កីឡាអន្តរជាតិ
អន្តរជាតិ
Nice បណ្តេញកីឡាករម្នាក់ដែលលួចនាឡិការបស់មិត្តរួមក្រុមតម្លៃជាង៧ម៉ឺនដុល្លារ
×![]()
ដោយ: ទេព ពិទូរ្យ
ក្លិប Nice នៃលីគកំពូលបារាំង Ligue 1 បានបណ្តេញកីឡាកររបស់ខ្លួន Lamine Diaby-Fadiga ចេញពីក្រុម បន្ទាប់ពីខ្សែប្រយុទ្ធរូបនេះសារភាពថាបានលួចនាឡិកាដៃរបស់មិត្តរួមក្រុមកីឡករ Kasper Dolberg ដែលមានតម្លៃ ៧៦០០០ ដុល្លារអាមេរិក។
Dolberg ខ្សែប្រយុទ្ធសញ្ជាតិដាណឺម៉ាក បានបាត់នាឡិកាដៃរបស់ខ្លួននៅក្នុងបន្ទប់ផ្លាស់សម្លៀកបំពាក់ កាលពីថ្ងៃទី១៦ ខែកញ្ញា ហើយក៏បានរាយការណ៍ប្រាប់ទៅប៉ូលិសក្រោយចប់ការប្រកួត។
ខ្សែប្រយុទ្ធ Kasper Dolberg ដែលបាត់នាឡិកា
ខ្សែប្រយុទ្ធសញ្ជាតិបារាមង Diaby-Fadiga ដែលមានវ័យទើប១៨ឆ្នាំ និងជាប់ជម្រើសជាតិបារាំងក្រោមអាយុ ១៨ឆ្នាំផងនោះ សារភាពថាខ្លួនជាអ្នកលួចយកនាឡិកានោះ។
តាមរយៈការប្រកាសរបស់ក្លិបដែលមានអ្នកចាត់ការទូទៅលោក Patrick Vieira បង្ហាញថា រវាងក្លិប និងភាគីកីឡាករ Lamine Diaby-Fadiga បានព្រមព្រៀងចែកផ្លូវគ្នាហើយនៅថ្ងៃទី១ ខែតុលា។
ក្នុងលិខិតរបស់ក្លិបនៃក្របខណ្ឌកំពូលបារាំងនេះបានសរសេរថា៖«បន្ទាប់ពីលួចនាឡិការបស់ Kasper Dolberg ក្លិបបានសម្រេចលុបចោលកិច្ចសន្យាទាំងអស់របស់ខ្លួនជាមួយ Diaby-Fadiga តែម្តង។ ក្លិបមិនអាចទទួលយកអាកប្បកិរិយាបែបនេះរបស់កីឡាករបានឡើយ ដែលនេះនឹងធ្វើឲ្យសមាជិកទាំងអស់ខ្វះទំនុកចិត្តគ្នា»។
Dolberg បានផ្លាស់ពី Ajax ទៅចូលរួមជាមួយ Nice នៅដើមរដូវកាលថ្មីនេះ ដោយចុះកិច្ចសន្យារយៈពេល៣ឆ្នាំ។ Nice សព្វថ្ងៃឈរនៅចំណាត់ថ្នាក់ទី៦ ក្នុងតារាង Ligue1 ដោយរកបាន១៣ពិន្ទុ ពីការប្រកួត៨លើក។
ដោយឡែក Diaby-Fadiga វ័យ១៨ឆ្នាំ ដែលចែកផ្លូវជាមួយ Nice ត្រូវបានរាយការណ៍ថាបានទៅចូលរួមជាមួយ Paris FC ក្រុមក្នុងលីគលំដាប់ទី២បារាំង Ligue2 ដោយគ្មានតម្លៃផ្ទេរ៕
Dolberg ខ្សែប្រយុទ្ធសញ្ជាតិដាណឺម៉ាក បានបាត់នាឡិកាដៃរបស់ខ្លួននៅក្នុងបន្ទប់ផ្លាស់សម្លៀកបំពាក់ កាលពីថ្ងៃទី១៦ ខែកញ្ញា ហើយក៏បានរាយការណ៍ប្រាប់ទៅប៉ូលិសក្រោយចប់ការប្រកួត។
ខ្សែប្រយុទ្ធ Kasper Dolberg ដែលបាត់នាឡិកា
ខ្សែប្រយុទ្ធសញ្ជាតិបារាមង Diaby-Fadiga ដែលមានវ័យទើប១៨ឆ្នាំ និងជាប់ជម្រើសជាតិបារាំងក្រោមអាយុ ១៨ឆ្នាំផងនោះ សារភាពថាខ្លួនជាអ្នកលួចយកនាឡិកានោះ។
តាមរយៈការប្រកាសរបស់ក្លិបដែលមានអ្នកចាត់ការទូទៅលោក Patrick Vieira បង្ហាញថា រវាងក្លិប និងភាគីកីឡាករ Lamine Diaby-Fadiga បានព្រមព្រៀងចែកផ្លូវគ្នាហើយនៅថ្ងៃទី១ ខែតុលា។
ក្នុងលិខិតរបស់ក្លិបនៃក្របខណ្ឌកំពូលបារាំងនេះបានសរសេរថា៖«បន្ទាប់ពីលួចនាឡិការបស់ Kasper Dolberg ក្លិបបានសម្រេចលុបចោលកិច្ចសន្យាទាំងអស់របស់ខ្លួនជាមួយ Diaby-Fadiga តែម្តង។ ក្លិបមិនអាចទទួលយកអាកប្បកិរិយាបែបនេះរបស់កីឡាករបានឡើយ ដែលនេះនឹងធ្វើឲ្យសមាជិកទាំងអស់ខ្វះទំនុកចិត្តគ្នា»។
Dolberg បានផ្លាស់ពី Ajax ទៅចូលរួមជាមួយ Nice នៅដើមរដូវកាលថ្មីនេះ ដោយចុះកិច្ចសន្យារយៈពេល៣ឆ្នាំ។ Nice សព្វថ្ងៃឈរនៅចំណាត់ថ្នាក់ទី៦ ក្នុងតារាង Ligue1 ដោយរកបាន១៣ពិន្ទុ ពីការប្រកួត៨លើក។
ដោយឡែក Diaby-Fadiga វ័យ១៨ឆ្នាំ ដែលចែកផ្លូវជាមួយ Nice ត្រូវបានរាយការណ៍ថាបានទៅចូលរួមជាមួយ Paris FC ក្រុមក្នុងលីគលំដាប់ទី២បារាំង Ligue2 ដោយគ្មានតម្លៃផ្ទេរ៕
Tag:
Nice
Lamine Diaby-Fadiga
Kasper Dolberg
© រក្សាសិទ្ធិដោយ thmeythmey.com
