលត្រឡប់នៃនយោបាយមហាអំណាច។
សម្តេច ហេង សំរិន មានប្រសាសន៍យ៉ាងដូច្នេះ៖«សង្គ្រាមពាណិជ្ជកម្មដែលកំពុងរីករាលដាលកាន់តែខ្លាំង និងការកើនឡើងនៃភាពតានតឹងភូមិសាស្ត្រនយោបាយ រវាងប្រទេសមហាអំណាចបានបង្កការគំរាមកំហែងធ្ងន់ធ្ងរដល់សេដ្ឋកិច្ច សន្តិសុខសកល និងសុខុមាលភាពប្រជាពលរដ្ឋ»។
ប្រធានរដ្ឋសភាកម្ពុជាបានបន្តថ្លែងនៅក្នុងកិច្ចប្រជុំនោះ ជំរុញឱ្យមានការលើកកម្ពស់ប្រព័ន្ធមួយដែលមានភាពបើកចំហ ប្រកបដោយបរិយាប័ន្ន មានប្រសិទ្ធភាព និងដោយពហុភាគី ដើម្បីឈានទៅសម្រេចប្រយោជន៍រួមសម្រាប់ទាំងអស់គ្នា។
សម្តេច ហេង សំរិន បានពន្យល់ថា៖«យើងគួរយកចិត្តទុកដាក់លើវប្បធម៌សន្ទនា ដែលមានលក្ខណៈបើកចំហ និងយ៉ាងទៀងទាត់ ដើម្បីដោះស្រាយភាពខុសគ្នា មិនថាឡើយប្រទេសដែលមានសេដ្ឋកិច្ចតូចតាច ឬអភិវឌ្ឍតិចតួច ឬប្រព័ន្ធនយោបាយមិនដូចគ្នា ដើម្បីភាពសុខុដុមរមនា និងវិបុលភាពរបស់ប្រជាពលរដ្ឋនៃប្រទេសទាំងនោះ។»។
តំណាងឱ្យប្រទេសកម្ពុជា ប្រធានរដ្ឋសភាកម្ពុជាក៏បានប្រកាសគាំទ្រគំនិតក្នុងរួមបញ្ចូលគ្នារវាង យូរ៉ាស៊ី-អេកូណូមិក និងសហគមន៍អឺរ៉ុប ហើយបង្កើតទំនាក់ទំនងរឹងមាំជាមួយអាស៊ានក្នុងការធ្វើសុខុដុមនីយកម្មជាមួយគំនិតផ្តួចផ្តើមនយោបាយចិន វិថីមួយ ខ្សែក្រវ៉ាត់មួយ៕
សម្តេច ហេង សំរិន ប្រធានរដ្ឋសភាកម្ពុជាបានថ្លែងនៅកិច្ចប្រជុំអឺរ៉ាស៊ីនៅក្នុងប្រទេសកាហ្សាក់ស្ថានថា តួនាទីរបស់សភា និងជាពិសេសការងារការទូតសភា គួរតែត្រូវបានបង្កើនឱ្យសកម្មជាងមុន នៅក្នុងកិច្ចសហប្រតិបត្តិការអន្តរជាតិ ដើម្បីចូលរួមធានានូសុខសន្តិភាព និងការអភិវឌ្ឍប្រកបដោយចីរភាព។
សម្តេច ហេង សំរិន ថ្លែងយ៉ាងនេះនៅចំពោះមុខតំណាងប្រទេសជាង៦០ដែលកំពុងមានវត្តមាននៅក្នុងកិច្ចប្រជុំក្របខណ្ឌសភារបស់អឺរ៉ាស៊ី (សភាមកពីតំបន់អាស៊ី និងអឺរ៉ុប)។
នេះគឺជាកិច្ចប្រជុំលើកទី៤ ក្រោមប្រធានបទ «ឧត្តមភាពកាន់តែខ្ពង់ខ្ពស់សម្រាប់អឺរ៉ាស៊ី៖ កិច្ចសន្ទនា ទំនុកចិត្ត និងភាពជាដៃគូ»។ សម្រាប់ប្រធានរដ្ឋសភាកម្ពុជា ប្រធានបទដែលត្រូវបានជ្រើសរើសសម្រាប់កិច្ចប្រជុំនេះ គឺជាប្រធានល្អ ស្របនឹងបរិបទបច្ចុប្បន្ន ដែលចរន្តនៃពហុភាគីនិយម និងសណ្តាប់ធ្នាប់អន្តរជាតិកំពុងទទួលរងការគំរាមកំហែង ដោយការរីកដុះដាលនៃនៃនយោបាយប្រជាភិថុត សេដ្ឋកិច្ចជាតិនិយម និងការវិលត្រឡប់នៃនយោបាយមហាអំណាច។
សម្តេច ហេង សំរិន មានប្រសាសន៍យ៉ាងដូច្នេះ៖«សង្គ្រាមពាណិជ្ជកម្មដែលកំពុងរីករាលដាលកាន់តែខ្លាំង និងការកើនឡើងនៃភាពតានតឹងភូមិសាស្ត្រនយោបាយ រវាងប្រទេសមហាអំណាចបានបង្កការគំរាមកំហែងធ្ងន់ធ្ងរដល់សេដ្ឋកិច្ច សន្តិសុខសកល និងសុខុមាលភាពប្រជាពលរដ្ឋ»។
ប្រធានរដ្ឋសភាកម្ពុជាបានបន្តថ្លែងនៅក្នុងកិច្ចប្រជុំនោះ ជំរុញឱ្យមានការលើកកម្ពស់ប្រព័ន្ធមួយដែលមានភាពបើកចំហ ប្រកបដោយបរិយាប័ន្ន មានប្រសិទ្ធភាព និងដោយពហុភាគី ដើម្បីឈានទៅសម្រេចប្រយោជន៍រួមសម្រាប់ទាំងអស់គ្នា។
សម្តេច ហេង សំរិន បានពន្យល់ថា៖«យើងគួរយកចិត្តទុកដាក់លើវប្បធម៌សន្ទនា ដែលមានលក្ខណៈបើកចំហ និងយ៉ាងទៀងទាត់ ដើម្បីដោះស្រាយភាពខុសគ្នា មិនថាឡើយប្រទេសដែលមានសេដ្ឋកិច្ចតូចតាច ឬអភិវឌ្ឍតិចតួច ឬប្រព័ន្ធនយោបាយមិនដូចគ្នា ដើម្បីភាពសុខុដុមរមនា និងវិបុលភាពរបស់ប្រជាពលរដ្ឋនៃប្រទេសទាំងនោះ។»។
តំណាងឱ្យប្រទេសកម្ពុជា ប្រធានរដ្ឋសភាកម្ពុជាក៏បានប្រកាសគាំទ្រគំនិតក្នុងរួមបញ្ចូលគ្នារវាង យូរ៉ាស៊ី-អេកូណូមិក និងសហគមន៍អឺរ៉ុប ហើយបង្កើតទំនាក់ទំនងរឹងមាំជាមួយអាស៊ានក្នុងការធ្វើសុខុដុមនីយកម្មជាមួយគំនិតផ្តួចផ្តើមនយោបាយចិន វិថីមួយ ខ្សែក្រវ៉ាត់មួយ៕
Tag:
រដ្ឋសភា Eurasia
kazastane
© រក្សាសិទ្ធិដោយ thmeythmey.com
