អនុប្រធានមន្ទីរមួយរូបនៅកំពង់ឆ្នាំង ទទួលមរណភាពក្រោយបើករថយន្តធ្លាក់ចូលទឹក

ជាតិ

សង្គមជាតិ

អនុប្រធានមន្ទីរមួយរូបនៅកំពង់ឆ្នាំង ទទួលមរណភាពក្រោយបើករថយន្តធ្លាក់ចូលទឹក

04, Oct 2019 , 9:33 am

រូបភាព

រថយន្តរបស់លោក គិន ពិសាល នៅក្នុងទឹក នៅម្តុំផ្លូវកោង ក្នុងភូមិទី៧ សង្កាត់ខ្សាម ក្រុងកំពង់ឆ្នាំង ។ រូបភាព៖ មន្ទីរព័ត៌មានខេត្តកំពង់ឆ្នាំង។

ដោយ: អ៊ូ សុខមាន (OU Sokmean)

ភ្នំពេញ៖ លោក គិន ពិសាល អនុប្រធានមន្ទីរទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចនៅខេត្តកំពង់ឆ្នាំងមួយរូប បានទទួលមរណភាពក្នុងអាយុ៣១ឆ្នាំ បន្ទាប់ពីបើករថយន្តធ្លាក់ចូលទៅក្នុងទឹក ដែលស្ថិតនៅតាមបណ្តោយផ្លូវ។ នេះបើតាមរបាយការណ៍របស់មន្ទីរព័ត៌មានខេត្តកំពង់ឆ្នាំង ដែលផ្ញើទៅលោករដ្ឋមន្ត្រី ខៀវ កាញារីទ្ធ។

ហេតុការណ៍បានកើតឡើងកាលពីយប់ថ្ងៃទី៣ ខែតុលា នៅចំណុចផ្លូវកោង ក្នុងភូមិទី៧ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។ មន្ទីរព័ត៌មានខេត្ត ក៏បានបង្ហើបពីអត្តសញ្ញាណជនរងគ្រោះ និងរូបថតសពរបស់ជនរងគ្រោះផងដែរ។

នគរបាលចរាចរណ៍បានឲ្យដឹងថា ករណីគ្រោះថ្នាក់ចរាចរណ៍នេះ គឺជនរងគ្រោះបើករថយន្តធ្លាក់ផ្លូវក្រឡាប់ចូលទៅក្នុងទឹក និងបង្កគ្រោះថ្នាក់ដោយខ្លួនឯង៕