ជាតិ
សង្គមជាតិ
២៥ខេត្ត/រាជធានី
ពលករខ្មែរម្នាក់ស្លាប់ និងបីនាក់របួសនៅថៃ ដោយសារពិតានអគារបាក់លើ
× ពលរដ្ឋខ្មែរម្នាក់ស្លាប់ និង៣នាក់ទៀតរងរបួសធ្ងន់-ស្រាល ក្នុងឧបទ្ទវហេតុបាក់ពិតានអគារកម្ពស់៨ជាន់ នៅតំបន់ Pattaya ស្រុកបាងឡាម៉ុង ខេត្តឈុនបុរី ប្រទេសថៃ កាលពីព្រឹកថ្ងៃទី២៤ ខែកញ្ញា ឆ្នាំ២0១៩។ នេះបើតាមការចុះផ្សាយរបស់អគ្គស្នងការដ្ឋាននគរបាលជាតិ។
ពលករខ្មែរ ដែលបាត់បង់ជីវិត ឈ្មោះ ឡម ចាន់ថន ភេទប្រុស អាយុ២០ឆ្នាំ មានស្រុកកំណើត នៅភូមិតាមាន់ ឃុំគោកមន ស្រុកបន្ទាយអំពិល ខេត្តឧត្ដរមានជ័យ។ ចំណែក ពលករខ្មែរទាំង៣នាក់ ដែលរបួសនោះ គឺ ឈ្មោះ ឡម ចាន់ឌី ភេទប្រុស អាយុ១៨ឆ្នាំ មានស្រុកកំណើតនៅភូមិតាមាន់ ឃុំគោកមន ស្រុកបន្ទាយអំពិល ខេត្តឧត្ដរមានជ័យ (ប្រហែលជាប្អូនរបស់អ្នកស្លាប់) ឈ្មោះ លិន ភេទប្រុស អាយុ១៨ឆ្នាំ មានស្រុកកំណើតនៅខេត្តបាត់ដំបង និង ណាមតាន ភេទស្រី អាយុ១៩ឆ្នាំ (នគរបាលជាតិ ពុំបានបញ្ជាក់ពីស្រុកកំណើត)។ បើតាមនគរបាលជាតិ អ្នកទាំង៣នាក់ ត្រូវបានបញ្ជូនទៅមន្ទីរពេទ្យ។
នគរបាលជាតិ បានឲ្យដឹងថា ខណៈជនរងគ្រោះទាំង៤នាក់ កំពុងធ្វើការ ដោយភ្លៀងធ្លាក់តិចៗ ពិតាន ដែលក្រុមហ៊ុន បានចាក់បេតុងនៅជាន់ទី៨នៃអគារនោះ ក៏បានស្រុតបាក់សង្កត់លើពួកគេ៕
Tag:
ពលករខ្មែរ
បាក់អគារនៅថៃ
© រក្សាសិទ្ធិដោយ thmeythmey.com