អន្តរជាតិ
រដ្ឋាភិបាលថៃ នឹងបញ្ចេញកញ្ចប់លុយជាង៨១លានដុល្លារជំរុញការស្រាវជ្រាវ និងការច្នៃប្រឌិត
រូបភាព Govinsider
×![]()
ដោយ៖ ឈួន ឈីវអ៊ីង
គណៈរដ្ឋមន្ត្រីថៃ បានព្រមព្រៀងផ្តល់កញ្ចប់ថវិកាជាង២៤ពាន់លានបាត ដែលស្មើនឹងជាង៨១លានដុល្លារដើម្បីគាំទ្រលើការស្រាវជ្រាវ និងការច្នៃប្រឌិតថ្មី។ ជាមួយទឹកប្រាក់នេះ ថៃមានគោលដៅផ្លាស់ប្ដូរខ្លួនឲ្យក្លាយជាប្រទេសដែលផ្អែកលើបច្ចេកវិទ្យាពេញលេញ។
ថវិកាចំនួន៨១លានដុល្លារ នឹងត្រូវបានដកចេញពីថវិកាពប្រចាំឆ្នាំ២០១៩ ដែលនឹងប្រើប្រាស់ក្នុងការផ្តល់ហិរញ្ញប្បទានដល់គម្រោងនានាដើម្បីសម្រេចគោលដៅធ្វើឲ្យថៃក្លាយជាប្រទេសបច្ចេកវិទ្យាជឿនលឿន។ នេះបើយោងតាមក្រុមប្រឹក្សាគោលនយោបាយនៃឧត្តមសិក្សាជាតិ ផ្នែកវិទ្យាសាស្ត្រ ស្រាវជ្រាវ និងនវានុវត្តន៍។
ប្រធានក្រុមប្រឹក្សាខាងលើ លោក Kittipong Promwong លើកឡើងថា ថវិកាទាំងនេះនឹងផ្ដោតលើការអភិវឌ្ឍកម្លាំងពលកម្ម និងស្ថាប័នផ្សេងៗ ក៏ដូចជាការស្រាវជ្រាវ និងការច្នៃប្រឌិតថ្មីដើម្បីដោះស្រាយបញ្ហាធំៗនៅក្នុងប្រទេស។ នេះបើតាមការចុះផ្សាយរបស់កាសែត Bangkok Post ។
លោក Kittipong បានបន្ថែមថា រដ្ឋាភិបាលមានគោលនយោបាយបន្ថែមគុណភាពស្រាវជ្រាវ ដោយឧបត្ថម្ភជាមូលនិធិទៅក្នុងស្ថាប័នឧត្តមសិក្សា ក៏ដូចជាការស្រាវជ្រាវវិទ្យាសាស្ត្រ និងការច្នៃប្រឌិតថ្មីៗ។ លោកបន្តថា ក្នុងរយៈពេល ៣ ឆ្នាំខាងមុខទៀត រដ្ឋាភិបាលគ្រោងបង្កើនចំនួននិស្សិតបញ្ចប់ការសិក្សាផ្នែក STEM (វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា) ឲ្យដល់ ៤០ភាគរយនៃនិស្សិតបញ្ចប់ការសិក្សាទាំងអស់ក្នុងមួយឆ្នាំ ពោលគឺកើនឡើងពី ៣៤% នៃពេលបច្ចុប្បន្ន។
ជាងនេះទៅទៀត បើតាមមន្ត្រីខាងលើ ការងារប្រហែល១០៧ពាន់ ត្រៀមទុកសម្រាប់ផ្តល់អ្នកបញ្ចប់ការសិក្សាតាមប្រព័ន្ធ STEM ក្នុងរយៈពេលបួនឆ្នាំខាងមុខ ហើយប្រហែល៣៤ពាន់នាក់ក្នុងចំណោមពួកគេ នឹងមានមុខតំណែងនៅក្នុងវិស័យឧស្សាហកម្មឌីជីថល។ នៅ៥ឆ្នាំក្រោយ រដ្ឋាភិបាលថៃ បានកំណត់គោលដៅឲ្យមានភាពសមាមាត្រនៃការបញ្ចប់ការសិក្សាតាមកម្មវិធី STEM ឲ្យបាន៥០ភាគរយ៕
គណៈរដ្ឋមន្ត្រីថៃ បានព្រមព្រៀងផ្តល់កញ្ចប់ថវិកាជាង២៤ពាន់លានបាត ដែលស្មើនឹងជាង៨១លានដុល្លារដើម្បីគាំទ្រលើការស្រាវជ្រាវ និងការច្នៃប្រឌិតថ្មី។ ជាមួយទឹកប្រាក់នេះ ថៃមានគោលដៅផ្លាស់ប្ដូរខ្លួនឲ្យក្លាយជាប្រទេសដែលផ្អែកលើបច្ចេកវិទ្យាពេញលេញ។
ថវិកាចំនួន៨១លានដុល្លារ នឹងត្រូវបានដកចេញពីថវិកាពប្រចាំឆ្នាំ២០១៩ ដែលនឹងប្រើប្រាស់ក្នុងការផ្តល់ហិរញ្ញប្បទានដល់គម្រោងនានាដើម្បីសម្រេចគោលដៅធ្វើឲ្យថៃក្លាយជាប្រទេសបច្ចេកវិទ្យាជឿនលឿន។ នេះបើយោងតាមក្រុមប្រឹក្សាគោលនយោបាយនៃឧត្តមសិក្សាជាតិ ផ្នែកវិទ្យាសាស្ត្រ ស្រាវជ្រាវ និងនវានុវត្តន៍។
ប្រធានក្រុមប្រឹក្សាខាងលើ លោក Kittipong Promwong លើកឡើងថា ថវិកាទាំងនេះនឹងផ្ដោតលើការអភិវឌ្ឍកម្លាំងពលកម្ម និងស្ថាប័នផ្សេងៗ ក៏ដូចជាការស្រាវជ្រាវ និងការច្នៃប្រឌិតថ្មីដើម្បីដោះស្រាយបញ្ហាធំៗនៅក្នុងប្រទេស។ នេះបើតាមការចុះផ្សាយរបស់កាសែត Bangkok Post ។
លោក Kittipong បានបន្ថែមថា រដ្ឋាភិបាលមានគោលនយោបាយបន្ថែមគុណភាពស្រាវជ្រាវ ដោយឧបត្ថម្ភជាមូលនិធិទៅក្នុងស្ថាប័នឧត្តមសិក្សា ក៏ដូចជាការស្រាវជ្រាវវិទ្យាសាស្ត្រ និងការច្នៃប្រឌិតថ្មីៗ។ លោកបន្តថា ក្នុងរយៈពេល ៣ ឆ្នាំខាងមុខទៀត រដ្ឋាភិបាលគ្រោងបង្កើនចំនួននិស្សិតបញ្ចប់ការសិក្សាផ្នែក STEM (វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា) ឲ្យដល់ ៤០ភាគរយនៃនិស្សិតបញ្ចប់ការសិក្សាទាំងអស់ក្នុងមួយឆ្នាំ ពោលគឺកើនឡើងពី ៣៤% នៃពេលបច្ចុប្បន្ន។
ជាងនេះទៅទៀត បើតាមមន្ត្រីខាងលើ ការងារប្រហែល១០៧ពាន់ ត្រៀមទុកសម្រាប់ផ្តល់អ្នកបញ្ចប់ការសិក្សាតាមប្រព័ន្ធ STEM ក្នុងរយៈពេលបួនឆ្នាំខាងមុខ ហើយប្រហែល៣៤ពាន់នាក់ក្នុងចំណោមពួកគេ នឹងមានមុខតំណែងនៅក្នុងវិស័យឧស្សាហកម្មឌីជីថល។ នៅ៥ឆ្នាំក្រោយ រដ្ឋាភិបាលថៃ បានកំណត់គោលដៅឲ្យមានភាពសមាមាត្រនៃការបញ្ចប់ការសិក្សាតាមកម្មវិធី STEM ឲ្យបាន៥០ភាគរយ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
