សំរាមនៅជាប់របងវិទ្យាល័យ ព្រះយុគន្ធរ គរហៀរលើផ្លូវ ធ្វើឲ្យខូចសោភ័ណភាពក្រុង

ជាតិ

សំរាមនៅជាប់របងវិទ្យាល័យ ព្រះយុគន្ធរ គរហៀរលើផ្លូវ ធ្វើឲ្យខូចសោភ័ណភាពក្រុង

09, Oct 2019 , 11:58 am

រូបភាព

ដោយ: ឡាយ សុភាវតី

សំរាម បានកកស្ទះយ៉ាងខ្លាំងនៅតំបន់មួយចំនួន នៅរាជធានីភ្នំពេញ។ ជាក់ស្តែងនៅជាប់របងវិទ្យាល័យព្រះយុគន្ធរ សំរាមដែលស្ថិតនៅប៉ែកខាងជើងរបងវិទ្យាល័យ បានកកស្ទះ ហៀរដល់ពាក់កណ្ដាលផ្លូវ។ លោក ហៀប សាគុន្ធ តំណាងអ្នកប្រតិបត្តិការសម្អាតក្រុងនៃក្រុមហ៊ុនស៊ីនទ្រី បានប្រាប់សារព័ត៌មានថ្មីៗថា បញ្ហាសំរាមកកស្ទះនេះ កើតមានតាំងពីអំឡុងបុណ្យភ្ជុំបិណ្ឌមកម្ល៉េះ ដោយសារពេលនោះបុគ្គលិកឈប់សម្រាក, មានបញ្ហានៅទីលានចាក់សំរាម និងគ្រឿងចក្ររុញសំរាមខូច។

អត្ថបទទាក់ទង

ស៊ីនទ្រី៖ សំរាមហៀរតាមផ្លូវមួយចំនួន ដោយសារទីលានចាក់កកស្ទះ និងគ្រឿងចក្រខូច

លោក ហៀប សាគុន្ធ ពន្យល់ដូច្នេះ៖«ថាការកកស្ទះនៅអំឡុងពេលភ្ជុំបិណ្ឌ ដោយសារបុគ្គលិកបានឈប់សម្រាក ទើបបណ្ដាលឲ្យសំរាមកកកស្ទះតាមដងផ្លូវ។ បច្ចុប្បន្នបុគ្គលិកបានចូលបម្រើការហើយ តែមានបញ្ហានៅទីលានចាក់សំរាមទៅវិញ។ ចំណែកឯបញ្ហានៅរយៈពេលប៉ុន្មានថ្ងៃចុងក្រោយនេះ គឺមកពីទីលានចាក់សំរាម មានការកកស្ទះសំរាម និងគ្រឿងចក្ររុញសំរាមខូច»៕