អន្តរជាតិ
លោកប្រធានាធិបតីរុស្ស៊ី វ្លាឌីមៀ ពូទីន (ឆ្វេង) និងសកម្មជនបរិស្ថានជនជាតិស៊ុយអែត វ័យ ១៦ឆ្នាំ Greta Thunberg
×![]()
ប្រធានាធិបតីរុស្ស៊ី លោក វ្ល៉ាឌីមៀ ពូទីន នៅថ្ងៃទី៣ ខែតុលា បាននិយាយធ្ងន់ៗលើសកម្មជនបរិស្ថានជនជាតិស៊ុយអែត Greta Thunberg ។ មេដឹកនាំរូបនេះ មិនរំភើបនឹងសុន្ទរកថារបស់នាងនៅអង្គការសហប្រជាជាតិដែលធ្វើឡើងកាលពីខែមុនឡើយ ហើយថែមទាំងនិយាយទៀតថា នាង Thunberg មិនយល់ពីពិភពលោកដែលស្មុគស្មាញមួយនេះផងដែរ។ 
យុវតីវ័យ១៦ឆ្នាំ Greta Thunberg បានធ្វើឲ្យអ្នកចូលរួមនៅជំនួបមហាសន្និបាតអង្គការសហប្រជាជាតិ (UNGA) ស្តីពីសកម្មភាពអាកាធាតុ នាទីក្រុងញូវយ៉ក ភ្ញាក់ផ្អើលជាខ្លាំង នៅពេលនាងបានរិះគន់ធ្ងន់ៗលើបណ្តាមេដឹកនាំពិភពលោកថាបរាជ័យក្នុងការដោះស្រាយវិបត្តិបម្រែប្រួលអាកាសធាតុ។ សម្តីមួយឃ្លាដែលមនុស្សរាប់លាននាក់ចាប់អារម្មណ៍នោះគឺ នាងបានស្រែកទាំងកំហឹងថា «ហេតុម្តេចអ្នកហ៊ានម្ល៉េះ!»។
លោកប្រធានាធិបតរុស្ស៊ី វ្ល៉ាឌីមៀ ពូទីន ដែលធ្វើជាប្រធានវេទិកាថាមពលមួយ ក្នុងរដ្ឋធានី មូស្គូ គូសបញ្ជាក់ថា៖«ខ្ញុំ ប្រហែលជាធ្វើឲ្យអ្នកខកចិត្ត ក៏ប៉ុន្តែខ្ញុំពុំចែករំលែកការរំភើបជុំវិញសុន្ទរកថាដែលធ្វើឡើងដោយនាង Greta Thunberg ឡើយ»។ លោក បន្តថា៖«គ្មាននរណាម្នាក់ បានពន្យល់ប្រាប់នាង Grata ថា ពិភពលោកទំនើប មានលក្ខណៈស្មុគស្មាញ និងខុសប្លែក […] ហើយប្រជាជនក្នុងតំបន់អាហ្វ្រិក ឬបណ្តាប្រទេសជាច្រើនក្នុងតំបន់អាស៊ី ចង់រស់នៅក្នុងជីវភាពល្អប្រសើរដូចគ្នាទៅនឹងប្រជាជនក្នុងប្រទេសស៊ុយអែតផងដែរ»។
តាមការចុះផ្សាយរបស់ទីភ្នាក់ងារព័ត៌មាន Reuters មេដឹកនាំវ័យ៦៦ឆ្នាំរូបនេះ សង្កត់ធ្ងន់ថា យុវជន ដែលយកចិត្តទុកដាក់ចំពោះបញ្ហាបរិស្ថាន គួរត្រូវបានគាំទ្រលើកទឹកចិត្ត។ ក៏ប៉ុន្តែនៅពេលនរណាម្នាក់កំពុងប្រើប្រាស់កុមារនិងមនុស្សវ័យជំទង់ ដើម្បីតែផលប្រយោជន៍ខ្លួននោះ ពួកគេសមតែរងការថ្កោលទោសមួយមុខគត់។
ទន្ទឹមនេះ លោក ពូទីន បញ្ជាក់ទៀតថា លោកយល់ច្បាស់ថា Greta គឺជាយុវតីស្លូតបូត និងចិត្តល្អម្នាក់ ប៉ុន្តែពួកមនុស្សចាស់ត្រូវធានាឲ្យបានថា កុមារនិងមនុស្សវ័យជំទង់ពុំធ្លាក់ចូលក្នុងស្ថានភាពអាក្រក់បំផុត។ ក្រៅពីលោកពូទីន ប្រធានាធិបតីអាមេរិក ដូណាល់ ត្រាំ ក៏ធ្លាប់ឌឺដងសកម្មជនបរិស្ថាន Greta ផងដែរ។
សូមរម្លឹកដែរថា នៅចំពោះមុខមេដឹកនាំប្រមាណ៦០ នាក់ មកពីជុំវិញពិភពលោកកាលពីថ្ងៃ ២៣ កញ្ញា យុវតី Greta Thunberg និយាយទាំងក្តុកក្តួលថា៖«នេះគឺខុសទាំងស្រុង។ ខ្ញុំពុំគួរអង្គុយនៅទីនេះឡើយ។ ខ្ញុំគួរត្រលប់ទៅសាលារៀននៅជ្រុងម្ខាងនៃមហាសមុទ្រ ប៉ុន្តែអ្នកទាំងអស់គ្នាមករកពួកយើងជាមនុស្សវ័យក្មេងសម្រាប់ក្តីសង្ឃឹមទៅវិញ។ ហេតុដូចម្តេចអ្នកហ៊ានបែបនេះ?»។
«អ្នកបានលួចក្តីសុបិន និងកុមារភាពខ្ញុំ ជាមួយពាក្យមិនបានការរបស់អ្នក»។ Thunberg និយាយបែបនេះ ដោយបានទទូចឲ្យមេដឹកនាំទាំងនេះដាក់ចេញវិធានការជាបន្ទាន់ដើម្បីប្រយុទ្ធប្រឆាំងបញ្ហាប្រែបម្រួលអាកាសធាតុ។ ត្រង់នេះ យុវតីក្លាហានរូបនេះ សង្កត់ធ្ងន់ថា៖«យើងកំពុងតាមដានអ្នក»។
គួរកត់សម្គាល់ថា ក្រោយការបំផុសគំនិតចេញពីបាតុកម្មប្រចាំសប្តាហ៍នៅក្រៅអគារសភាស៊ុយអែតពីសំណាក់យុវតី Greta Thunberg មួយឆ្នាំកន្លងផុតទៅ មនុស្សរាប់លាននាក់នៅទូទាំងពិភពលោក បានប្រមូលផ្តុំគ្នាតវ៉ាតាមដងផ្លូវដើម្បីទាមទារឲ្យរដ្ឋាភិបាលចាត់វិធានការទប់ទល់នឹងបញ្ហាបម្រែបម្រួលអាកាសធាតុជាបន្ទាន់៕
យុវតីវ័យ១៦ឆ្នាំ Greta Thunberg បានធ្វើឲ្យអ្នកចូលរួមនៅជំនួបមហាសន្និបាតអង្គការសហប្រជាជាតិ (UNGA) ស្តីពីសកម្មភាពអាកាធាតុ នាទីក្រុងញូវយ៉ក ភ្ញាក់ផ្អើលជាខ្លាំង នៅពេលនាងបានរិះគន់ធ្ងន់ៗលើបណ្តាមេដឹកនាំពិភពលោកថាបរាជ័យក្នុងការដោះស្រាយវិបត្តិបម្រែប្រួលអាកាសធាតុ។ សម្តីមួយឃ្លាដែលមនុស្សរាប់លាននាក់ចាប់អារម្មណ៍នោះគឺ នាងបានស្រែកទាំងកំហឹងថា «ហេតុម្តេចអ្នកហ៊ានម្ល៉េះ!»។
លោកប្រធានាធិបតរុស្ស៊ី វ្ល៉ាឌីមៀ ពូទីន ដែលធ្វើជាប្រធានវេទិកាថាមពលមួយ ក្នុងរដ្ឋធានី មូស្គូ គូសបញ្ជាក់ថា៖«ខ្ញុំ ប្រហែលជាធ្វើឲ្យអ្នកខកចិត្ត ក៏ប៉ុន្តែខ្ញុំពុំចែករំលែកការរំភើបជុំវិញសុន្ទរកថាដែលធ្វើឡើងដោយនាង Greta Thunberg ឡើយ»។ លោក បន្តថា៖«គ្មាននរណាម្នាក់ បានពន្យល់ប្រាប់នាង Grata ថា ពិភពលោកទំនើប មានលក្ខណៈស្មុគស្មាញ និងខុសប្លែក […] ហើយប្រជាជនក្នុងតំបន់អាហ្វ្រិក ឬបណ្តាប្រទេសជាច្រើនក្នុងតំបន់អាស៊ី ចង់រស់នៅក្នុងជីវភាពល្អប្រសើរដូចគ្នាទៅនឹងប្រជាជនក្នុងប្រទេសស៊ុយអែតផងដែរ»។
តាមការចុះផ្សាយរបស់ទីភ្នាក់ងារព័ត៌មាន Reuters មេដឹកនាំវ័យ៦៦ឆ្នាំរូបនេះ សង្កត់ធ្ងន់ថា យុវជន ដែលយកចិត្តទុកដាក់ចំពោះបញ្ហាបរិស្ថាន គួរត្រូវបានគាំទ្រលើកទឹកចិត្ត។ ក៏ប៉ុន្តែនៅពេលនរណាម្នាក់កំពុងប្រើប្រាស់កុមារនិងមនុស្សវ័យជំទង់ ដើម្បីតែផលប្រយោជន៍ខ្លួននោះ ពួកគេសមតែរងការថ្កោលទោសមួយមុខគត់។
ទន្ទឹមនេះ លោក ពូទីន បញ្ជាក់ទៀតថា លោកយល់ច្បាស់ថា Greta គឺជាយុវតីស្លូតបូត និងចិត្តល្អម្នាក់ ប៉ុន្តែពួកមនុស្សចាស់ត្រូវធានាឲ្យបានថា កុមារនិងមនុស្សវ័យជំទង់ពុំធ្លាក់ចូលក្នុងស្ថានភាពអាក្រក់បំផុត។ ក្រៅពីលោកពូទីន ប្រធានាធិបតីអាមេរិក ដូណាល់ ត្រាំ ក៏ធ្លាប់ឌឺដងសកម្មជនបរិស្ថាន Greta ផងដែរ។
សូមរម្លឹកដែរថា នៅចំពោះមុខមេដឹកនាំប្រមាណ៦០ នាក់ មកពីជុំវិញពិភពលោកកាលពីថ្ងៃ ២៣ កញ្ញា យុវតី Greta Thunberg និយាយទាំងក្តុកក្តួលថា៖«នេះគឺខុសទាំងស្រុង។ ខ្ញុំពុំគួរអង្គុយនៅទីនេះឡើយ។ ខ្ញុំគួរត្រលប់ទៅសាលារៀននៅជ្រុងម្ខាងនៃមហាសមុទ្រ ប៉ុន្តែអ្នកទាំងអស់គ្នាមករកពួកយើងជាមនុស្សវ័យក្មេងសម្រាប់ក្តីសង្ឃឹមទៅវិញ។ ហេតុដូចម្តេចអ្នកហ៊ានបែបនេះ?»។
«អ្នកបានលួចក្តីសុបិន និងកុមារភាពខ្ញុំ ជាមួយពាក្យមិនបានការរបស់អ្នក»។ Thunberg និយាយបែបនេះ ដោយបានទទូចឲ្យមេដឹកនាំទាំងនេះដាក់ចេញវិធានការជាបន្ទាន់ដើម្បីប្រយុទ្ធប្រឆាំងបញ្ហាប្រែបម្រួលអាកាសធាតុ។ ត្រង់នេះ យុវតីក្លាហានរូបនេះ សង្កត់ធ្ងន់ថា៖«យើងកំពុងតាមដានអ្នក»។
គួរកត់សម្គាល់ថា ក្រោយការបំផុសគំនិតចេញពីបាតុកម្មប្រចាំសប្តាហ៍នៅក្រៅអគារសភាស៊ុយអែតពីសំណាក់យុវតី Greta Thunberg មួយឆ្នាំកន្លងផុតទៅ មនុស្សរាប់លាននាក់នៅទូទាំងពិភពលោក បានប្រមូលផ្តុំគ្នាតវ៉ាតាមដងផ្លូវដើម្បីទាមទារឲ្យរដ្ឋាភិបាលចាត់វិធានការទប់ទល់នឹងបញ្ហាបម្រែបម្រួលអាកាសធាតុជាបន្ទាន់៕
Tag:
រុស្ស៊ី
ពូទីន
UN
Greta Thunberg
© រក្សាសិទ្ធិដោយ thmeythmey.com
