ព្យុះកំណាចទីហ្វុងនៅជប៉ុន! ទូតខ្មែរដាក់លេខទូរសព្ទឲ្យពលរដ្ឋទាក់ទង

ជាតិ

សង្គមជាតិ

ព្យុះកំណាចទីហ្វុងនៅជប៉ុន! ទូតខ្មែរដាក់លេខទូរសព្ទឲ្យពលរដ្ឋទាក់ទង

12, Oct 2019 , 3:01 pm

រូបភាព

រូបភាពពីស្ថានទូតកម្ពុជាប្រចាំប្រទេសជប៉ុន

ដោយ: អ៊ូ សុខមាន (OU Sokmean)

ភ្នំពេញ៖ ស្ថានទូតកម្ពុជាប្រចាំប្រទេសជប៉ុន បានដាក់លេខទូរសព្ទចំនួន២ខ្សែ គឺ ០៨០៤៦៨៩៩៣៧៤ និង០៨០៣៤៥៩៧៨៨៩ ដើម្បីឲ្យពលរដ្ឋខ្មែរនៅជប៉ុនទាក់ទងនៅពេលដែលជួបគ្រោះអាសន្នកើតឡើងដោយសារព្យុះទីហ្វុងទី១៩នៅប្រទេសជប៉ុន។

តាមការផ្សាយរបស់ស្ថានទូតកម្ពុជាប្រចាំប្រទេសជប៉ុន អាជ្ញាធរជប៉ុនបានណែនាំឲ្យប្រជាជនចំនួន១,៨លាននាក់ ប្រុងប្រយ័ត្នអំពីព្យុះនោះ ហើយអាជ្ញាធរបានជម្លៀសពលរដ្ឋរាប់ពាន់នាក់ទៅកាន់ទីសុវត្ថិភាព។

ព្យុះកំណាចទីហ្វុងនេះ នឹងនាំយកទឹកភ្លៀង និងខ្យល់ ដែលនឹងបក់មកពីតំបន់ប៉ាស៊ីហ្វិក តាមបណ្តោយឆ្នេរ Honshu នៅថ្ងៃទី១២ និង១៣ ខែតុលានេះ ដែលបង្កឲ្យមានភ្លៀង និងទឹកជំនន់នៅក្នុងប្រទេសជប៉ុន ដែលមិនធ្លាប់មានពីមុនមកចាប់តាំងពីឆ្នាំ ១៩៥៨។

ព្យុះទីហ្វុង Kanogawa ដែលបានកើតឡើងក្នុងឆ្នាំ ១៩៥៨នោះ បានសម្លាប់មនុស្សជាង ១០០០នាក់ និងបំផ្លាញហេដ្ឋារចនាសម្ព័ន្ធផ្សេងៗផងដែរ៕