ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
សមាគមយុវជនអាស៊ានពង្រីកកម្មវិធី ដើម្បីពង្រឹងចំណងមិត្តភាពកាន់តែស្និទ្ធិស្នាល រវាងប្រជាជន និងប្រជាជនក្នុងតំបន់
07, Oct 2019 ,
5:01 pm
រូបភាព
×
ដោយ:
ថ្មីៗ
សៀមរាប ថ្ងៃទី៧ ខែតុលា ឆ្នាំ២០១៩៖ កាលពីសប្តាហ៍មុន មេដឹកនាំវ័យក្មេងរបស់សហគមន៍អាស៊ានចំនួន៣៩នាក់ បានជួបជុំគ្នានៅប្រទេសសិង្ហបុរី ដើម្បីផ្លាស់ប្តូរមតិយោបល់ ក៏ដូចជា ពិភាក្សាលើបញ្ហា និងឱកាសនានា ដើម្បីធ្វើកិច្ចសហប្រតិបត្តិការ សម្រាប់ភាពជាដៃគូប្រកបដោយនិរន្តរភាព ក្នុងកម្មវិធីសមាគមយុវជនអាស៊ាន (AYF) លើកទី២ ដែលបានរៀបចំឡើងដោយអង្គការអន្តរជាតិសិង្ហបុរី (SIF) និងក្រុមប្រឹក្សាយុវជនជាតិ (NYC)។ មេដឹកនាំវ័យក្មេង៣នាក់របស់វៀតណាម ក៏បានចូលរួមក្នុងព្រឹត្តិការណ៍នេះដែរ និងបានចែករំលែកបទពិសោធរបស់ពួកគេ ទាំងក្នុងវិស័យសង្គម និងសេដ្ឋកិច្ច។ ក្រោមទស្សនទាន«ភាពជាដៃគូសម្រាប់និរន្តរភាពសហគមន៍អាស៊ាន»កម្មវិធីនៅឆ្នាំនេះ ផ្តោតទៅលើសារសំខាន់នៃទំនាក់ទំនងដ៏កក់ក្តៅ រវាងប្រជាជន និងប្រជាជន ដើម្បីធានាឲ្យបាន នូវនិរន្តរភាពនៃសង្គម បរិស្ថាន និងសេដ្ឋកិច្ច ក្នុងតំបន់នេះ។
ត្រឹមឆ្នាំ២០២០ អត្រាប្រជាជនច្រើនជាងពាក់កណ្តាល នៅសហគមន៍អាស៊ាន នឹងមានអាយុក្រោម៣៥ឆ្នាំ។ កម្មវិធីអភិវឌ្ឍភាពជាអ្នកដឹកនាំនេះ ប្រមូលផ្តុំមេដឹកនាំវ័យក្មេងជំនាន់ក្រោយ មកពីវិស័យប្រជាជន ឯកជន និងសាធារណៈ (3p)ជាច្រើន ដែលត្រូវបានចាត់ទុកថាមានសក្តានុពលក្នុងការទទួលតំណែងថ្នាក់ដឹកនាំដ៏មានឥទ្ធិពល នាថ្ងៃអនាគត និងចូលរួមចំណែកបន្ថែមទៀត ដើម្បីធ្វើឲ្យតំបន់នេះ កាន់តែរីកចម្រើនទៅមុខ។ កម្មវិធីសមាគមយុវជនអាស៊ាននេះ មានគោលបំណង ជួយឲ្យអ្នកចូលរួមទាំងអស់ មានឱកាសក្នុងការចែករំលែកបទពិសោធនានា បង្កើតទំនាក់ទំនង និងធ្វើការរួមគ្នា ដើម្បីបង្កើតបណ្តាញដ៏រឹងមាំមួយ របស់មេដឹកនាំវ័យអាស៊ានវ័យក្មេង ដែលអាចធ្វើឲ្យមានការផ្លាស់ប្តូរជាវិជ្ជមានក្នុងតំបន់។
ក្រោយពីទទួលបានភាពជោគជ័យក្នុងឆ្នាំទី១របស់ខ្លួន កាលពីឆ្នាំ២០១៨ កម្មវិធីសមាគមយុវជនអាស៊ានមួយនេះ ដែលមានទីតាំងនៅប្រទេសសិង្ហបុរី ក៏បានពង្រីកសមាសភាពនៅក្រៅប្រទេស ទៅកាន់ទីក្រុងគូឡាឡាំពួ ប្រទេសម៉ាឡេស៊ី នៅឆ្នាំនេះផងដែរ ដើម្បីបង្កើនការផ្លាស់ប្តូរ និងឱកាសផ្សេងៗ សម្រាប់កិច្ចសហប្រតិបត្តិការនេះ។
កម្មវិធីដែលមានរយៈពេល១សប្តាហ៍ពេញ ដែលបានចាប់ពីថ្ងៃទី២៨ ខែកញ្ញា ដល់ថ្ងៃទី៥ ខែតុលា ឆ្នាំ២០១៩នេះ ក៏មានកិច្ចពិភាក្សា និងដំណើរចុះកម្មសិក្សាជាច្រើនផងដែរ។ អ្នកចូលរួមក្នុងកម្មវិធីនេះ សុទ្ធសឹងមានឱកាសផ្លាស់ប្តូរយោបល់ ជាមួយមេដឹកនាំដ៏មានទេពកោសល្យ និងអ្នកធ្វើការក្នុងការិយាល័យនយោបាយជាច្រើន ក្នុងនោះរាប់បញ្ចូលទាំងលោក Teo Chee Hean ទេសរដ្ឋមន្ត្រី និងជារដ្ឋមន្ត្រីសម្របសម្រួលសម្រាប់សន្តិសុខជាតិរបស់សិង្ហបុរី និងលោក Syed Saddiq Syed Abdul រដ្ឋមន្ត្រីក្រសួងយុវជន និងកីឡារបស់ម៉ាឡេស៊ី ផងដែរ។
សកម្មភាពនានាក្នុងកម្មវិធីនេះ ក៏រាប់បញ្ចូលទាំង ការចែករំលែកបទពិសោធផ្សេងៗ ទៅលើការប្រតិបត្តិអាជីវកម្មប្រកបដោយនិរន្តរភាព ពីសំណាក់ធនាគារ DBS និងក្រុមហ៊ុនអចលនទ្រព្យ CapitaLand ក៏ដូចជាការរៀបចំដំណើរទស្សនកិច្ចមួយ ទៅកាន់តំបន់កោះទើបបង្កើតថ្មី Semakau Landfill ដើម្បីឲ្យអ្នកចូលរួម អាចសិក្សាទៅលើការគ្រប់គ្រងសំរាមប្រកបដោយនិរន្តរភាព ក្នុងប្រទេសមានដីតូចដូចជាសិង្ហបុរី។ អំឡុងពេលនៃកម្មវិធីនៅទីក្រុងគូឡាឡាំពួ ចាប់ពីថ្ងៃទី១ ដល់ទី៣ ខែតុលា កម្មវិធីនេះ ត្រូវបានរៀបចំឡើង ដោយសហគ្រាសសង្គម Native និង Epic Collective របស់ម៉ាឡេស៊ី ទាក់ទងនឹងដំណើរទស្សនកិច្ចសិក្សាផ្នែកវប្បធម៌ ជាមួយនឹងសហគមន៍ Orang Asli។ អ្នកចូលរួមទាំងអស់ ក៏បានសិក្សាអំពីកិច្ចការងារ របស់មជ្ឈមណ្ឌលគំនិតច្នៃប្រឌិត និងការបង្កើតថ្មី ជាសកលរបស់ម៉ាឡេស៊ី (MaGIC) ក្នុងការបង្កើតប្រព័ន្ធអេកូឡូស៊ី នៃសហគ្រិនភាពប្រកបដោយនិរន្តរភាព ក្នុងប្រទេសម៉ាឡេស៊ី រួមជាមួយនឹងសកម្មភាពជាច្រើនផ្សេងទៀត ផងដែរ។
លោកអ្នកស្រី Jean Tan នាយកប្រតិបត្តិអង្គការអន្តរជាតិសិង្ហបុរី មានប្រសាសន៍ថា៖«កម្មវិធីសមាគមយុវជនអាស៊ាន បង្ហាញពីតម្លៃនៃចំណងមិត្តភាពរបស់វប្បធម៌ចម្រុះ ក្នុងទិដ្ឋភាពជា សកលមួយ ដែលកំពុងតែផ្លាស់ប្តូរយ៉ាងឆាប់រហ័ស។ យើងសង្កេតឃើញពីការបង្ហាញខ្លួនរបស់មេដឹកនាំអាស៊ានវ័យក្មេងជាច្រើន ក្នុងនាមជាអ្នកត្រួសត្រាយផ្លូវ ដែលមានសក្តានុពល ក្នុងការជួយលើកកម្ពស់ការយោគយល់រវាងគ្នា និងជួយឲ្យមានកិច្ចខិតខំប្រឹងប្រែងជាបុគ្គលិក ដើម្បីបង្កើតឲ្យមានការជះឥទ្ធិពលជាវិជ្ជមាន និងប្រកបដោយនិរន្តរភាព។ អង្គការអន្តរជាតិសិង្ហបុរី ពិតជាមានមោទកភាពណាស់ ក្នុងការក្លាយជាផ្នែកមួយនៃកម្មវិធីដ៏មានអត្ថន័យនេះ និងមានមោទកភាព ក្នុងការចូលរួមចំណែក ជំរុញឲ្យមានកិច្ចខិតខំប្រឹងប្រែងរបស់យុវជនយើង ក្នុងការបង្កើតសហគមន៍អាស៊ាន ដែលមានការរួបរួមគ្នា មានភាពស្អិតល្មួត និងនិរន្តរភាពបន្ថែមទៀត។
លោក David Chua នាយកប្រតិបត្តិក្រុមប្រឹក្សាយុវជនជាតិ មានប្រសាសន៍ថា កម្មវិធីសមាគមយុវជនអាស៊ាននេះ ផ្តល់នូវផ្លាតហ្វមមួយ ក្នុងការបង្កើតឲ្យមានទំនាក់ទំនង រវាងយុវជន និងយុវជន ដ៏រឹងមាំ និងធ្វើឲ្យទំនាក់ទំនងក្នុងតំបន់ កាន់តែមានភាពល្អប្រសើរឡើង។ លោក David Chua បន្ថែម៖«យើងមើលឃើញរួចជាស្រេច នូវលទ្ធផលផ្សេងៗ ដែលត្រូវបានធ្វើឲ្យលេចចេញជារូបរាងឡើង ដោយសារតែកម្មវិធីលើកទី១ កាលពីឆ្នាំមុន។ មេដឹកនាំវ័យក្មេងទាំងនេះ បន្តរក្សាទំនាក់ទំនងរបស់ខ្លួនយ៉ាងសកម្ម បន្តធ្វើឲ្យបណ្តាញរបស់ពួកគេដំណើរការ ដើម្បីដោះស្រាយបញ្ហាដែលទាក់ទងនានា និងបានធ្វើកិច្ចសហប្រតិបត្តិការជាច្រើន ទៅលើគម្រោងនានា ដែលជះឥទ្ធិពលដល់សង្គម។ មូលនិធិយុវជនអាស៊ាន-សិង្ហបុរី (SAYF) នឹងគាំទ្រកម្មវិធីផ្តួច ផ្តើមទាំងនេះ ដែលបង្ហាញពីសារសំខាន់នៃបញ្ហា សង្គម-សេដ្ឋកិច្ច-វប្បធម៌ សម្រាប់សហគមន៍អាស៊ាន។ ក្តីសង្ឃឹមរបស់ខ្ញុំគឺថា កម្មវិធីសមាគមយុវជនអាស៊ាន នឹងបន្តធ្វើឲ្យយុវជនរបស់យើង កាន់តែខ្លាំង ដើម្បីត្រៀមខ្លួនឲ្យបានរួចរាល់សម្រាប់អាស៊ី ខណៈដែលយុវជនទាំងនេះ នឹងឆ្ពោះទៅកាន់ការបង្កើតសមាគមមួយ ដែលផ្តល់ឥទ្ធិពលជាវិជ្ជមាន»។
កម្មវិធីសមាគមយុវជនអាស៊ាន គឺជាកម្មវិធីអភិវឌ្ឍភាពជាអ្នកដឹកនាំ ផ្អែកទៅលើការជ្រើសរើសមួយ សម្រាប់យុវជនអាស៊ាន ដែលមានអាយុចន្លោះពី២៧ ដល់៣៥ឆ្នាំ មកពីវិស័យទាំង៣ (វិស័យប្រជាជន សាធារណៈ និងឯកជន)។ ក្រោមកិច្ចសហប្រតិបត្តិការ រវាងអង្គការអន្តរជាតិសិង្ហបុរី និងក្រុមប្រឹក្សាយុជនជាតិ កម្មវិធីសមាគមយុវជនអាស៊ាន ត្រូវបានបង្កើតឡើង ដើម្បីផ្តល់អំណាចដល់មេដឹកនាំយុវជនទូទាំងអាស៊ាន ដើម្បីអភិវឌ្ឍបណ្តាញដ៏រឹងមាំមួយ រវាងយុវជនដូចគ្នា និងរួមគ្នា ធ្វើឲ្យសហគមន៍អាស៊ាន ក្លាយជាអង្គភាពដ៏រឹងមាំ និងមានការរួបរួមគ្នា ក្នុងបរិស្ថាន។
ស្វែងរកព័ត៌មានបន្ថែម តាមរយៈ www.sif.org.sg
សម្រាប់ព័ត៌មានបន្ថែម សូមទាក់ទងទៅកាន់:
លោក Shah Jahan Tajudeen
អ្នកចាត់ការទូទៅផ្នែកទំនាក់ទំនង និងកិច្ចសហប្រតិបត្តិការរបស់អង្គការអន្តរជាតិសិង្ហបុរី
អ៊ីម៉ែល:
[email protected]
DID: +65 6690 6353
ទូរស័ព្ទ: +65 9456 8424៕
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 ថ្ងៃ
អត្ថបទពេញនិយមបន្ថែម