ជាតិ
ពីនេះ ពីនោះ
ក្រចេះ ដែនដីសម្បូរស្តុកស្តម្ភ
× បទ ពាក្យ ៦
-សម្ភុបុរៈធានី តាំងទីសម័យចេនឡា
សំបូរស្តុកស្តមថ្លៃថ្លា កត់ត្រាក្នុងក្រាំងយូរហើយ។
-ព្រះធាតុខ្វាន់ពីរនាងពៅ តាំងនៅមិនទាន់បាត់ឡើយ
ដែនដីក្រចេះនេះហើយ ខ្មែរអ្ហើយចាំទាំងប្រុសស្រី។
-សរសរមួយរយវិហារ ពិតជាមានឈ្មោះល្បាញល្បី
ថែមភ្នំសុពណ៌កាលី ទឹកដីជាប់ព្រេងនិទាន។
-ក្រូចថ្លុងកោះទ្រង់ឆ្ងាញ់ល្បី ប្រុសស្រីបានឮហើយឃ្លាន
កាំពីទីផ្សោតគេគ្មាន ប្រាក់លានហូរចូលរាល់ថ្ងៃ។
-ក្រចេះសំបូរឆ្លូងស្នួល ចាប់ស្រួលរាស្ត្រទាន់សម័យ
ខ្លះពាក់មាសពេជ្រជ្រែកដៃ ថ្កើងក្រៃទាំងចិត្របុរី។
-ក្រចេះពាសក្រាលដោយមាស ជួយរាស្ត្ររួចផុតក្រក្រី
ដោយទឹកជីជាតិក្នុងដី ខេត្តល្បីនៃដែនឦសាន។
-ក្នុងទឹកពិតសម្បូរត្រី លើដីធ្វើស្រែស្រូវបាន
មានព្រៃប្រឹក្សាជុំប្រាណ រកបានទាំងរុក្ខផល។
-ប្រជារួមគ្នាសុខសាន្ត ថ្កើងថ្កានគ្មានទុក្ខកង្វល់
ក្រចេះអស់គ្រោះកាចកល នេះផលនៃសន្តិភាព៕
© រក្សាសិទ្ធិដោយ thmeythmey.com