អន្តរជាតិ
យុវជនហុងកុងមានវ័យ១៨ឆ្នាំឈ្មះថា Tsnag Chi-kin
×![]()
បាតុករហុងកុងទីមួយដែលត្រូវគ្រាប់ចំដើមទ្រូង អំឡុងការប៉ះទង្គិចហិង្សាជាមួយប៉ូលិសកាលពីយប់ថ្ងៃទី១ ខែតុលា ត្រូវបានប៉ូលិសសម្រេចចោទប្រកាន់ពីបទធ្វើកុបកម្ម និងវាយដំលើមន្ត្រីប៉ូលិស។ ក្រៅពីរូបគេ បាតុករ៦នាក់់ផ្សេងទៀត ក៏រងបទចោទដូចគ្នានេះផងដែរ។ 
អាជ្ញាធរហុងកុង នៅថ្ងៃព្រហស្បតិ៍ ទី៣ ខែតុលា បានសម្រេចចោទប្រកាន់យុវជនវ័យ១៨ឆ្នាំម្នាក់ឈ្មះថា Tsang Chi-kin ជាមួយបទល្មើសកុបកម្មនិងការប្រើអំពើហិង្សាលើមន្ត្រីប៉ូលិសក្នុងសង្កាត់ Tsuen Wan ។ តាមការចុះផ្សាយរបស់ទូរទស្សន៍ហុងកុង RTHK សិស្សថ្នាក់វិទ្យាល័យរូបនេះ ជាមនុស្សម្នាក់ក្នុងចំណោមអ្នកតវ៉ា៧នាក់ផ្សេងទៀត អាយុចន្លោះពី ១៨ ដល់ ៣៩ឆ្នាំ ដែលត្រូវចោទប្រកាន់ពីបទល្មើសដូចគ្នានេះ ។
ប៉ូលិសហុងកុង អះអាងថា សិស្សហុងកុងជាបាតុករ ត្រូវបានបាញ់ចំស្មាខាងឆ្វេង ក៏ប៉ុន្តែសារព័ត៌មានហុងកុងជាច្រើន ចុះផ្សាយថា យុវជន Tsang ត្រូវគ្រាប់ចំដើមទ្រូង។ បច្ចប្បន្ន សិស្សរូបនេះ កំពុងសម្រាកព្យាបាលនៅមន្ទីរពេទ្យ Queen Elizabeth ក្នុងទីក្រុងហុងកុង ហើយរំពឹងថា នៅមានជីវិត។ សម្រាប់ច្បាប់ហុងកុង បទចោទនៃការធ្វើកុបកម្ម អាចជាប់ពន្ធនាគារដល់ទៅ ១០ឆ្នាំ។
វីដេអូនៃឧបទ្ទវហេតុនេះ បង្ហាញថា បាតុករមួយក្រុមដែលប្រដាប់ដោយដំបងដែក និងឆត្រក្នុងដៃ ដេញវាយប៉ូលិសហុងកុង មុនពេលដែលមន្ត្រីប៉ូលិសម្នាក់បានសម្រេចចិត្តបាញ់កាំភ្លើងរបស់ខ្លួន។បាតុករហុងកុងដែលត្រូវបាញ់នោះ ត្រូវបានមើលឃើញថា យកដំបងដែកវាយលើសមត្ថកិច្ចប៉ូលិសនោះ មុននឹងកាំភ្លើងត្រូវបានកេះកៃ។
សូមបញ្ជាក់ដែរថា ក្រោយកើតហេតុ មេប៉ូលិសហុងកុងបានចេញមុខការពារមន្ត្រីប៉ូលិសដែលបាញ់បាតុករនោះ។ តាមការចុះផ្សាយរបស់ទីភ្នាក់ងារព័ត៌មាន AFP ស្នងការប៉ូលិសហុងកុង លោក Stephen Lo បញ្ជាក់ថា មន្ត្រីប៉ូលិសរូបនោះសម្រេចចិត្តបាញ់កាំភ្លើងក្នុងគោលដៅការពារខ្លួនឯងប៉ុណ្ណោះ ក្រោយពីមើលឃើញថា ជីវិតលោកនិងមិត្តរួមការងារស្ថិតក្នុងស្ថានភាពគ្រោះថ្នាក់៕
អាជ្ញាធរហុងកុង នៅថ្ងៃព្រហស្បតិ៍ ទី៣ ខែតុលា បានសម្រេចចោទប្រកាន់យុវជនវ័យ១៨ឆ្នាំម្នាក់ឈ្មះថា Tsang Chi-kin ជាមួយបទល្មើសកុបកម្មនិងការប្រើអំពើហិង្សាលើមន្ត្រីប៉ូលិសក្នុងសង្កាត់ Tsuen Wan ។ តាមការចុះផ្សាយរបស់ទូរទស្សន៍ហុងកុង RTHK សិស្សថ្នាក់វិទ្យាល័យរូបនេះ ជាមនុស្សម្នាក់ក្នុងចំណោមអ្នកតវ៉ា៧នាក់ផ្សេងទៀត អាយុចន្លោះពី ១៨ ដល់ ៣៩ឆ្នាំ ដែលត្រូវចោទប្រកាន់ពីបទល្មើសដូចគ្នានេះ ។
ប៉ូលិសហុងកុង អះអាងថា សិស្សហុងកុងជាបាតុករ ត្រូវបានបាញ់ចំស្មាខាងឆ្វេង ក៏ប៉ុន្តែសារព័ត៌មានហុងកុងជាច្រើន ចុះផ្សាយថា យុវជន Tsang ត្រូវគ្រាប់ចំដើមទ្រូង។ បច្ចប្បន្ន សិស្សរូបនេះ កំពុងសម្រាកព្យាបាលនៅមន្ទីរពេទ្យ Queen Elizabeth ក្នុងទីក្រុងហុងកុង ហើយរំពឹងថា នៅមានជីវិត។ សម្រាប់ច្បាប់ហុងកុង បទចោទនៃការធ្វើកុបកម្ម អាចជាប់ពន្ធនាគារដល់ទៅ ១០ឆ្នាំ។
វីដេអូនៃឧបទ្ទវហេតុនេះ បង្ហាញថា បាតុករមួយក្រុមដែលប្រដាប់ដោយដំបងដែក និងឆត្រក្នុងដៃ ដេញវាយប៉ូលិសហុងកុង មុនពេលដែលមន្ត្រីប៉ូលិសម្នាក់បានសម្រេចចិត្តបាញ់កាំភ្លើងរបស់ខ្លួន។បាតុករហុងកុងដែលត្រូវបាញ់នោះ ត្រូវបានមើលឃើញថា យកដំបងដែកវាយលើសមត្ថកិច្ចប៉ូលិសនោះ មុននឹងកាំភ្លើងត្រូវបានកេះកៃ។
សូមបញ្ជាក់ដែរថា ក្រោយកើតហេតុ មេប៉ូលិសហុងកុងបានចេញមុខការពារមន្ត្រីប៉ូលិសដែលបាញ់បាតុករនោះ។ តាមការចុះផ្សាយរបស់ទីភ្នាក់ងារព័ត៌មាន AFP ស្នងការប៉ូលិសហុងកុង លោក Stephen Lo បញ្ជាក់ថា មន្ត្រីប៉ូលិសរូបនោះសម្រេចចិត្តបាញ់កាំភ្លើងក្នុងគោលដៅការពារខ្លួនឯងប៉ុណ្ណោះ ក្រោយពីមើលឃើញថា ជីវិតលោកនិងមិត្តរួមការងារស្ថិតក្នុងស្ថានភាពគ្រោះថ្នាក់៕
Tag:
ហុងកុង
ប៉ូលិស
© រក្សាសិទ្ធិដោយ thmeythmey.com
