អន្តរជាតិ
ប្រមុខការទូតហ្វីលីពីនសុំទោសចិនក្រោយនិយាយប៉ះពាល់លោក ម៉ៅ សេទុង លើ Twitter
×![]()
ដោយ៖ ងួន សុភាវត្តី
នៅថ្ងៃទី១៣ ខែតុលា ប្រមុខការទូតហ្វីលីពីន Teodoro Locsin បានសុំទោសទៅកាន់ប្រទេសចិន ក្រោយសរសេរសារលើបណ្ដាញសង្គមដែលមានខ្លឹមសារប៉ះពាល់អតីតមេដឹកនាំចិន ម៉ៅ សេទុង។ ក្នុងសារមួយដែលបង្ហោះលើបណ្តាញសង្គម Twitter លោក Locsin ប្រៀបធៀបបដិវត្តន៍លោក ម៉ៅ សេទុង ដែលជាស្ថាបនិកនៃការបង្កើតសាធារណរដ្ឋប្រជាមានិតចិនជាបាយខ្លោច។
ក្នុងសារតាមបណ្ដាញសង្គម Twitter ដែលបានបង្ហោះកាលពីពីរសប្តាហ៍កន្លងទៅ រដ្ឋមន្ត្រីការបរទេសការបរទេសហ្វីលីពីន លោកTeodoro Locsin បានសរសេរឈ្មោះប្រមុខបដិវត្តន៍ចិនលោក ម៉ៅ សេទុង ជា Mao Che Tutung ។ ពាក្យ Tutung នេះមានន័យថាបាយខ្លោចនៅក្នុងភាសាហ្វីលីពីន។ នេះបើតាមការផ្សាយរបស់ទូរទស្សន៍ Bloomberg ។
ក្នុងសារមួយផ្សេងទៀតដែលបានបង្ហោះនៅថ្ងែទី១១ ខែតុលា ខណៈកំពុងប្រតិកម្មលើរឿងភ្នាល់ជាមួយមេដឹកនាំទំនោរឆ្វេងនិយមពីរឿងប្រើប្រាស់មធ្យោបាយដឹកជញ្ជូនសាធារណៈ លោក Locsin បានសរសេរថា គោលការណ៍នៃលទ្ធិកុម្មុយនីស្តគឺដើម្បីប្រមូលអំណាច និង បង្កើតភាពបញ្ហាអត់ឃ្លានដូចដែលលោក ម៉ៅ បានធ្វើ។ លោក Locsin ទំនងចង់សំដៅគ្រោះអត់ឃ្លានដែលកើតនៅចិនចន្លោះឆ្នាំ១៩៥៩ ដល់ឆ្នាំ១៩៦០ ។
រំលងមិនយូរ មន្ត្រីហ្វីលីពីនក៏សុំទោស។ នៅថ្ងៃទី១៣ ខែតុលា លោក Locsin បានធ្វើសុំទោសទៅកាន់ប្រទេសចិន និងលោកឯកអគ្គរដ្ឋទូតចិននៅហ្វីលីពីន Zhao Jianhua លើការប្រើប្រាស់ឈ្មោះរបស់លោក ម៉ៅ ក្នុងរឿងបែបនេះ។
គួររំលឹកថា ហ្វីលីពីនក្រោមការដឹកនាំរបស់លោកប្រធានាធិបតី រ៉ូឌ្រីហ្គោ ឌូទើតេ បានពង្រឹងចំណងមិត្តភាពជាមួយចិន និងបានស្នើសុំជំនួយចិនដើម្បីកសាងហេដ្ឋារចនាសម្ព័ន្ធ។ លើសពីនេះទៅទៀតការពង្រឹងចំណងមិត្តភាពនេះ គឺមានគោលបំណងដោះស្រាយរឿងជម្លោះសមុទ្រចិនខាងត្បូងផងដែរ។ ជាមួយការសុំទោសនេះ ទំនាក់ទំនងរវាងហ្វីលីពីន និងចិនទំនងជាមិនល្អក់កករអ្វីទេ៕
នៅថ្ងៃទី១៣ ខែតុលា ប្រមុខការទូតហ្វីលីពីន Teodoro Locsin បានសុំទោសទៅកាន់ប្រទេសចិន ក្រោយសរសេរសារលើបណ្ដាញសង្គមដែលមានខ្លឹមសារប៉ះពាល់អតីតមេដឹកនាំចិន ម៉ៅ សេទុង។ ក្នុងសារមួយដែលបង្ហោះលើបណ្តាញសង្គម Twitter លោក Locsin ប្រៀបធៀបបដិវត្តន៍លោក ម៉ៅ សេទុង ដែលជាស្ថាបនិកនៃការបង្កើតសាធារណរដ្ឋប្រជាមានិតចិនជាបាយខ្លោច។
ក្នុងសារតាមបណ្ដាញសង្គម Twitter ដែលបានបង្ហោះកាលពីពីរសប្តាហ៍កន្លងទៅ រដ្ឋមន្ត្រីការបរទេសការបរទេសហ្វីលីពីន លោកTeodoro Locsin បានសរសេរឈ្មោះប្រមុខបដិវត្តន៍ចិនលោក ម៉ៅ សេទុង ជា Mao Che Tutung ។ ពាក្យ Tutung នេះមានន័យថាបាយខ្លោចនៅក្នុងភាសាហ្វីលីពីន។ នេះបើតាមការផ្សាយរបស់ទូរទស្សន៍ Bloomberg ។
ក្នុងសារមួយផ្សេងទៀតដែលបានបង្ហោះនៅថ្ងែទី១១ ខែតុលា ខណៈកំពុងប្រតិកម្មលើរឿងភ្នាល់ជាមួយមេដឹកនាំទំនោរឆ្វេងនិយមពីរឿងប្រើប្រាស់មធ្យោបាយដឹកជញ្ជូនសាធារណៈ លោក Locsin បានសរសេរថា គោលការណ៍នៃលទ្ធិកុម្មុយនីស្តគឺដើម្បីប្រមូលអំណាច និង បង្កើតភាពបញ្ហាអត់ឃ្លានដូចដែលលោក ម៉ៅ បានធ្វើ។ លោក Locsin ទំនងចង់សំដៅគ្រោះអត់ឃ្លានដែលកើតនៅចិនចន្លោះឆ្នាំ១៩៥៩ ដល់ឆ្នាំ១៩៦០ ។
រំលងមិនយូរ មន្ត្រីហ្វីលីពីនក៏សុំទោស។ នៅថ្ងៃទី១៣ ខែតុលា លោក Locsin បានធ្វើសុំទោសទៅកាន់ប្រទេសចិន និងលោកឯកអគ្គរដ្ឋទូតចិននៅហ្វីលីពីន Zhao Jianhua លើការប្រើប្រាស់ឈ្មោះរបស់លោក ម៉ៅ ក្នុងរឿងបែបនេះ។
គួររំលឹកថា ហ្វីលីពីនក្រោមការដឹកនាំរបស់លោកប្រធានាធិបតី រ៉ូឌ្រីហ្គោ ឌូទើតេ បានពង្រឹងចំណងមិត្តភាពជាមួយចិន និងបានស្នើសុំជំនួយចិនដើម្បីកសាងហេដ្ឋារចនាសម្ព័ន្ធ។ លើសពីនេះទៅទៀតការពង្រឹងចំណងមិត្តភាពនេះ គឺមានគោលបំណងដោះស្រាយរឿងជម្លោះសមុទ្រចិនខាងត្បូងផងដែរ។ ជាមួយការសុំទោសនេះ ទំនាក់ទំនងរវាងហ្វីលីពីន និងចិនទំនងជាមិនល្អក់កករអ្វីទេ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
