អ្នកព្រៃវែងធ្វើពិធីបណ្តែតសំពៅដើម្បីជូនដំណើរដូនតាត្រឡប់ទៅវិញ

ជាតិ

បុណ្យភ្ជុំបិណ្ឌ

អ្នកព្រៃវែងធ្វើពិធីបណ្តែតសំពៅដើម្បីជូនដំណើរដូនតាត្រឡប់ទៅវិញ

28, Sep 2019 , 10:05 pm

រូបភាព

ដោយ:

១៥ រោច ខែភទ្របទ ជាថ្ងៃភ្ជុំបិណ្ឌ ក្រោយការកាន់បិណ្ឌរយៈពេល១៤ថ្ងៃ។ តាមជំនឿតាំងពីបុរាណ បណ្តាវត្តជាច្រើននៅខេត្តព្រៃវែង តែងតែប្រារព្ធពិធីជូនដំណើរដូនតាដែលចែកឋាន ត្រឡប់ទៅវិញ ក្រោយវត្តមានពួកគាត់នៅឋានមនុស្សលោកអស់រយៈពេល១៥ថ្ងៃកន្លងមក។

ព្រឹទ្ធចារ្យ នៅ ជឿន អាចារ្យវត្តសុវណ្ណរង្សី ដែលស្ថិតនៅក្នុងទីរួមខេត្តព្រៃវែង បានប្រាប់សារព័ត៌មាន ThmeyThmey ថា ពលរដ្ឋដែលជាពុទ្ធសាសនិក នាំគ្នាធ្វើពិធីបណ្តែតសំពៅ ឬប្រទីបដើម្បីជូនដូនតាត្រឡប់ទៅស្រុក និងឧទ្ទិសកុសល្យជូនដល់ពួកគាត់ ហើយក៏ជាការបួងសួងសុំសេចក្តីសុខ និងឲ្យកូនចៅរកស៊ីមានបានផងដែរ។

កញ្ញា សៀង សុធាវិន ដែលមានវ័យជាង២០ឆ្នាំ បានអះអាងថា កញ្ញាតែងតែចូលក្នុងពិធីបណ្តែតសំពៅនេះ តាំងពីក្មេងមក។ បើតាមប្រភពដែលសារព័ត៌មាន ThmeyThmey ទទួលបាន មានវត្តយ៉ាងហោចណាស់ចំនួន៥នៅទីរួមខេត្តព្រៃវែង បានប្រារព្ធពិធីបណ្តែតសំពៅនេះ។

ទស្សនាទិដ្ឋភាពដូចខាងក្រោម៖