អន្តរជាតិ
អង់គ្លេស បញ្ចេញសំណើ Brexit ថ្មី ខណៈកាលបរិច្ឆេទចាកចេញពីអឺរ៉ុបខិតកាន់តែកៀក
×![]()
ដោយ: តន ចាន់រិទ្ធារ៉ា
រដ្ឋាភិបាលនាយករដ្ឋមន្ត្រី បូរីស ចនសុន នៅថ្ងៃទី២ ខែតុលា បានបញ្ចេញសំណើថ្មីមួយដើម្បីយកទៅចរចាជាមួយសហភាពអឺរ៉ុប សំដៅបង្កើតកិច្ចព្រមព្រៀងមួយសម្រាប់ការបញ្ចប់សមាជិកភាពរបស់ខ្លួន។ ខណៈកាលបរិច្ឆេទចាកចេញនៅថ្ងៃទី៣១ ខែតុលា នៅសល់មិនយូរទៀត លោក ចនសុន អះអាងថា សំណើថ្មីនេះ ជាសំណើចុងក្រោយហើយ បើមេដឹកនាំអឺរ៉ុប មិនព្រមទទួលយកទេនោះ អង់គ្លេសនឹងដើរដោយគ្មានកិច្ចព្រមព្រៀងតែម្ដង។
នាយករដ្ឋមន្ត្រី បូរីស ចនសុន ដែលប្រឈមមុខសម្ពាឌខ្លាំងពីស្ថានភាពនយោបាយក្នុងស្រុក បានបង្ហាញសំណើ Brexit ថ្មីមួយ ទុកចរចាជាមួយសហភាពអឺរ៉ុប។ ទាំងអង់គ្លេស ទាំងអឺរ៉ុប នៅសល់ពេលមិនច្រើនឡើយសម្រាប់ការចរចាឲ្យបានកិច្ចព្រមព្រៀងដើម្បីបញ្ចៀសមហន្តរាយសេដ្ឋកិច្ច ក្នុងករណីចក្រភពអង់គ្លេសចេញដោយគ្មានកិច្ចព្រមព្រៀងនៅថ្ងៃទី៣១ ខែតុលាតាមការចង់បានរបស់លោក ចនសុន នោះ។
ចំណុចគួរឲ្យចាប់អារម្មណ៍ក្នុងសំណើថ្មី គឺការកំណត់ព្រំដែនជាមួយអៀរឡង់ និងពន្ធគយលើលំហូរទំនិញចេញចូល។ បញ្ហានេះ ជារឿងរសើប និងចម្រូងចម្រាសបំផុតក្នុងការចរចារវាងរដ្ឋាភិបាលក្រុងឡុងដ៍ និងរដ្ឋសភា។ លោកស្រី ថេរ៉េសា ម៉េយ៍ សុខចិត្តលាលែងពីតំណែងដោយតែរឿងនេះ បន្ទាប់ពីត្រូវបានសភាបដិសេធសំណើរបស់រដ្ឋាភិបាលលោកស្រីដល់ទៅបីលើក។
ក្នុងកិច្ចព្រមព្រៀងចាស់ ព្រំដែនរវាងអៀរឡង់ខាងជើង ដែលជាអាណាខេត្តរបស់ចក្រភពអង់គ្លេស និងអៀរឡង់ដែលជាសមាជិកអឺរ៉ុប នឹងនៅតែចំហដដែលក្រោយអង់គ្លេសចេញពីអឺរ៉ុប។ ការណ៍នេះ ធ្វើឲ្យក្រុមដែលគាំទ្រការចាកចេញបារម្ភថា អង់គ្លេសនឹងបន្តជំពាក់វាក់វិនជាមួយអឺរ៉ុបរឿងពន្ធគយមិនខាន។ ប៉ុន្តែក្នុងសំណើរបស់លោក ចនសុន អៀរឡង់ខាងជើង អាចបន្តអនុវត្តតាមបញ្ញត្តិពន្ធគយរបស់អឺរ៉ុបបួនឆ្នាំទៀត មុននឹងមានការសម្រេចចិត្តជាថ្មី។
ក្នុងសន្និបាតបក្សអភិរក្សនៅថ្ងៃទី២ ខែតុលា លោក ចនសុន និយាយថា អង់គ្លេស និងអឺរ៉ុបមានពេលដល់ថ្ងៃទី១១ ខែតុលាដើម្បីចរចា មុនដាក់កិច្ចព្រមព្រៀងឆ្លងកិច្ចប្រជុំកំពូលអឺរ៉ុបនៅថ្ងៃទី១៧-១៨ ខែតុលា។ ឆ្លងអឺរ៉ុបរួចរាល់ រដ្ឋាភិបាលអង់គ្លេស នឹងយកកិច្ចព្រមព្រៀងថ្មីទៅឲ្យរដ្ឋសភាអនុម័តម្ដងទៀត។ នាយករដ្ឋមន្ត្រីអង់គ្លេសរូបនេះ ព្រមានទុកមុនថា សំណើថ្មីរបស់លោក ជាករណីចុងក្រោយ ហើយបើអឺរ៉ុបមិនព្រមតាមទេ គឺចប់ហើយ។
យ៉ាងណាមិញ គ្រាន់តែឃើញសំណើអង់គ្លេសភា្លម អឺរ៉ុបឯណោះហាក់មិនពេញចិត្តទៅហើយ។ បើតាមទីភ្នាក់ងារព័ត៌មាន AFP ប្រធានគណៈកម្មការអឺរ៉ុប ហ្សង់-ក្លូដ ចាំងគើ បានប្រាប់លោក ចនសុន តាមទូរសព្ទថា មានបញ្ហាសំខាន់ៗច្រើនទៀតដែលត្រូវជជែកគ្នា។ ចំណែកប្រធានក្រុម Brexit សភាអឺរ៉ុប លោក Guy Verhofstadt ជឿថា សំណើនេះ មិនបានបង្ហាញពីការចង់បានរបស់អង់គ្លេសដើម្បីសម្រេចឲ្យបានកិច្ចព្រមព្រៀង តែជាការប៉ុនប៉ងទម្លាក់ការទទួលខុសត្រូវលើអឺរ៉ុប បើការចរចាបរាជ័យ។
ជាមួយនឹងការដាក់សំណើទៅកាន់អឺរ៉ុប រដ្ឋាភិបាលលោក ចនសុន ត្រូវដោះស្រាយបញ្ហាប្រឈមមុខទៀត គឺរដ្ឋសភា។ រដ្ឋសភាអង់គ្លេស ទើបអនុម័តច្បាប់ដែលបង្ខំឲ្យលោកនាយករដ្ឋមន្ត្រី សុំពន្យារពេលចាកចេញ បើមិនអាចមានកិច្ចព្រមព្រៀងណាមួយទាន់ពេលនោះ។ លោក ចនសុន ដែលជំទាស់ច្បាប់នេះដាច់ណាត់ បន្តប្រកាន់ជំហរចាកចេញនៅថ្ងៃទី៣១ ខែតុលាដដែល។ រដ្ឋមន្ត្រីការបរទេស Dominic Raab ប្រាប់សភាថា រដ្ឋាភិបាលគោរពច្បាប់ តែក៏មិនបន្តអូសបន្លាយទៀតដែរ៕
នាយករដ្ឋមន្ត្រី បូរីស ចនសុន ដែលប្រឈមមុខសម្ពាឌខ្លាំងពីស្ថានភាពនយោបាយក្នុងស្រុក បានបង្ហាញសំណើ Brexit ថ្មីមួយ ទុកចរចាជាមួយសហភាពអឺរ៉ុប។ ទាំងអង់គ្លេស ទាំងអឺរ៉ុប នៅសល់ពេលមិនច្រើនឡើយសម្រាប់ការចរចាឲ្យបានកិច្ចព្រមព្រៀងដើម្បីបញ្ចៀសមហន្តរាយសេដ្ឋកិច្ច ក្នុងករណីចក្រភពអង់គ្លេសចេញដោយគ្មានកិច្ចព្រមព្រៀងនៅថ្ងៃទី៣១ ខែតុលាតាមការចង់បានរបស់លោក ចនសុន នោះ។
ចំណុចគួរឲ្យចាប់អារម្មណ៍ក្នុងសំណើថ្មី គឺការកំណត់ព្រំដែនជាមួយអៀរឡង់ និងពន្ធគយលើលំហូរទំនិញចេញចូល។ បញ្ហានេះ ជារឿងរសើប និងចម្រូងចម្រាសបំផុតក្នុងការចរចារវាងរដ្ឋាភិបាលក្រុងឡុងដ៍ និងរដ្ឋសភា។ លោកស្រី ថេរ៉េសា ម៉េយ៍ សុខចិត្តលាលែងពីតំណែងដោយតែរឿងនេះ បន្ទាប់ពីត្រូវបានសភាបដិសេធសំណើរបស់រដ្ឋាភិបាលលោកស្រីដល់ទៅបីលើក។
ក្នុងកិច្ចព្រមព្រៀងចាស់ ព្រំដែនរវាងអៀរឡង់ខាងជើង ដែលជាអាណាខេត្តរបស់ចក្រភពអង់គ្លេស និងអៀរឡង់ដែលជាសមាជិកអឺរ៉ុប នឹងនៅតែចំហដដែលក្រោយអង់គ្លេសចេញពីអឺរ៉ុប។ ការណ៍នេះ ធ្វើឲ្យក្រុមដែលគាំទ្រការចាកចេញបារម្ភថា អង់គ្លេសនឹងបន្តជំពាក់វាក់វិនជាមួយអឺរ៉ុបរឿងពន្ធគយមិនខាន។ ប៉ុន្តែក្នុងសំណើរបស់លោក ចនសុន អៀរឡង់ខាងជើង អាចបន្តអនុវត្តតាមបញ្ញត្តិពន្ធគយរបស់អឺរ៉ុបបួនឆ្នាំទៀត មុននឹងមានការសម្រេចចិត្តជាថ្មី។
ក្នុងសន្និបាតបក្សអភិរក្សនៅថ្ងៃទី២ ខែតុលា លោក ចនសុន និយាយថា អង់គ្លេស និងអឺរ៉ុបមានពេលដល់ថ្ងៃទី១១ ខែតុលាដើម្បីចរចា មុនដាក់កិច្ចព្រមព្រៀងឆ្លងកិច្ចប្រជុំកំពូលអឺរ៉ុបនៅថ្ងៃទី១៧-១៨ ខែតុលា។ ឆ្លងអឺរ៉ុបរួចរាល់ រដ្ឋាភិបាលអង់គ្លេស នឹងយកកិច្ចព្រមព្រៀងថ្មីទៅឲ្យរដ្ឋសភាអនុម័តម្ដងទៀត។ នាយករដ្ឋមន្ត្រីអង់គ្លេសរូបនេះ ព្រមានទុកមុនថា សំណើថ្មីរបស់លោក ជាករណីចុងក្រោយ ហើយបើអឺរ៉ុបមិនព្រមតាមទេ គឺចប់ហើយ។
យ៉ាងណាមិញ គ្រាន់តែឃើញសំណើអង់គ្លេសភា្លម អឺរ៉ុបឯណោះហាក់មិនពេញចិត្តទៅហើយ។ បើតាមទីភ្នាក់ងារព័ត៌មាន AFP ប្រធានគណៈកម្មការអឺរ៉ុប ហ្សង់-ក្លូដ ចាំងគើ បានប្រាប់លោក ចនសុន តាមទូរសព្ទថា មានបញ្ហាសំខាន់ៗច្រើនទៀតដែលត្រូវជជែកគ្នា។ ចំណែកប្រធានក្រុម Brexit សភាអឺរ៉ុប លោក Guy Verhofstadt ជឿថា សំណើនេះ មិនបានបង្ហាញពីការចង់បានរបស់អង់គ្លេសដើម្បីសម្រេចឲ្យបានកិច្ចព្រមព្រៀង តែជាការប៉ុនប៉ងទម្លាក់ការទទួលខុសត្រូវលើអឺរ៉ុប បើការចរចាបរាជ័យ។
ជាមួយនឹងការដាក់សំណើទៅកាន់អឺរ៉ុប រដ្ឋាភិបាលលោក ចនសុន ត្រូវដោះស្រាយបញ្ហាប្រឈមមុខទៀត គឺរដ្ឋសភា។ រដ្ឋសភាអង់គ្លេស ទើបអនុម័តច្បាប់ដែលបង្ខំឲ្យលោកនាយករដ្ឋមន្ត្រី សុំពន្យារពេលចាកចេញ បើមិនអាចមានកិច្ចព្រមព្រៀងណាមួយទាន់ពេលនោះ។ លោក ចនសុន ដែលជំទាស់ច្បាប់នេះដាច់ណាត់ បន្តប្រកាន់ជំហរចាកចេញនៅថ្ងៃទី៣១ ខែតុលាដដែល។ រដ្ឋមន្ត្រីការបរទេស Dominic Raab ប្រាប់សភាថា រដ្ឋាភិបាលគោរពច្បាប់ តែក៏មិនបន្តអូសបន្លាយទៀតដែរ៕
Tag:
អង់គ្លេស
Brexit
អឺរ៉ុប
បូរីស ចនសុន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
