កីឡាអន្តរជាតិ
អន្តរជាតិ
Barca វាយបកយកឈ្នះ Inter ឯ Liverpool បាន៣ពិន្ទុពី Salzburg ទាំងប្រផិតប្រផើយ
×![]()
ដោយ: ទេព ពិទូរ្យ
ពីរគ្រាប់របស់ខ្សែប្រយុទ្ធ Luis Suarez គ្រប់គ្រាន់សម្រាប់ជួយ Barcelona ទទួលបាន៣ពិន្ទុ ពីគូប្រជែង Inter Milan តាមរយៈការវាយបកតាមឈ្នះដោយលទ្ធផល ២-១ នាជំនួបវគ្គសន្សំពិន្ទុពូល F ពាន Champions League។ ម្ចាស់ការពារតំណែងជើងឯក Liverpool ក៏ទទួលបាន៣ពិន្ទុដែរ ក្រោយយកឈ្នះ Red Bull Salzburg ក្នុងលទ្ធផលប្រទាញប្រទង់ ៤-៣។
ការប្រកួតនៅកីឡដ្ឋាន Camp Nou នៅរាត្រីថ្ងៃទី២ តុលា ទើបចាប់ផ្តើមបាន៣នាទីប៉ុណ្ណោះ ខ្សែប្រយុទ្ធអាហ្សង់ទីន Lautaro Martinez អាចគ្រាប់បាល់នាំមុខមុនឲ្យ Inter Milan តាមរយៈការបញ្ជូនពីមិត្តរួមក្រុម Alexis Sanchez ហើយលទ្ធផល ១-០ រក្សារហូតចប់វគ្គទី១។
ចួលដល់វគ្គទី២ ខណៈការប្រកួតដំណើរការបាន១៣នាទី Luis Suarez បានបំប៉ោងសំណាញ់ទីយ៉ាងអស្ចារ្យពីការបញ្ជូនពី Arturo Vidal ដើម្បីតាមស្មើឲ្យ Barca វិញ។ ក្រោមការដាក់សម្ពាធដ៏ខ្លាំងក្លាពីក្រុមម្ចាស់ផ្ទះរហូតដល់នាទី៨៤ ខ្សែប្រយុទ្ធសញ្ជាតិអ៊ុយរ៉ូហ្គាយដដែលនេះអាចសម្រេចគ្រាប់ទី២និងជាគ្រាប់ជ័យជម្នះដើម្បីជួយ Barca ឈ្នះ Inter ២-១។
ក្នុងពូល F នេះដែរ Borussia Dortmund បានទទួលជ័យជម្នះលើ Slavia Prague ដោយលទ្ធផល ២-០ សម្រាប់ជំនួបលើកទី២ ដោយលទ្ធផលនេះបាននាំឲ្យក្រុមពីអាល្លឺម៉ង់ឈរនៅកំពូលតារាងបណ្តោះអាសន្នមាន៤ពិន្ទុ តាមពីក្រោយដោយ Barcelona មាន៤ពិន្ទុដូចគ្នា រីឯ Inter និង Slavia Prague នៅលេខរៀងបន្តបន្ទាប់ មាន១ពិន្ទុដូចគ្នា។
ដោយឡែកម្ចាស់ជើងឯកក្របខណ្ឌកំពូលអឺរ៉ុប Liverpool អាចរកបាន៣ពិន្ទុលើកដំបូងក្នុងពូល E ក្រោយយកឈ្នះ Salzburg ៤-៣។ នៅកីឡដ្ឋាន Anfield ហង្សក្រហមបាននាំមុខមុនដល់ទៅ៣គ្រាប់ ប៉ុន្តែត្រូវក្រុមភ្ញៀវតាមយកស្មើវិញ មុនពេលខ្សែប្រយុទ្ធឆ្នើម Mohamed Salah សម្រេចគ្រាប់ទី៤ឲ្យម្ចាស់ផ្ទះ។
៤គ្រាប់របស់ Liverpool ធ្វើបានដោយ Salah ២គ្រាប់ (៣៦, ៦៩) Sadio Mane (៩) និងខ្សែការពារ Andrew Robertson (២៥) ចំណែក៣គ្រាប់របស់ Salzburg ធ្វើបានដោយ ខ្សែប្រយុទ្ធកូរ៉េខាងត្បូង Hee-Chan Hwang (៣៩) កីឡាករជប៉ុន Takumi Minamino (៥៦) និងខ្សែប្រយុទ្ធ Erling Braut Haaland (៦០)។
យ៉ាងណាក៏ដោយ ៣ពិន្ទុនេះមិនអាចជួយ Liverpool គេចផុតពីចំណាត់ថ្នាក់ទី៣ក្នុងតារាងពូល E ឡើយ ដ្បិត Salzburg មាន៣ពិន្ទុដូចគ្នាតែមានគ្រាប់ស៊ុតបញ្ចូលទីច្រើនជាង។
Napoli នៅរក្សាកំពូលតារាងដដែលដោយទទួលបាន៤ពិន្ទុ ក្រោយបានត្រឹមស្មើជាមួយ Genk ០-០ សម្រាប់ប្រកួតលើកទី២ក្នុងពូល E នេះ។ កាលពីជើងទីមួយ Napoli បានយកឈ្នះ Liverpool ២-០។
លទ្ធផលគូដទៃទៀត នៃវគ្គជម្រុះតាមពូលក្របខណ្ឌ Champions League មានដូចខាងក្រោម៖
ពូល E
Genk ០-០ Napoli
Liverpool ៤-៣ Salzburg
ពូល F
Slavia Prague ០-២ Borussia Dortmund
Barcelona ២-១ Inter
ពូល G
RasenBallsport Leipzig ០-២ Lyon
Zenit St. Petersburg ៣-១ Benfica
ពូល H
Lille ១-២ Chelsea
Valencia ០-៣ Ajax ៕
ការប្រកួតនៅកីឡដ្ឋាន Camp Nou នៅរាត្រីថ្ងៃទី២ តុលា ទើបចាប់ផ្តើមបាន៣នាទីប៉ុណ្ណោះ ខ្សែប្រយុទ្ធអាហ្សង់ទីន Lautaro Martinez អាចគ្រាប់បាល់នាំមុខមុនឲ្យ Inter Milan តាមរយៈការបញ្ជូនពីមិត្តរួមក្រុម Alexis Sanchez ហើយលទ្ធផល ១-០ រក្សារហូតចប់វគ្គទី១។
ចួលដល់វគ្គទី២ ខណៈការប្រកួតដំណើរការបាន១៣នាទី Luis Suarez បានបំប៉ោងសំណាញ់ទីយ៉ាងអស្ចារ្យពីការបញ្ជូនពី Arturo Vidal ដើម្បីតាមស្មើឲ្យ Barca វិញ។ ក្រោមការដាក់សម្ពាធដ៏ខ្លាំងក្លាពីក្រុមម្ចាស់ផ្ទះរហូតដល់នាទី៨៤ ខ្សែប្រយុទ្ធសញ្ជាតិអ៊ុយរ៉ូហ្គាយដដែលនេះអាចសម្រេចគ្រាប់ទី២និងជាគ្រាប់ជ័យជម្នះដើម្បីជួយ Barca ឈ្នះ Inter ២-១។
ក្នុងពូល F នេះដែរ Borussia Dortmund បានទទួលជ័យជម្នះលើ Slavia Prague ដោយលទ្ធផល ២-០ សម្រាប់ជំនួបលើកទី២ ដោយលទ្ធផលនេះបាននាំឲ្យក្រុមពីអាល្លឺម៉ង់ឈរនៅកំពូលតារាងបណ្តោះអាសន្នមាន៤ពិន្ទុ តាមពីក្រោយដោយ Barcelona មាន៤ពិន្ទុដូចគ្នា រីឯ Inter និង Slavia Prague នៅលេខរៀងបន្តបន្ទាប់ មាន១ពិន្ទុដូចគ្នា។
ដោយឡែកម្ចាស់ជើងឯកក្របខណ្ឌកំពូលអឺរ៉ុប Liverpool អាចរកបាន៣ពិន្ទុលើកដំបូងក្នុងពូល E ក្រោយយកឈ្នះ Salzburg ៤-៣។ នៅកីឡដ្ឋាន Anfield ហង្សក្រហមបាននាំមុខមុនដល់ទៅ៣គ្រាប់ ប៉ុន្តែត្រូវក្រុមភ្ញៀវតាមយកស្មើវិញ មុនពេលខ្សែប្រយុទ្ធឆ្នើម Mohamed Salah សម្រេចគ្រាប់ទី៤ឲ្យម្ចាស់ផ្ទះ។
៤គ្រាប់របស់ Liverpool ធ្វើបានដោយ Salah ២គ្រាប់ (៣៦, ៦៩) Sadio Mane (៩) និងខ្សែការពារ Andrew Robertson (២៥) ចំណែក៣គ្រាប់របស់ Salzburg ធ្វើបានដោយ ខ្សែប្រយុទ្ធកូរ៉េខាងត្បូង Hee-Chan Hwang (៣៩) កីឡាករជប៉ុន Takumi Minamino (៥៦) និងខ្សែប្រយុទ្ធ Erling Braut Haaland (៦០)។
យ៉ាងណាក៏ដោយ ៣ពិន្ទុនេះមិនអាចជួយ Liverpool គេចផុតពីចំណាត់ថ្នាក់ទី៣ក្នុងតារាងពូល E ឡើយ ដ្បិត Salzburg មាន៣ពិន្ទុដូចគ្នាតែមានគ្រាប់ស៊ុតបញ្ចូលទីច្រើនជាង។
Napoli នៅរក្សាកំពូលតារាងដដែលដោយទទួលបាន៤ពិន្ទុ ក្រោយបានត្រឹមស្មើជាមួយ Genk ០-០ សម្រាប់ប្រកួតលើកទី២ក្នុងពូល E នេះ។ កាលពីជើងទីមួយ Napoli បានយកឈ្នះ Liverpool ២-០។
លទ្ធផលគូដទៃទៀត នៃវគ្គជម្រុះតាមពូលក្របខណ្ឌ Champions League មានដូចខាងក្រោម៖
ពូល E
Genk ០-០ Napoli
Liverpool ៤-៣ Salzburg
ពូល F
Slavia Prague ០-២ Borussia Dortmund
Barcelona ២-១ Inter
ពូល G
RasenBallsport Leipzig ០-២ Lyon
Zenit St. Petersburg ៣-១ Benfica
ពូល H
Lille ១-២ Chelsea
Valencia ០-៣ Ajax ៕
Tag:
UEFA Champions League
© រក្សាសិទ្ធិដោយ thmeythmey.com
