កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Manchester United រកបានតែ៩ពិន្ទុប៉ុណ្ណោះពីការប្រកួត៨លើកនៅ Premier League ដោយតាមពីក្រោយ Liverpool ដល់ទៅ១៥ពិន្ទុ។ នេះជាការចាប់ផ្តើមរដូវកាលដ៏អាក្រក់របស់បិសាចក្រហមនៅរយៈពេល៣០ឆ្នាំចុងក្រោយក្រោមការដឹកនាំរបស់លោក Ole Gunnar Solskjaer ពោលគឺយ៉ាប់យឺនជាងការដឹកនាំរបស់លោក Jose Mourinho ដែលត្រូវបញ្ចប់តំណែងនៅពាក់កណ្តាលរដូវកាលមុនទៅទៀត។
ក្នុងចំណោម៨ប្រកួត Man Utd រកបានជ័យជម្នះតែ២លើកគត់គឺឈ្នះ Chelsea ដល់ទៅ ៤-០ នៅជំនួបបើកឆាក និងឈ្នះ Leicester City ១-០ តែចាញ់៣ និងស្មើ៣ ឈរចំណាត់ថ្នាក់ទី១២បណ្តោះអាសន្នសម្រាប់រដូវកាល ២០១៩-២០នេះ។ បិសាចក្រហមនាំមុខក្រុមត្រូវកាត់ចោល Everton តែ២ពិន្ទុប៉ុណ្ណោះ។
ក្រោយសម្រាកលីគមួយសប្តាហ៍ ដ្បិតមានការប្រកួតសម្រាប់ជម្រើសជាតិនោះ នៅថ្ងៃទី២០ ខែតុលា Man Utd នឹងត្រូវបើកទ្វារ Old Trafford ដើម្បីស្វាគមន៍ក្រុមកំពូលតារាង Liverpool សម្រាប់ជំនួបសប្តាហ៍ទី៩។ នេះជាប្រកួតដ៏សំខាន់ និងត្រូវការឈ្នះជាចាំបាច់សម្រាប់លោក Solskjaer ដើម្បីរក្សាកៅអីអ្នកចាត់ការទូទៅរបស់ខ្លួន។ ប៉ុន្តែបើបរាជ័យនៅជំនួបនេះ អ្នកចាត់ការសញ្ជាតិន័រវេស វ័យ៤៦ឆ្នាំរូបនេះ មានភាគរយច្រើនណាស់ដែលត្រូវក្លិបបញ្ចប់តំណែង។
កាលពីរដូវកាលមុនម្ចាស់ជើងឯកលីគកំពូលអង់គ្លេស២០សម័យមួយនេះ ក៏បានបញ្ចប់លោក Jose Mourinho ពីតំណែងទាំងនៅសល់កិច្ចសន្យាផងដែរ បន្ទាប់ពីចាញ់ហង្សក្រហម ៣-១ ជាមួយគម្លាតរហូត១៩ពិន្ទុ។
ក្រោយអ្នកចាត់ការសញ្ជាតិព័រទុយហ្គាល់ចាកចេញពី Manchester លោក Solskjaer បានឡើងទៅជំនួសតំណែងភ្លាមៗ។ យ៉ាងណា Solskjaer មិនអាចជួយក្រុមទទួលបានចំណាត់ថ្នាក់ Top 4 ដើម្បីបានកៅអីលេង Champions League ឡើយ។ Man Utd បញ្ចប់ទៅក្នុងចំណាត់ថ្នាក់ទី៦ ក្នុងតារាង Premier League រដូវកាលមុន ដោយបានលេងត្រឹមក្របខណ្ឌទី២អឺរ៉ុបប៉ុណ្ណោះ។
ស្របពេលកៅអីកំពុងតែក្តៅ តើវាសនាលោក Solskjaer ឆ្នាំនេះ ដូច Mourinho ឆ្នាំមុនដែរឬទេ ប្រសិនបើ Man Utd ចាញ់ Liverpool ដែលជាក្រុមកំពុងឡើងជើងនោះ?
សូមបញ្ជាក់ថា ក្រោយ Sir Alex Ferguson ចាកចេញនៅឆ្នាំ២០១៣ ក្លិប Man Utd បានបញ្ចប់តំណែងគ្រូចំនួន៣លើករួចមកហើយ ក្នុងនោះរួមមានលោក David Moyes លោក Louis van Gaal និងចុងក្រោយលោក Jose Mourinho៕
ក្នុងចំណោម៨ប្រកួត Man Utd រកបានជ័យជម្នះតែ២លើកគត់គឺឈ្នះ Chelsea ដល់ទៅ ៤-០ នៅជំនួបបើកឆាក និងឈ្នះ Leicester City ១-០ តែចាញ់៣ និងស្មើ៣ ឈរចំណាត់ថ្នាក់ទី១២បណ្តោះអាសន្នសម្រាប់រដូវកាល ២០១៩-២០នេះ។ បិសាចក្រហមនាំមុខក្រុមត្រូវកាត់ចោល Everton តែ២ពិន្ទុប៉ុណ្ណោះ។
ក្រោយសម្រាកលីគមួយសប្តាហ៍ ដ្បិតមានការប្រកួតសម្រាប់ជម្រើសជាតិនោះ នៅថ្ងៃទី២០ ខែតុលា Man Utd នឹងត្រូវបើកទ្វារ Old Trafford ដើម្បីស្វាគមន៍ក្រុមកំពូលតារាង Liverpool សម្រាប់ជំនួបសប្តាហ៍ទី៩។ នេះជាប្រកួតដ៏សំខាន់ និងត្រូវការឈ្នះជាចាំបាច់សម្រាប់លោក Solskjaer ដើម្បីរក្សាកៅអីអ្នកចាត់ការទូទៅរបស់ខ្លួន។ ប៉ុន្តែបើបរាជ័យនៅជំនួបនេះ អ្នកចាត់ការសញ្ជាតិន័រវេស វ័យ៤៦ឆ្នាំរូបនេះ មានភាគរយច្រើនណាស់ដែលត្រូវក្លិបបញ្ចប់តំណែង។
កាលពីរដូវកាលមុនម្ចាស់ជើងឯកលីគកំពូលអង់គ្លេស២០សម័យមួយនេះ ក៏បានបញ្ចប់លោក Jose Mourinho ពីតំណែងទាំងនៅសល់កិច្ចសន្យាផងដែរ បន្ទាប់ពីចាញ់ហង្សក្រហម ៣-១ ជាមួយគម្លាតរហូត១៩ពិន្ទុ។
ក្រោយអ្នកចាត់ការសញ្ជាតិព័រទុយហ្គាល់ចាកចេញពី Manchester លោក Solskjaer បានឡើងទៅជំនួសតំណែងភ្លាមៗ។ យ៉ាងណា Solskjaer មិនអាចជួយក្រុមទទួលបានចំណាត់ថ្នាក់ Top 4 ដើម្បីបានកៅអីលេង Champions League ឡើយ។ Man Utd បញ្ចប់ទៅក្នុងចំណាត់ថ្នាក់ទី៦ ក្នុងតារាង Premier League រដូវកាលមុន ដោយបានលេងត្រឹមក្របខណ្ឌទី២អឺរ៉ុបប៉ុណ្ណោះ។
ស្របពេលកៅអីកំពុងតែក្តៅ តើវាសនាលោក Solskjaer ឆ្នាំនេះ ដូច Mourinho ឆ្នាំមុនដែរឬទេ ប្រសិនបើ Man Utd ចាញ់ Liverpool ដែលជាក្រុមកំពុងឡើងជើងនោះ?
សូមបញ្ជាក់ថា ក្រោយ Sir Alex Ferguson ចាកចេញនៅឆ្នាំ២០១៣ ក្លិប Man Utd បានបញ្ចប់តំណែងគ្រូចំនួន៣លើករួចមកហើយ ក្នុងនោះរួមមានលោក David Moyes លោក Louis van Gaal និងចុងក្រោយលោក Jose Mourinho៕
Tag:
Manchester United
Ole Gunnar Solskjaer
Premier League
© រក្សាសិទ្ធិដោយ thmeythmey.com
