អន្តរជាតិ
ចិនថា ក្បួនដង្ហែយោធាដ៏ធំជាងគេក្នុងប្រវត្តិសាស្ត្ររបស់ខ្លួន មិនមែនជាការបញ្ចេញសាច់ដុំអ្វីឡើយ
ប្រធានាធិបតីស៊ី ជិនភីង នៅក្នុងព្យុហយាត្រាចិនក្នុងឆ្នាំ២០០៧
×![]()
ដោយ: ធៀន ភារិន្ទ
ទីក្រុងប៉េកាំងនៅថ្ងៃទី២៤ ខែកញ្ញា បានច្រានចោលពាក្យចោទប្រកាន់ថា គម្រោងព្យុហយាត្រាដ៏ធំជាងគេបង្អស់ក្នុងប្រវត្តិសាស្ត្ររបស់ចិននៅក្នុងថ្ងៃគំរប់ខួបសាធារណរដ្ឋប្រជាមានិតចិនលើកទី៧០ ជាការដំឡើងសាច់ដុំ។ យោធាចិនប្រមាណជា ១៥ពាន់នាក់ យន្តហោះចម្បាំង ១៦០គ្រឿង និងអាវុធយុទ្ធភណ្ឌទំនើបៗជាច្រើនគ្រឿង នឹងត្រូវដាក់បង្ហាញក្នុងព្យុហយាត្រាដ៏ធំមួយនេះ។ 
ខ្វះតែប៉ុន្មានថ្ងៃទៀត ចិននឹងត្រូវប្រារព្ធខួបនៃការកកើតឡើងសាធារណរដ្ឋប្រជាមានិតចិនលើកទី៧០ ។ ពេលនេះ រដ្ឋាភិបាលចិន កំពុងសស្រាក់សស្រាំរៀបចំកម្មវិធីឲ្យកាន់តែអធិកអធមជាងឆ្នាំណាៗទាំងអស់។
នៅក្រោមអធិបតីភាពនៃប្រធានាធិបតី ស៊ី ជិនភីង ព្យុហយាត្រាដ៏ធំនៃកងទ័ពជាតិចិន នឹងត្រូវដើរសម្តែងក្បួននៅកណ្តាលទីក្រុងប៉េកាំងនៅថ្ងៃទី១ ខែតុលា ដើម្បីរំលឹកពីការបង្កើតសាធារណរដ្ឋប្រជាមានិតចិន។ ជាពិសេស មីស៊ីលប្រភេទថ្មី យន្តហោះចម្បាំង និងយន្តហោះដ្រូន នឹងត្រូវគេយកមកបង្ហាញក្នុងពិធីដ៏ឧឡារិកមួយនេះផងដែរ។ នេះបើតាមការចុះផ្សាយរបស់ទីភ្នាក់ព័ត៌មានរដ្ឋចិន។
ក្នុងសន្និសីទកាសែតនៅទីក្រុងប៉េកាំង លោកអ្នកនាំពាក្យក្រសួងការពារចិន Wu Qian បានលើកឡើងថា ការបង្ហាញព្យុហយាត្រាដ៏ធំបែបនេះ គឺជាការផ្តល់ភាពវិជ្ជមានសម្រាប់ការកសាងសន្តិភាពពិភពលោក។ វរសេនីយឯករូបនេះ បានបន្ថែមទៀតថា ការដាក់បង្ហាញអាវុធទំនើបៗក្នុងរយៈពេល ៨០នាទីនេះ មិនមែនជាការដំឡើងសាច់ដុំឡើយ មិនថាដាក់ពិភពលោក ឬប្រទេសណាដែរ។ អ្វីដែលសំខាន់ ចិនគ្រាន់តែចង់បង្ហាញពីការអភិវឌ្ឍនៃកម្លាំងយោធាចិនក្នុងរយៈពេល ៧០ឆ្នាំមកនេះតែប៉ុណ្ណោះ។
យ៉ាងណាក៏ដោយ ទីក្រុងប៉េកាំងហាក់ដូចជាស្ទាក់ស្ទើរក្នុងការបញ្ជាក់ពីអាវុធថ្មីៗ ដែលត្រូវយកទៅបង្ហាញ។ ជាក់ស្តែងប្រព័ន្ធផ្សព្វផ្សាយរដ្ឋចិន ផ្តោតតែទៅលើមីស៊ីលបាលីស្ទិកអន្តរទ្វីប Dongfeng-41 ដែលអាចពាំនាំក្បាលគ្រាប់នុយក្លេអ៊ែរ ៤ ឬ៥គ្រាប់ ហើយអាចបាញ់ដល់ទឹកដីអាមេរិក និងអាចបាញ់កម្ទេចយន្តហោះដ្រូនល្បឿនលឿន និងយន្តហោះចម្បាំងតែប៉ុណ្ណោះ។ ប៉ុន្តែមន្ត្រីយោធាចិន បានបញ្ជាក់ថា ឲ្យរង់ចាំមើលថាតើចិននឹងដាក់ប្រភេទអាវុធអ្វីឲ្យប្រាកដនៅក្នុងព្យុហយាត្រានេះ។
សូមបញ្ជាក់ថា កងទ័ពជាតិចិនចំនួន ១៥ពាន់នាក់នឹងបង្ហាញក្បួនព្យុហយាត្រា ជាមួយសំភារៈយោធា ៥៨០ប្រភេទ ដែលត្រូវបានផលិតដោយចិនផ្ទាល់។ ជាពិសេស យន្តហោះចម្បាំងច្រើនជាង ១៦០គ្រឿង នឹងត្រដាងខ្លួននៅលើអាកាស ដើម្បីបង្ហាញជាទស្សនីយភាពឲ្យមន្ត្រីយោធា១៨៨នាក់ មកពី៩៧ប្រទេស និងអ្នកចូលរួមជាច្រើននាក់បានទស្សនា៕
ខ្វះតែប៉ុន្មានថ្ងៃទៀត ចិននឹងត្រូវប្រារព្ធខួបនៃការកកើតឡើងសាធារណរដ្ឋប្រជាមានិតចិនលើកទី៧០ ។ ពេលនេះ រដ្ឋាភិបាលចិន កំពុងសស្រាក់សស្រាំរៀបចំកម្មវិធីឲ្យកាន់តែអធិកអធមជាងឆ្នាំណាៗទាំងអស់។
នៅក្រោមអធិបតីភាពនៃប្រធានាធិបតី ស៊ី ជិនភីង ព្យុហយាត្រាដ៏ធំនៃកងទ័ពជាតិចិន នឹងត្រូវដើរសម្តែងក្បួននៅកណ្តាលទីក្រុងប៉េកាំងនៅថ្ងៃទី១ ខែតុលា ដើម្បីរំលឹកពីការបង្កើតសាធារណរដ្ឋប្រជាមានិតចិន។ ជាពិសេស មីស៊ីលប្រភេទថ្មី យន្តហោះចម្បាំង និងយន្តហោះដ្រូន នឹងត្រូវគេយកមកបង្ហាញក្នុងពិធីដ៏ឧឡារិកមួយនេះផងដែរ។ នេះបើតាមការចុះផ្សាយរបស់ទីភ្នាក់ព័ត៌មានរដ្ឋចិន។
ក្នុងសន្និសីទកាសែតនៅទីក្រុងប៉េកាំង លោកអ្នកនាំពាក្យក្រសួងការពារចិន Wu Qian បានលើកឡើងថា ការបង្ហាញព្យុហយាត្រាដ៏ធំបែបនេះ គឺជាការផ្តល់ភាពវិជ្ជមានសម្រាប់ការកសាងសន្តិភាពពិភពលោក។ វរសេនីយឯករូបនេះ បានបន្ថែមទៀតថា ការដាក់បង្ហាញអាវុធទំនើបៗក្នុងរយៈពេល ៨០នាទីនេះ មិនមែនជាការដំឡើងសាច់ដុំឡើយ មិនថាដាក់ពិភពលោក ឬប្រទេសណាដែរ។ អ្វីដែលសំខាន់ ចិនគ្រាន់តែចង់បង្ហាញពីការអភិវឌ្ឍនៃកម្លាំងយោធាចិនក្នុងរយៈពេល ៧០ឆ្នាំមកនេះតែប៉ុណ្ណោះ។
យ៉ាងណាក៏ដោយ ទីក្រុងប៉េកាំងហាក់ដូចជាស្ទាក់ស្ទើរក្នុងការបញ្ជាក់ពីអាវុធថ្មីៗ ដែលត្រូវយកទៅបង្ហាញ។ ជាក់ស្តែងប្រព័ន្ធផ្សព្វផ្សាយរដ្ឋចិន ផ្តោតតែទៅលើមីស៊ីលបាលីស្ទិកអន្តរទ្វីប Dongfeng-41 ដែលអាចពាំនាំក្បាលគ្រាប់នុយក្លេអ៊ែរ ៤ ឬ៥គ្រាប់ ហើយអាចបាញ់ដល់ទឹកដីអាមេរិក និងអាចបាញ់កម្ទេចយន្តហោះដ្រូនល្បឿនលឿន និងយន្តហោះចម្បាំងតែប៉ុណ្ណោះ។ ប៉ុន្តែមន្ត្រីយោធាចិន បានបញ្ជាក់ថា ឲ្យរង់ចាំមើលថាតើចិននឹងដាក់ប្រភេទអាវុធអ្វីឲ្យប្រាកដនៅក្នុងព្យុហយាត្រានេះ។
សូមបញ្ជាក់ថា កងទ័ពជាតិចិនចំនួន ១៥ពាន់នាក់នឹងបង្ហាញក្បួនព្យុហយាត្រា ជាមួយសំភារៈយោធា ៥៨០ប្រភេទ ដែលត្រូវបានផលិតដោយចិនផ្ទាល់។ ជាពិសេស យន្តហោះចម្បាំងច្រើនជាង ១៦០គ្រឿង នឹងត្រដាងខ្លួននៅលើអាកាស ដើម្បីបង្ហាញជាទស្សនីយភាពឲ្យមន្ត្រីយោធា១៨៨នាក់ មកពី៩៧ប្រទេស និងអ្នកចូលរួមជាច្រើននាក់បានទស្សនា៕
Tag:
ចិន
© រក្សាសិទ្ធិដោយ thmeythmey.com
