ពីនេះ ពីនោះ
«ច្រាប» មានន័យខុសពី«ជ្រាប» ដូចម្តេច?
× «ច្រាប»មានន័យខុសពី«ជ្រាប»យ៉ាងដាច់ស្រឡះ ថ្វីបើពាក្យទាំងពីរនេះមានសូរសៀងប្រហាក់ប្រហែលគ្នាក៏ដោយ។ នេះបើយោងតាមវចនានុក្រមខ្មែររបស់សម្តេចព្រះសង្ឃរាជ ជួន ណាត។
វចនានុក្រមខ្មែររបស់សម្តេច ជួន ណាត បានបញ្ជាក់ពាក្យ«ច្រាប»ជានាមសព្ទ មានន័យថា ជាអំណាចភ័យ ជាដីប្រៃ និងបញ្ជាក់ពីឈ្មោះផ្សិតដែលដុះនៅដីច្រាប។ ឧទាហរណ៍៖ ច្រាបជាន់(អំណាចភ័យ),ដីច្រាប(ដីប្រៃ),ផ្សិតច្រាប(ឈ្មោះផ្សិតដែលដុះនៅដីច្រាប)។
ដោយឡែក ពាក្យ«ជ្រាប»ជាកិរិយាសព្ទ មានន័យថា ចូលសព្វសាច់,ហូរស្រក់។ ប្រើជាពាក្យថា ទឹកជ្រាប។ «ជ្រាប» មានន័យដូចជាពាក្យ«ជម្រាប»ដែរ ដែលមានន័យថា ដឹង។ ឧទាហរណ៍៖ សូមជម្រាបអស់លោកឲ្យបានដឹងជាមុន៕
© រក្សាសិទ្ធិដោយ thmeythmey.com