ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
Smart Axiata បានរៀបចំកម្មវិធី Smart TechTalk និងកិច្ចប្រជុំកំពូល Seedstars Asia នៅវិទ្យាស្ថានបច្ចេកវិទ្យាកម្ពុជា (ITC)
14, Oct 2019 ,
12:49 pm
រូបភាព
×
ដោយ:
ថ្មីៗ
ភ្នំពេញ ថ្ងៃទី១៤ ខែតុលា ឆ្នាំ២០១៩៖ SALA ត្រូវបានជ្រើសរើសជាអាជីវកម្មទើបបង្កើតថ្មី ដែលផ្តល់នូវការចាប់អារម្មណ៍បំផុតក្នុងព្រឹត្តិការណ៍ Smart TechTalk & Seedstars Pitch នៅវិទ្យាស្ថានបច្ចេកវិទ្យាកម្ពុជា(ITC) កាលពីថ្ងៃម្សិល មិញ។ តាមរយៈការឈ្នះពានរង្វាន់ ក្នុងនាមជាអាជីវកម្មទើបបង្កើតថ្មីដ៏ល្អបំផុត ពីកម្មវិធី Seedstars ក្រុមហ៊ុន SALA នឹងអាចទទួលបានប្រាក់មូលនិធិ ដល់ទៅ ១ លានដុល្លារអាមេរិក ក្នុងកិច្ចប្រជុំកំពូលប្រចាំអាស៊ី នៃ Seedstars នៅខែវិច្ឆិកា និងកិច្ចប្រជុំកំពូលជាសកល (Global Summit) នៅប្រទេសស្វ៊ីស នាឆ្នាំក្រោយ។
លោក សុខ លាភ ស្ថាបនិកនិងនាយកប្រតិបត្តិក្រុមហ៊ុន SALA ដែលជាកម្មវិធីគ្រប់គ្រងសាលារៀន ដែលត្រូវបានបង្កើតឡើងជាពិសេស សម្រាប់ពីថ្នាក់មត្តេយ្យដល់ ថ្នាក់ទី១២ និងសាកលវិទ្យាល័យ ជាមួយនឹងកម្មវិធីផ្សេងៗ ដូចជាការគ្រប់គ្រងសិស្ស ធនធានមនុស្ស ការបង់ប្រាក់ ព្រមទាំងរដ្ឋបាលសម្រាប់សាលារៀន មានប្រសាសន៍ថា៖ «ក្រោយពីភាពជោគជ័យរបស់ក្រុមហ៊ុន Joonaak Delivery និងបទពិសោធជាច្រើន ដែលពួកគេទទួលបានកាលពីឆ្នាំមុន ខ្ញុំសង្ឃឹមថាយើងនឹងមិនត្រឹមតែធ្វើឲ្យកម្ពុជា មានមោទkភាពប៉ុណ្ណោះទេ ប៉ុន្តែយើងក៏អាចទាញយកផលប្រយោជន៍ ពីបណ្តាញទំនាក់ទំនងផ្សេងៗ ក៏ដូចជាឱកាសវិនិយោគនានា ដែលត្រូវបានផ្តល់មកឲ្យយើង អំឡុងពេលនៃកិច្ចប្រជុំក្នុងតំបន់ និងពិភពលោក ផងដែរ»។
ក្រុមហ៊ុន SALA ត្រូវបានជ្រើសរើសចេញពីក្រុមហ៊ុនចំនួន៨ចុងក្រោយ ដែលបានបង្ហាញគំនិតអាជីវកម្មឌីជីថលរបស់ពួកគេ ទៅកាន់គណៈកម្មការវិនិច្ឆ័យក្នុងតំបន់ និងអន្តរជាតិ។ នៅព្រឹកថ្ងៃដដែលនោះ សិស្ស១ក្រុម ដែលមានសមាជិកចំនួន៤នាក់ មកពី Liger Leadership Academy បានយកឈ្នះសិស្សចំនួន៥ក្រុមផ្សេងទៀត ក្លាយជាម្ចាស់ជ័យលាភី ក្នុងកម្មវិធី Seedstars Lean Launchpad ឆ្នាំទី១ ដែលជាកម្មវិធីសាកល្បង ដើម្បីជំរុញទឹកចិត្ត ឲ្យមានការបណ្តុះគំនិត និងការបង្កើតគំនិតភាពជាសហគ្រិន ក្នុងចំណោមសិស្សថ្នាក់ទី៩ ដល់សិស្សថ្នាក់ទី១២។ ព្រឹត្តិការណ៍ប្រចាំឆ្នាំ Smart TechTalk បានបញ្ចប់កាលពីចុងសប្តាហ៍មុន ដោយព្រឹត្តិការណ៍នេះ ទទួលបានការគាំទ្រពីមូលនិធិស្រាវជ្រាវ និងអភិវឌ្ឍ និងកសាសមត្ថភាព (CBRD Fund)។
កម្មវិធីភាពជាសហគ្រិនបច្ចេកវិទ្យាទាំង៣នេះ ត្រូវបានអនុវត្ដក្រោមកិច្ចសហប្រតិបត្តិការ ជាមួយនឹងវិទ្យាជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT) ក្រសួងអប់រំ យុវជន និងកីឡា (MoEYS) និងក្រសួងប្រៃសណីយ៍ និងទូរគមនាគមន៍កម្ពុជា (MPTC)។
លោក Jonathan Yap ជាប្រធានផ្នែកនិយ័តករ និងកិច្ចការសាធារណៈក្រុមហ៊ុន Smart Axiata បានមានប្រសាសន៍ថា៖ «នេះគឺជាចុងសប្តាហ៍មួយ ក្នុងចំណោមចុងសប្តាហ៍ដែលខ្ញុំពេញចិត្តជាងគេក្នុងឆ្នាំនេះ ដោយសារតែចុងសប្តាហ៍នេះ បាននាំយកយុវជនវ័យក្មេងដ៏អស្ចារ្យទាំងនេះមកជួបជុំគ្នា ជាមួយនឹងបុគ្គលឆ្នើមៗ និងឆ្លាតវៃបំផុត មកពីក្នុងតំបន់នេះ។ ដោយមើលឃើញពីការបង្ហាញផ្នត់គំនិតល្អៗផ្សេងគ្នាក្នុងព្រឹត្តការណ៍នេះ បានធ្វើឲ្យយើងមានមោទកភាព ដោយក្លាយជាផ្នែកមួយ នៃដំណើរឌីជីថលរបស់កម្ពុជា ដែលយើងអាចគាំទ្រដល់ការបង្ហាញពីទេពកោសល្យដ៏អស្ចារ្យ ចំណង់ចំណូលចិត្ត និងភាពស្វាហាប់ ទៅក្នុងវិស័យបច្ចេកវិទ្យាក្នុងតំបន់»។
ក្នុងព្រឹត្តិការណ៍ TechTalk វាគ្មិនអន្តរជាតិសំខាន់ៗ មកពីក្រុមហ៊ុន Amazon Web Services ក្រុមហ៊ុន Grab និង ក្រុមហ៊ុន Leaderonomics បានផ្តល់នូវការចាប់អារម្មណ៍យ៉ាងខ្លាំង ដល់អ្នកចូលរួមទាំងអស់ កាលពីព្រឹកថ្ងៃអាទិត្យ ស្របពេលដែលនៅពេលរសៀល ការលើកឡើងពីចំណុចសំខាន់ៗ ដែលផ្តោតលើអាជីវកម្មទើបបង្កើតថ្មី ពីក្រុមហ៊ុន Smart, ក្រុមហ៊ុន Beenext Capital និង ក្រុមហ៊ុន Kid Hero បានបំភ្លឺកាន់តែច្បាស់ដល់អ្នកចូលរួមទាំងអស់ ដែលមានសិស្សានុសិស្ស ក្រុមអ្នកសិក្សាស្រាវជ្រាវ ស្ថាបនិកអាជីវកម្មទើបបង្កើតថ្មី វិស័យឯកជន ក៏ដូចជាមន្ត្រីតំណាងរាជរដ្ឋាភិបាល។
រាល់បទបង្ហាញទាំងអស់ ត្រូវបានធ្វើឡើងក្រោមទស្សនទាន «រួមគ្នាឆ្ពោះទៅកាន់អនាគតឌីជីថល» ដែលក៏ជាទស្សនទានរបស់កម្មវិធី BarCamp ASEAN ឆ្នាំ២០១៩ផងដែរ ដែលត្រូវបានរៀបចំឡើង នៅវិទ្យាស្ថានបច្ចេកវិទ្យាកម្ពុជា នៅចុងសប្តាហ៍តែមួយ។ កម្មវិធី BarCamp ក៏ត្រូវបានគាំទ្រដោយក្រុមហ៊ុន Smart Axiata រួមជាមួយនឹងវិទ្យាជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន ក្រសួងអប់រំ យុវជន និងកីឡា និងក្រសួងប្រៃសណីយ៍ និងទូរគមនាគមន៍ ផងដែរ។
សម្រាប់ព័ត៌មានបន្ថែម និងព័ត៌មានថ្មីៗ ពីក្រុមហ៊ុន Smart Axiata សូមតាមដានទំព័រ Facebook របស់ Smart តាមរយៈ
www.facebook.com/SmartForCambodia
ឬចូលទៅកាន់គេហទំព័រ
www.smart.com.kh
៕
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
8 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
6 ថ្ងៃ
អត្ថបទពេញនិយមបន្ថែម