ជាតិ
ព័ត៍មានសុខភាព
២៥ខេត្ត/រាជធានី
«គ្រាប់ម្រេចនិងប្រេងម្រេច»ជួយដល់សុខភាព, សម្រស់ និងជាថ្នាំព្យាបាលច្រើនមុខ
រូបភាពផ្តល់សិទ្ធិពីក្រុមហ៊ុនកែច្នៃផលិតផលខ្មែរ Confirel
×![]()
ដោយ៖ ផាត ដាណេ
ភ្នំពេញ៖ ដំណាំម្រេច ជាប្រភេទរុក្ខជាតិវល្លិដែលត្រូវបានគេដាំ ដើម្បីយកផ្លែនិងហាលសម្ងួតសម្រាប់ជាគ្រឿងទេសនិងគ្រឿងក្ដៅ ក្នុងការបង្កើនរសជាតិនៃអាហារ។ ម្រេចមានដើមកំណើតមកពីប្រទេសឥណ្ឌាខាងត្បូង ហើយត្រូវបានគេយកមកដាំរហូតដល់កន្លែងដទៃទៀត នៅក្នុងតំបន់ត្រូពិក។ ម្រេចជាគ្រឿងទេសមួយ ក្នុងចំណោមគ្រឿងទេសជាច្រើន ដែលត្រូវបានដាក់បញ្ចូលបន្ថែមនៅក្នុងអាហារអឺរ៉ុប សម្រាប់ជួយដល់សុខភាពទៀតផង។ គ្រាប់ម្រេច និងប្រេងម្រេច មានអត្ថប្រយោជន៍សម្រាប់សុខភាព, សម្រស់ និងជាថ្នាំព្យាបាលផងដែរ។
ចំពោះសុខភាព គ្រាប់ម្រេចអាចជួយប្រឆាំងជាតិអុកស៊ីតកម្មនិងបាក់តេរី ដែលជួយដល់ការរំលាយអាហារពិសេស ក្រពះនិងពោះវៀន។ ម្យ៉ាងទៀត គ្រាប់ម្រេចបានជួយរារាំងមិនឲ្យកើតនូវជាតិអាស៊ីតហាយត្រូក្លរីដក្នុងក្រពះ។ មិនតែប៉ុណ្ណោះ គ្រាប់ម្រេចបានជួយបញ្ចេញញើស, ជួយបំផ្លាញនូវសារធាតុធាត់, កាត់បន្ថយជាតិខ្លាញ់, រក្សាសមតុល្យក្នុងរាងកាយ, ផ្ដល់កម្លាំងថាមពល, កាត់បន្ថយការញៀនបារី និងជួយស្រូបយកសារធាតុមានប្រយោជន៍ចំពោះរាងកាយ ដូចជា៖ វីតាមីន កាល់ស្យូម បេតាការ៉ូអ៊ីន កាត់បន្ថយការរលាកក្រពះ ហើយប្រឆាំងជាមួយសារធាតុ ដែលបង្កឲ្យកើតជាជំងឺមហារីក។
ចំពោះសម្រស់ គ្រាប់ម្រេចក៍អាចទប់ស្កាត់ការកើតមុន សុខភាពស្បែក និងជួយការពារស្បែកពីជំងឺមហារីកផងដែរ។
ម្យ៉ាងវិញទៀត គ្រាប់ម្រេចក៏ជាថ្នាំព្យាបាល ជំងឺពុកធ្មេញ, ជំងឺឈឺធ្មេញ, រោគដំបៅមាត់, កម្ចាត់ចៃនិងអង្គែ, ជំងឺស្រែង, រោគរមាស់ និងជួយបង្កើនការចងចាំទៀតផង។
រីឯ ប្រេងម្រេច វិញ គេចម្រាញ់ចេញពីម្រេចទុំ ដើម្បីបំបាត់អាការៈឈឺសន្លាក់ដៃជើង, ធ្វើឲ្យចរន្តឈាមរត់បានស្រួល, បំបាត់អាការៈផ្ដាសសាយ, អារម្មណ៍មួរម៉ៅ, ជួយសម្រួលដល់ការរំលាយអាហារ, ជំងឺស្ពឹក, ថ្នាំសម្លាប់មេរោគ, បន្សាបជាតិពិស, ថ្នាំសម្រើប, ថ្នាំបញ្ចុះ, ថ្នាំបំប៉នកម្លាំង, បំបាត់ការហើមពោះ, ការរលាកភ្លើង, ប្រឆាំងនឹងបាក់តេរីក្នុងមាត់និងពោះវៀនធំ, ជាំមុខ, ជួយស្រូបយកជាតិខ្លាញ់ពីក្នុងខ្លួន និងធ្វើឲ្យសម្ពាធឈាមដើរបានស្រួល។ល៕
(សារព័ត៌មានថ្មីៗ ដកស្រង់ចេញពីសៀវភៅស្ដីពី «ដំណាំម្រេច» រៀបចំដោយនាយកដ្ឋានផ្សព្វផ្សាយកសិកម្ម សហការជាមួយនាយកដ្ឋានដំណាំឧស្សាហកម្ម នៃអគ្គនាយកដ្ឋានកសិកម្ម, ២០១៧)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
