ជាតិ
ពលរដ្ឋអាចធ្វើដំណើរតាមរថភ្លើងដោយឥតគិតថ្លៃ ពីថ្ងៃទី២៥ ដល់ទី៣០កញ្ញា រូបពីក្រសួងសាធារណការ និងដឹកជញ្ជូន
× ប្រជាពលរដ្ឋ អាចធ្វើដំណើរទៅស្រុកកំណើតនាឱកាសបុណ្យភ្ជុំបិណ្ឌនេះ តាមរថភ្លើងដោយឥតគិតថ្លៃ ចាប់ពីថ្ងៃទី២៥ ដល់ថ្ងៃទី ៣០ ខែកញ្ញា។ បើតាមការចេញផ្សាយរបស់ក្រសួងសាធារណការនិងដឹកជញ្ជូន ខ្សែរថភ្លើងដែលអាចជិះឥតគិតថ្លៃ មានបីខ្សែ។
ខ្សែភ្នំពេញទៅ ពោធិ៍សាត់ ចេញម៉ោង ៧កន្លះព្រឹក ហើយត្រលប់មកវិញ នៅម៉ោង១និង២០នាទីរសៀល។ ចំពោះជើងរថភ្លើងប៉ោយ ប៉ែត ទៅពោធិ៍សាត់ ចេញដំណើរនៅម៉ោង៧ព្រឹក ហើយត្រលប់ប៉ោយប៉ែតវិញនៅម៉ោង ១និង៣០នាទីរសៀល។ ចំណែកជើងរថភ្លើងពីភ្នំពេញ ទៅព្រះសីហនុ ចេញដំណើរពីរជើង គឺនៅម៉ោង៧ព្រឹក និងម៉ោង៧យប់ ហើយចេញពីខេត្តព្រះសីហនុ មកភ្នំពេញវិញពីរជើងដូចគ្នា គឺនៅ៧ព្រឹក និងម៉ោង៤រសៀល។
© រក្សាសិទ្ធិដោយ thmeythmey.com