ក្រនិងមាន ធ្វើទានបានដូចគ្នា!

កំណាព្យ

ជាតិ

ក្រនិងមាន ធ្វើទានបានដូចគ្នា!

27, Sep 2019 , 11:59 am

រូបភាព

ដោយ: ថ្មីៗ

បទ សត្វកាងស្លាប

ជួបញាតិ ញាតិជួបខួបមិនខាន
ជាប់ដាន ដានជាប់រាប់រយឆ្នាំ
ភ្ជុំបិណ្ឌ បិណ្ឌភ្ជុំជុំចងចាំ
ចាស់ផ្តាំ ផ្តាំចាស់ច្បាស់ដិតដៅ។

ទៅវត្ត វត្តទៅនៅនឹកភ្នក
លៃលក លកលៃរៃកូនចៅ
ទានធ្វើ ធ្វើទានគ្មានហ្មងសៅ
ចិត្តដៅ ដៅចិត្តឥតជំពាក់។

ក្រមាន មានក្រក៏ធ្វើបាន
ស្មើស្មាន ស្មានស្មើដើររាក់ទាក់
រស់រួម រួមរស់ខ្ពស់មុខជាក់
ស្រុះស្រាក់ ស្រាក់ស្រុះចុះជួយគ្នា។

ច្បាស់បុណ្យ បុណ្យច្បាស់ចាស់ភ្ជាប់ទាន
ប្រាក់មាន មានប្រាក់ដាក់សទ្ធា
សាងសង់ សង់សាងអាងខ្លោងទ្វារ
ចែងចៀរ ចៀរចែងបែងអ្នកខ្សត់។

បានបុណ្យ បុណ្យបានដានជាប់ជិត
ជួយពិត ពិតជួយស្ទួយអ្នកអត់
ម្ចាស់ទាន ទានម្ចាស់ច្បាស់ប្រាកដ
ឈ្នះខ្សត់ ខ្សត់ឈ្នះព្រះតាមថែ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

អត្ថបទពេញនិយមបន្ថែម