ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ប្រតិភូកម្ពុជា១៤រូបចូលរួមព្រឹត្តិការណ៍ រថភ្លើងអាស៊ាន-កូរ៉េ ក្នុងសប្តាហ៍នេះ
15, Oct 2019 ,
2:19 pm
រូបភាព
×
ដោយ:
វិច្ឆិកា
សេអ៊ូល-កូរ៉េ៖ «រថភ្លើងអាស៊ាន-កូរ៉េ៖ ឆ្ពោះទៅមុខទាំងអស់គ្នា» គឺជាប្រធានបទនៃព្រឹត្តិការណ៍អន្តរជាតិមួយដែលរៀបចំដោយមជ្ឈមណ្ឌលអាស៊ាន-កូរ៉េ (Asean-Korea Center) និងក្រសួងការបរទេសកូរ៉េ ដែលប្រព្រឹត្តទៅពីថ្ងៃទី១៥ ដល់ថ្ងៃទី ១៩ ខែតុលានេះ។ ព្រឹត្តិការណ៍នេះត្រូវបានរៀបចំឡើងដើម្បី អបអរសាទរខួប៣០ឆ្នាំនៃទំនាក់ទំនងកិច្ចសន្ទនា អាស៊ាន-កូរ៉េ និងផ្សព្វផ្សាយអំពីភាពជាដៃគូ និងភាពជោគជ័យនៃការរៀបចំជំនួបកំពូលអនុស្សាវរីយ៍អាស៊ាន-កូរ៉េ។
ព្រឹត្តិការណ៍ «រថភ្លើងអាស៊ាន-កូរ៉េ៖ ឆ្ពោះទៅមុខទាំងអស់គ្នា»នេះ ប្រមូលផ្តុំមន្ត្រីរដ្ឋាភិបាល តំណាងវិស័យឯកជន និងអ្នកសារព័ត៌មានសរុបជាង២០០នាក់មកពីប្រទេសសមាជិកអាស៊ាន កូរ៉េ ចិន និងជប៉ុន។
ពីកម្ពុជា មានប្រតិភូ១៤រូបមកពីក្រសួងវប្បធម៌ ក្រសួងអប់រំ ក្រសួងការបរទេស ឯកអគ្គរាជទូតប្រចាំប្រទេសកូរ៉េ សិល្បករ កីឡាការិនី និស្សិត និងអ្នកកាសែត ដែលត្រូវបានអញ្ជើញឲ្យចូលរួមក្នុងព្រឹត្តិការណ៍ដែលភាគច្រើនត្រូវប្រព្រឹត្តទៅនៅលើរថភ្លើងដែលធ្វើដំណើរចេញពីទីក្រុងសេអ៊ូលឆ្ពោះទៅខេត្តនានានៃប្រទេសកូរ៉េ ជាពិសេសគឺទីក្រុងប៊ូសាន។ ទីក្រុងប៊ូសាន គឺជាទីក្រុងម្ចាស់ផ្ទះនៃការរៀបចំព្រឹត្តិការណ៍ខួបអនុស្សាវរីយ៍៣០ឆ្នាំនៃទំនាក់ទំនង អាស៊ាន-កូរ៉េ ឆ្នាំ២០១៩ នៅក្នុងខែវិច្ឆិកាខាងមុខនេះ។
សន្និសីទកាសែតមួយនឹងត្រូវរៀបចំនៅក្នុងទីក្រុងប៊ូសាននៅក្នុងក្របខណ្ឌនៃព្រឹត្តិការណ៍ រថភ្លើងអាស៊ាន-កូរ៉េ នេះ ដោយមានវត្តមានអភិបាលក្រុងប៊ូសានលោក Oh Keo-don, អគ្គលេខាធិការនៃមជ្ឈមណ្ឌលអាស៊ានកូរ៉េ លោក Lee Hyuk និង ឯកអគ្គរដ្ឋទូតមីយ៉ាន់ម៉ា លោក U Thant Sin។
សន្និសីទសារព័ត៌មានមានគោលដៅបង្ហាញអំពីទិដ្ឋភាពរួម និងគោលបំណងនៃការរៀបចំព្រឹត្តិការណ៍រថភ្លើងអាស៊ានកូរ៉េ, បង្ហាញអំពីទិដ្ឋភាពនៃទីក្រុងប៊ូសាន និងចុងក្រោយគឺដំណើរការរៀបចំជំនួបកំពូលខួបអនុស្សាវរីយ៍អាស៊ាន-កូរ៉េ ២០១៩ ក្នុងខែវិច្ឆិកា។
យោងតាមឯកសារដែលផ្តល់ឱ្យដោយមជ្ឈមណ្ឌលអាស៊ានកូរ៉េ ភាគីទាំងពីរបានសម្រេចលទ្ធផលជា វិជ្ជមានគួរឱ្យកត់សម្គាល់ក្នុងរយៈពេល៣០ឆ្នាំកន្លងទៅនេះ។ គ្រាន់តែក្នុងឆ្នាំ២០១៨ ការផ្លាស់ប្តូររវាងប្រជាជន និងប្រជាជន បានកើនលើស១០លាននាក់។
នៅក្នុងក្របខណ្ឌនៃទំនាក់ទំនងសេដ្ឋកិច្ចវិញ បើតាមឯកសារដដែល អាស៊ានបានក្លាយជាដៃគូពាណិជ្ជកម្មធំទី២របស់កូរ៉េ ដោយមានតម្លៃទំហំពាណិជ្ជកម្មប្រមាណ ១៥០ ប៊ីលានដុល្លារ។ ទន្ទឹមគ្នានេះផងដែរ អាស៊ានក៏បានក្លាយជាគោលដៅវិនិយោគធំជាងគេទី៤របស់ក្រុមហ៊ុនកូរ៉េផងដែរ។
កូរ៉េមានគោលដៅពង្រឹងទំនាក់ទំនងកិច្ចសហប្រតិបត្តិការជាមួយអាស៊ានសម្រាប់៣០ឆ្នាំទៅមុខទៀតដោយមានសសរស្តម្ភ៣ (3P: People, prosperity and Peace)៖ ប្រជាជន វិបុលភាព និងសន្តិភា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Asean-korea train
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
6 ថ្ងៃ
អត្ថបទពេញនិយមបន្ថែម