ONE Championship
កីឡាជាតិ
ជាតិ
ខូវ វិវឌ្ឍនា៖ «H/Art Jiu Jitsu ជាក្លិបបំផុសចលនាកីឡាជីជិតស៊ូនាំមុខគេនៅកម្ពុជា»
×![]()
អត្ថបទ៖ ស៊ីធី
ក្លិប H/Art Jiu Jitsu ត្រូវបានបង្កើតឡើងនៅខែ កក្កដា ឆ្នាំ ២០១៦ ដែលអាចនិយាយបានថាជាក្លិបកីឡាជីជិតស៊ូល្អបំផុតមួយនៅប្រទេសកម្ពុជាត្រឹមរយៈពេលដ៏ខ្លី។ ក្លិបនេះមានកីឡាករអាជីពដែលត្រូវបានគេចាត់ថ្នាក់ល្អៗលំដាប់តំបន់អាស៊ីអាគ្នេយ៍ និង រួមចំណែកបណ្ដុះបណ្ដាលកីឡាករគុនចម្រុះបានយ៉ាងល្អ។ នេះជាការលើកឡើងរបស់ លោក ខូវ វិវឌ្ឍនា គ្រូបង្វឹកប្រចាំក្លិប H/Art Jiu Jitsu និងជាប្រធានសហព័ន្ធកីឡាជីជិតស៊ូកម្ពុជា។
គ្រូបង្វឹករៀបរាប់ថា ជីជិតស៊ូ កំពុងពេញនិយមសម្រាប់ជនបរទេសដែលពួកគេទទួលបានអត្ថប្រយោជន៍ជាច្រើនពីការហ្វឹកហាត់ក្បាច់គុនមួយនេះ។ ក្នុងឆ្នាំ ២០១៩ សាលាចំនួនពីរបានបង្កើតឲ្យមានការហ្វឹកហាត់ក្បាច់គុនជីជិតស៊ូនៅភ្នំពេញ ដែលនេះជាសញ្ញាណមួយនៃភាពរីកចម្រើនបន្តបន្ទាប់ក្រោយពីក្លិបH/Art Jiu Jitsu។ យ៉ាងណាក្ដីលោកអង្កេតឃើញថា យុវជនកម្ពុជាមិនទាន់ផុសផុលក្នុងការហាត់ក្បាច់គុនមួយនេះទេ។
ប៉ុន្តែអ្វីដែលមានការចាប់អារម្មណ៍ក្រៅពី H/Art Jiu Jitsu សហព័ន្ធទទួលស្គាល់ថាមានការចាប់អារម្មណ៍ពីសំណាក់កុមារៗក្នុងរយៈពេល ១ ឆ្នាំកន្លះមកនេះ។ គ្រូបង្វឹកដដែលគូសបញ្ជាក់ថា៖«ថ្មីៗនេះយើងបានរៀបចំការប្រកួតសម្រាប់ក្មេងៗនៅក្រុងភ្នំពេញ។ ការប្រកួតនោះមានឈ្មោះថា AOKAS CUP 2019 ដែលមានការចូលរួមពីកុមារា និង កុមារីរហូតដល់ ៧០ នាក់។ នេះជាការប្រកួតមិនធ្លាប់មានពីមុនមក។ ពូកគេទាំងអស់សុទ្ធតែ ទទួលបានការហ្វឹកហាត់ពីក្លិប H/Art Jiu Jitsu ក្រោមការផ្ដួចផ្ដើមពីគម្រោង AOKAS។ លទ្ធផលគឺពិតជាអស្ចារ្យណាស់ និង មានភាពវិជ្ជមានដើម្បីឈានទៅអភិវឌ្ឍកីឡាជីជិតស៊ូ។ មួយទៀត វាទិសដៅដើម្បីរៀបចំស៊ីហ្គេម ២០២៣ ដែលនឹងផ្ដល់ឲ្យកម្ពុជាមានមោទនភាពពេលធ្វើជាម្ចាស់ផ្ទះ»។
ក្នុងនាមជាប្រធានសហព័ន្ធកីឡាជីជិតស៊ូកម្ពុជា លោកជឿជាក់ថាការបណ្ដុះបណ្ដាលកុមារៗគឺជាគោលដៅត្រឹមត្រូវដើម្បីបង្កើតបានយុវជនជំនាន់ថ្មីនៃកីឡាជីជិតស៊ូ ទៅថ្ងៃអនាគត។ ប្រធានសហព័ន្ធសង្កត់ធ្ងន់ថា៖«H/Art Jiu Jitsu ជឿជាក់ថា ការហ្វឹកហាត់ជីជិតស៊ូ មិនត្រឹមតែជាកីឡាទេ ប៉ុន្តែថែមទាំងជះឥទ្ធិពលល្អដល់សហគមន៍ដើម្បីការពារសុវត្ថិភាពផ្ទាល់ខ្លួន និង រួមគ្នាការពារសហគមន៍ទៀតផង។ ក្នុងរយៈពេល ៣ ឆ្នាំចុងក្រោយនេះ H/Art Jiu Jitsu បានធ្វើការខ្លាំងក្លាមិនខ្លាចនឿយហត់ដោយផ្ដល់សេវាកម្មជូនក្រុមហ៊ុនសន្តិសុខ និង អ្នកពាក់ព័ន្ធដែលបម្រើប្រជាពលរដ្ឋ។ នេះជាផលចំណេញដែលយើងបានធ្វើសម្រាប់ប្រទេសរបស់យើង»។
គួរដឹងដែរថា លោក ខូវ វិវឌ្ឍនា ប្រធានសហព័ន្ធជីជិតស៊ូកម្ពុជា ជាអ្នកនៅពីក្រោយជ័យជម្នះជាប្រវត្តិសាស្ត្ររបស់ ចាន់ រតនា លើសង្វៀន ONE Championship ដែលឈ្នះ ៣លើកជាប់គ្នា។ រតនា ឈ្នះ Abrou Fernandes , Rudy Agustian និង Gustavo Balart។ លោកក៏ជាគ្រូបង្វឹកជីជិតស៊ូរបស់ Emmanuel Onyedikachi និង ជាគ្រូបង្វឹកដឹកនាំ ខាន់ ចេសា ទៅប្រកួតនៅព្រឹត្តិការណ៍កីឡាទ្វីបអាស៊ីកាលឆ្នាំ ២០១៨ នៅឥណ្ឌូណេស៊ី និង ឈ្នះមេដាយមាសជូនជាតិមាតុភូមិ។
ONE: CENTURY ជាការប្រកួតគុនចម្រុះលំដាប់ពិភពលោកមិនធ្លាប់មានក្នុងប្រវត្តិសាស្ត្រ។ ក្នុងនោះមានការប្រកួតដណ្ដើមខ្សែក្រវាត់ ជាច្រើនដូចជាវគ្គផ្ដាច់ព្រ័ត្រ World Grand Prix Championship ក្នុង៣ប្រភេទទម្ងន់ផ្សេងគ្នា ហើយមានគូប្រកួតជើងឯកពិភពលោក ប៉ះជើងឯកពិភពលោក។
កុំភ្លេចតាមដាន កម្មវិធីកក្រើកមិនធ្លាប់មានគម្រប់១០០លើកនៃការរៀបចំការប្រកួតរបស់ស្ថាប័ន ONE Championship ត្រូវបានដាក់ឈ្មោះថា ONE: CENTURY។ ONE CENTURY នឹងរៀបចំឡើងនៅថ្ងៃទី ១៣ តុលា ខាងមុខនឹងផ្សាយបន្តផ្ទាល់ចាប់ពីម៉ោង ៩ យប់តទៅ (ម៉ោងកម្ពុជា) តាមរយៈ https://www.facebook.com/ONEChampionship/ , ONE Super App និង YouTube: https://www.youtube.com/user/OneFCMMA។
ក្លិប H/Art Jiu Jitsu ត្រូវបានបង្កើតឡើងនៅខែ កក្កដា ឆ្នាំ ២០១៦ ដែលអាចនិយាយបានថាជាក្លិបកីឡាជីជិតស៊ូល្អបំផុតមួយនៅប្រទេសកម្ពុជាត្រឹមរយៈពេលដ៏ខ្លី។ ក្លិបនេះមានកីឡាករអាជីពដែលត្រូវបានគេចាត់ថ្នាក់ល្អៗលំដាប់តំបន់អាស៊ីអាគ្នេយ៍ និង រួមចំណែកបណ្ដុះបណ្ដាលកីឡាករគុនចម្រុះបានយ៉ាងល្អ។ នេះជាការលើកឡើងរបស់ លោក ខូវ វិវឌ្ឍនា គ្រូបង្វឹកប្រចាំក្លិប H/Art Jiu Jitsu និងជាប្រធានសហព័ន្ធកីឡាជីជិតស៊ូកម្ពុជា។
គ្រូបង្វឹករៀបរាប់ថា ជីជិតស៊ូ កំពុងពេញនិយមសម្រាប់ជនបរទេសដែលពួកគេទទួលបានអត្ថប្រយោជន៍ជាច្រើនពីការហ្វឹកហាត់ក្បាច់គុនមួយនេះ។ ក្នុងឆ្នាំ ២០១៩ សាលាចំនួនពីរបានបង្កើតឲ្យមានការហ្វឹកហាត់ក្បាច់គុនជីជិតស៊ូនៅភ្នំពេញ ដែលនេះជាសញ្ញាណមួយនៃភាពរីកចម្រើនបន្តបន្ទាប់ក្រោយពីក្លិបH/Art Jiu Jitsu។ យ៉ាងណាក្ដីលោកអង្កេតឃើញថា យុវជនកម្ពុជាមិនទាន់ផុសផុលក្នុងការហាត់ក្បាច់គុនមួយនេះទេ។
ប៉ុន្តែអ្វីដែលមានការចាប់អារម្មណ៍ក្រៅពី H/Art Jiu Jitsu សហព័ន្ធទទួលស្គាល់ថាមានការចាប់អារម្មណ៍ពីសំណាក់កុមារៗក្នុងរយៈពេល ១ ឆ្នាំកន្លះមកនេះ។ គ្រូបង្វឹកដដែលគូសបញ្ជាក់ថា៖«ថ្មីៗនេះយើងបានរៀបចំការប្រកួតសម្រាប់ក្មេងៗនៅក្រុងភ្នំពេញ។ ការប្រកួតនោះមានឈ្មោះថា AOKAS CUP 2019 ដែលមានការចូលរួមពីកុមារា និង កុមារីរហូតដល់ ៧០ នាក់។ នេះជាការប្រកួតមិនធ្លាប់មានពីមុនមក។ ពូកគេទាំងអស់សុទ្ធតែ ទទួលបានការហ្វឹកហាត់ពីក្លិប H/Art Jiu Jitsu ក្រោមការផ្ដួចផ្ដើមពីគម្រោង AOKAS។ លទ្ធផលគឺពិតជាអស្ចារ្យណាស់ និង មានភាពវិជ្ជមានដើម្បីឈានទៅអភិវឌ្ឍកីឡាជីជិតស៊ូ។ មួយទៀត វាទិសដៅដើម្បីរៀបចំស៊ីហ្គេម ២០២៣ ដែលនឹងផ្ដល់ឲ្យកម្ពុជាមានមោទនភាពពេលធ្វើជាម្ចាស់ផ្ទះ»។
ក្នុងនាមជាប្រធានសហព័ន្ធកីឡាជីជិតស៊ូកម្ពុជា លោកជឿជាក់ថាការបណ្ដុះបណ្ដាលកុមារៗគឺជាគោលដៅត្រឹមត្រូវដើម្បីបង្កើតបានយុវជនជំនាន់ថ្មីនៃកីឡាជីជិតស៊ូ ទៅថ្ងៃអនាគត។ ប្រធានសហព័ន្ធសង្កត់ធ្ងន់ថា៖«H/Art Jiu Jitsu ជឿជាក់ថា ការហ្វឹកហាត់ជីជិតស៊ូ មិនត្រឹមតែជាកីឡាទេ ប៉ុន្តែថែមទាំងជះឥទ្ធិពលល្អដល់សហគមន៍ដើម្បីការពារសុវត្ថិភាពផ្ទាល់ខ្លួន និង រួមគ្នាការពារសហគមន៍ទៀតផង។ ក្នុងរយៈពេល ៣ ឆ្នាំចុងក្រោយនេះ H/Art Jiu Jitsu បានធ្វើការខ្លាំងក្លាមិនខ្លាចនឿយហត់ដោយផ្ដល់សេវាកម្មជូនក្រុមហ៊ុនសន្តិសុខ និង អ្នកពាក់ព័ន្ធដែលបម្រើប្រជាពលរដ្ឋ។ នេះជាផលចំណេញដែលយើងបានធ្វើសម្រាប់ប្រទេសរបស់យើង»។
គួរដឹងដែរថា លោក ខូវ វិវឌ្ឍនា ប្រធានសហព័ន្ធជីជិតស៊ូកម្ពុជា ជាអ្នកនៅពីក្រោយជ័យជម្នះជាប្រវត្តិសាស្ត្ររបស់ ចាន់ រតនា លើសង្វៀន ONE Championship ដែលឈ្នះ ៣លើកជាប់គ្នា។ រតនា ឈ្នះ Abrou Fernandes , Rudy Agustian និង Gustavo Balart។ លោកក៏ជាគ្រូបង្វឹកជីជិតស៊ូរបស់ Emmanuel Onyedikachi និង ជាគ្រូបង្វឹកដឹកនាំ ខាន់ ចេសា ទៅប្រកួតនៅព្រឹត្តិការណ៍កីឡាទ្វីបអាស៊ីកាលឆ្នាំ ២០១៨ នៅឥណ្ឌូណេស៊ី និង ឈ្នះមេដាយមាសជូនជាតិមាតុភូមិ។
ONE: CENTURY ជាការប្រកួតគុនចម្រុះលំដាប់ពិភពលោកមិនធ្លាប់មានក្នុងប្រវត្តិសាស្ត្រ។ ក្នុងនោះមានការប្រកួតដណ្ដើមខ្សែក្រវាត់ ជាច្រើនដូចជាវគ្គផ្ដាច់ព្រ័ត្រ World Grand Prix Championship ក្នុង៣ប្រភេទទម្ងន់ផ្សេងគ្នា ហើយមានគូប្រកួតជើងឯកពិភពលោក ប៉ះជើងឯកពិភពលោក។
កុំភ្លេចតាមដាន កម្មវិធីកក្រើកមិនធ្លាប់មានគម្រប់១០០លើកនៃការរៀបចំការប្រកួតរបស់ស្ថាប័ន ONE Championship ត្រូវបានដាក់ឈ្មោះថា ONE: CENTURY។ ONE CENTURY នឹងរៀបចំឡើងនៅថ្ងៃទី ១៣ តុលា ខាងមុខនឹងផ្សាយបន្តផ្ទាល់ចាប់ពីម៉ោង ៩ យប់តទៅ (ម៉ោងកម្ពុជា) តាមរយៈ https://www.facebook.com/ONEChampionship/ , ONE Super App និង YouTube: https://www.youtube.com/user/OneFCMMA។
© រក្សាសិទ្ធិដោយ thmeythmey.com
