ជាតិ
នយោបាយជាតិ
លោក សៅ សុខា រម្លឹកឲ្យត្រៀមកម្លាំង ខណៈគម្រោងមកខ្មែររបស់អ្នកប្រឆាំង កាត់តែជិតមកដល់
លោក សៅ សុខា ថ្លែងក្នុងពិធីបិទវគ្គបំប៉នបើកបររថពាសដែក ប្រើប្រាស់គ្រឿងបំពាក់សព្វាវុធ និង បាញ់គ្រាប់ពិតរថពាសដែកជំនាន់ទី២ កាលពីថ្ងៃទី៧ ខែតុលា ឆ្នាំ២០១៩ (រូបពីក្រសួងការពារជាតិ)
×![]()
ដោយ: ថ្មីៗ
លោក សៅ សុខា អគ្គមេបញ្ជាការរងនៃកងយោធពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេស បានដាស់តឿនកងរាជអាវុធហត្ថសាជាថ្មី ឲ្យប្រុងប្រយ័ត្នចំពោះផែនការវិលត្រឡប់របស់លោក សម រង្ស៊ី ក្នុងគោលបំណងធ្វើរដ្ឋប្រហារ។ លោក ក្រើនរម្លឹកកងកម្លាំងរបស់ខ្លួនពីបញ្ហានេះ នៅក្នុងពិធីបិទវគ្គបំប៉នបើកបររថពាសដែក ប្រើប្រាស់គ្រឿងបំពាក់សព្វាវុធ និង បាញ់គ្រាប់ពិតរថពាសដែកជំនាន់ទី២ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជំរាយ កាលពីថ្ងៃទី៧ ខែតុលា ឆ្នាំ២០១៩។
គេហទំព័រក្រសួងការពារជាតិ បានសរសេរពីសម្តីរបស់មេកងរាជអាវុហត្ថរូបនេះ ដូច្នេះថា៖«ចំពោះប្រទេសជាតិ យើងត្រូវតែការពារ ចំពោះប្រជាជនត្រូវតែបម្រើ ច្បាប់ត្រូវតែគោរព និងបទល្មើសត្រូវតែបង្ក្រាប»។ ក្រសួងការពារជាតិ បន្តថា៖«....ឯកឧត្តម រំលឹកឡើងវិញនូវការលើកកម្ពស់ស្មារតីប្រុងប្រយ័ត្ននូវរាល់ឧបាយកលបំបែកបំបាក់ បំផ្លិចបំផ្លាញ ត្រៀមកម្លាំង និងមធ្យោបាយ ដើម្បីអនុវត្តដីការបស់តុលាការចំពោះទណ្ឌិត សម រង្ស៊ី និងបក្សពួក ក្នុងករណីដែលពួកគេជាន់ទឹកដីកម្ពុជា និងអនុវត្តម៉ឺងម៉ាត់បទបញ្ជារបស់សម្តេចតេជោ ចំពោះមុខនោះគឺបទបញ្ជាទប់ស្កាត់ និងបង្ក្រាបបទល្មើសធនធានធម្មជាតិ»។
មិនមែនតែកងរាជអាវុធហត្ថទេ ស្ថាប័នកងកម្លាំងដទៃ រួមមាន យោធានិងនគរបាល ក៏ប្រកាសត្រៀមកម្លាំងដើម្បីចាប់លោក សម រង្ស៊ី និងបក្សពួកដែរ បើពួកគេពិតជាមកដល់កម្ពុជា នៅថ្ងៃទី៩ ខែវិច្ឆិកា ឆ្នាំ២០១៩ តាមការគ្រោងទុកមែន។ សម្តេចនាយករដ្ឋមន្ត្រី ហ៊ុន សែន ប្រកាសថា លោក សម រង្ស៊ី មិនត្រឹមតែចង់ផ្តួលរំលំរដ្ឋាភិបាលនោះទេ តែថែមទាំងមានបំណងប្តូររបបរាជានិយមផងដែរ។
លោក សម រង្ស៊ី អះអាងថា ការធ្វើមាតុភូមិនិវត្តរបស់លោក មិនមែនដើម្បីធ្វើរដ្ឋប្រហារឡើយ តែដើម្បីបំផុសប្រជាពលរដ្ឋ ឲ្យងើបតស៊ូជាមួយលោក ក្នុងការទាមទារសិទ្ធិសេរីភាព និងផ្តាស់ប្តូរមេដឹកនាំ ដែលលោក ហៅថាជាអំណាចប្រជាពលរដ្ឋ។ យ៉ាងណា លោក និង បក្សពួកមួយចំនួន ត្រូវបានតុលាការ ចោទប្រកាន់ពីបទឧបឃាតរួចទៅហើយ ដែលសំដៅថា ពួកលោក មានបំណងធ្វើរដ្ឋប្រហារ។ បទល្មើសនេះ អាចជាប់ពន្ធនាគារពី១៥ឆ្នាំទៅ៣០ឆ្នាំ។
ទន្ទឹមនេះ សកម្មជននិងមន្ត្រីនៃអតីតគណបក្សប្រឆាំង ដែលកំពុងរស់នៅក្នុងស្រុក បានរងការចោទប្រកាន់ជាបន្តបន្ទាប់ពីបទរួមគំនិតក្បត់ជាតិ។ តុលាការ ចោទពួកគេថា បានត្រៀមខ្លួនចាំទទួលលោក សម រង្ស៊ី និង គាំទ្រចលនាធ្វើរដ្ឋប្រហារ។ ក្នុងចំណោមនោះ មានអ្នកខ្លះ ត្រូវឃុំខ្លួន និង អ្នកខ្លះ ត្រូវគេចខ្លួន។ ប៉ុន្តែមានសកម្មជនខាងប្រឆាំងម្នាក់-ពីរនាក់ហើយ ត្រូវបានដោះលែងនិងលើកលែងការចោទប្រកាន់ ដោយពួកគេ ស្ម័គ្រចិត្តចេញមកសារភាពកំហុស៕
គេហទំព័រក្រសួងការពារជាតិ បានសរសេរពីសម្តីរបស់មេកងរាជអាវុហត្ថរូបនេះ ដូច្នេះថា៖«ចំពោះប្រទេសជាតិ យើងត្រូវតែការពារ ចំពោះប្រជាជនត្រូវតែបម្រើ ច្បាប់ត្រូវតែគោរព និងបទល្មើសត្រូវតែបង្ក្រាប»។ ក្រសួងការពារជាតិ បន្តថា៖«....ឯកឧត្តម រំលឹកឡើងវិញនូវការលើកកម្ពស់ស្មារតីប្រុងប្រយ័ត្ននូវរាល់ឧបាយកលបំបែកបំបាក់ បំផ្លិចបំផ្លាញ ត្រៀមកម្លាំង និងមធ្យោបាយ ដើម្បីអនុវត្តដីការបស់តុលាការចំពោះទណ្ឌិត សម រង្ស៊ី និងបក្សពួក ក្នុងករណីដែលពួកគេជាន់ទឹកដីកម្ពុជា និងអនុវត្តម៉ឺងម៉ាត់បទបញ្ជារបស់សម្តេចតេជោ ចំពោះមុខនោះគឺបទបញ្ជាទប់ស្កាត់ និងបង្ក្រាបបទល្មើសធនធានធម្មជាតិ»។
មិនមែនតែកងរាជអាវុធហត្ថទេ ស្ថាប័នកងកម្លាំងដទៃ រួមមាន យោធានិងនគរបាល ក៏ប្រកាសត្រៀមកម្លាំងដើម្បីចាប់លោក សម រង្ស៊ី និងបក្សពួកដែរ បើពួកគេពិតជាមកដល់កម្ពុជា នៅថ្ងៃទី៩ ខែវិច្ឆិកា ឆ្នាំ២០១៩ តាមការគ្រោងទុកមែន។ សម្តេចនាយករដ្ឋមន្ត្រី ហ៊ុន សែន ប្រកាសថា លោក សម រង្ស៊ី មិនត្រឹមតែចង់ផ្តួលរំលំរដ្ឋាភិបាលនោះទេ តែថែមទាំងមានបំណងប្តូររបបរាជានិយមផងដែរ។
លោក សម រង្ស៊ី អះអាងថា ការធ្វើមាតុភូមិនិវត្តរបស់លោក មិនមែនដើម្បីធ្វើរដ្ឋប្រហារឡើយ តែដើម្បីបំផុសប្រជាពលរដ្ឋ ឲ្យងើបតស៊ូជាមួយលោក ក្នុងការទាមទារសិទ្ធិសេរីភាព និងផ្តាស់ប្តូរមេដឹកនាំ ដែលលោក ហៅថាជាអំណាចប្រជាពលរដ្ឋ។ យ៉ាងណា លោក និង បក្សពួកមួយចំនួន ត្រូវបានតុលាការ ចោទប្រកាន់ពីបទឧបឃាតរួចទៅហើយ ដែលសំដៅថា ពួកលោក មានបំណងធ្វើរដ្ឋប្រហារ។ បទល្មើសនេះ អាចជាប់ពន្ធនាគារពី១៥ឆ្នាំទៅ៣០ឆ្នាំ។
ទន្ទឹមនេះ សកម្មជននិងមន្ត្រីនៃអតីតគណបក្សប្រឆាំង ដែលកំពុងរស់នៅក្នុងស្រុក បានរងការចោទប្រកាន់ជាបន្តបន្ទាប់ពីបទរួមគំនិតក្បត់ជាតិ។ តុលាការ ចោទពួកគេថា បានត្រៀមខ្លួនចាំទទួលលោក សម រង្ស៊ី និង គាំទ្រចលនាធ្វើរដ្ឋប្រហារ។ ក្នុងចំណោមនោះ មានអ្នកខ្លះ ត្រូវឃុំខ្លួន និង អ្នកខ្លះ ត្រូវគេចខ្លួន។ ប៉ុន្តែមានសកម្មជនខាងប្រឆាំងម្នាក់-ពីរនាក់ហើយ ត្រូវបានដោះលែងនិងលើកលែងការចោទប្រកាន់ ដោយពួកគេ ស្ម័គ្រចិត្តចេញមកសារភាពកំហុស៕
Tag:
សៅ សុខា
សម រង្ស៊ី
មាតុភូមិនិវត្ត
© រក្សាសិទ្ធិដោយ thmeythmey.com
